Tuma 26:20 - Tampulma

²⁰ Mu funɛ te biksi Koosa laaboor weri ti a nyɛ Damaskus tim ni a zi kaali Jɛrusalɛm awa Judia pulum awa ba naa vɛ ya Ju tima a la biksi doonma ni. Mu fun biksi ba di o lawa ba gil ba tum tagnau a bur tiŋ Koosa a tum tum were di ba biksi nara chenani ba tum.

Tuma 26:20 Marejeleo ya Msalaba

Mat. 3:2

O funɛ ŋɔ ba, “Koosa duglɛu a la daŋni o dɔ ma. Chendaha ma gil ma tum tagna a burgi a tiŋ o nyinbaan.”

Mat. 3:8

Ma gil ma tum tagnau a la tum tum were a biksi nara chenani ma bambe burgi.

Mat. 4:17

Saha ti kpa la Yesu yaa fun la biksi nara a ŋɔ ba, “Ma gil ma tum tagna a burgi tiŋ Koosa nyinbaan. Saha ti duglɛu di Koosa dɔ nara.”

Mat. 9:13

Ba funɛ sɔbiu a li Koosa sɛm tɔn ti ni saha digi di o ŋɔ, ‘Chenani ma kpak dɔŋa wa siki ya min lɛmlɛmu a kaali chenani ma kɔɔrigi kina a nyɛ min papaha nau.’ Maa la a la dɛu chenani Koosa ŋɔ ma chen mun. N wa wa di n wa yir ba naa nara yir ba nibin were. Ba naa nara yir nibin tagna daharɛ, mu wa.”

Maak 6:12

Yesu funɛ biksi ba chene, ba fun si a kaali a la sɛm Koosa wɛ a nyɛ nara ni, a ŋɔ di ba gil ba tum tagna a burgi a tiŋ Koosa nyinbaan.

Luk 1:16

O zi wa nyɛ Ju tim nidamata bur wa tiŋ ba kunyana Koosau.

Luk 13:3

Aai. N ŋɔ mau di ma vɛ gil ma tum tagna a bur tiŋ Koosa nyinbaan, ma maga zi sitiu a chi chenani ba fun siti chen.

Luk 13:5

Aai. N ŋɔ mau di ma vɛ gil ma tum tagna a bur tiŋ Koosa nyinbaan, ma maga zi sitiu a chi chenani ba fun siti chen.”

Luk 15:10

Yesu fun ŋɔ ba, “Chen vɛɛna, tum tagna tiin digi wa gil o tum tagna yaali a burgi tiŋ Koosa nyinbaan, o malaikasi ta tusa ya sɔɔniu kinkan.”

Luk 15:7

Doone Yesu fun ŋɔ Farisi tim ta awa Koosa chiksɛ nibiksɛ ta ni, “Tum tagna tiina gil o tum tagna yaali a burgi tiŋ Koosa nyinbaan, ba naa nyɛn o tɔhɔn ti ni, tusa zi sɔɔniu o daha a kaali nara kɔkwa di kibɛgim wa to ba naa piin bur tiŋ un.”

Tuma 11:18

Yesu nitiŋɛ ta fun nu o sɛm ta, ba fun gil Pita zulimi a la pɛgi Koosa a ŋɔ dɔŋ ni, “Lalaknɔwa ya zim di Koosa funɛ nyɛ ba naa vɛ ya Ju tima nyinbaanu di ba gil ba tum tagna a bur tiŋ un, chen ni ba zi wa na o mi fali tiu.”

Tuma 15:19

Jems fun bukoo ŋɔ ba, “Ba naa vɛ ya Ju tima nidamata bur aa tiŋ Koosa. O ya mu tutɔrɛ ya vɛ kpa kin nama a gbaari ba.

Tuma 17:30

Hali saha nɔ Koosa wa fun lɛrgi ba naa vɛ zim o wɛ diŋsa, amaa o fun ŋɔ ba naa nyɛn bawu maga ni lalaknɔ di ba gil ba tum tagna a bur tiŋ un.

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 20:21

Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

Tuma 26:17

Mu zi tim hin ba naa vɛ ya Ju tima watiu a yisi hin a li ba wa Ju tim ta nisa ni.

Tuma 26:19

“Koor Agripa, mu funɛ tiŋ naa li Koosa tɔhɔn ti ka mu na un a chi mu deesi, nɔ.

Tuma 3:19

Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Tuma 9:35

Lida tim ta awa ba naa maga nyɛn tɛɛnɛ naa mak dɔŋ ni fun nu chenani yɛɛ, a nyɛ ba se su ya kunyan ti.

Room 2:4

I baa di chenani Koosa ya niwerire kinkan i wati a kpak hin wa kanyita, chen ya yɔrirɛɛ? I wa zim di Koosa ya niwerire kinkan i wati, chen i zi gil i tum tagna a bur tiŋ unn?

2 Kɔr. 3:16

Nara maga nyɛ ba se su ya kunyan ti, ba bambe sitɛ zi wa zim Koosau.

2 Kɔr. 7:10

Chenani ma tusa fun chɔk nyɛ ma gil ma tum tagna a bur a tiŋ un. Ya ya chen, wuzu digi o zi kotiu a yisi ya a li ya tum tagna ni hali a wa peti. O wa ya kin naa ya zi vɛ. Naa vɛ nyɛ Koosa chɔk o tuha, wuzu digi Koosa zi wa na o galimsau a ta un yɔri.

Ɛfɛ. 4:17

Domi ma wa ma kunyan ti ya nibɛgim daha, mu daŋni mu ŋɔ ma di ma ta nyɛni a chi ba naa vɛ zim Koosa nyɛni. Chenani ba lisi ya yɔrirɛ,

1 Tɛs. 1:9

Saha naa ya fun wa ma wati chen, ma funɛ la ya a duu a nu ya sɛma. Nara maga ŋɔ yau chenani ma gil vuga jirima nyɛɛli a burgi a tiŋ Koosa naa ya wuti tiina awa miisa tiina.

JɔnN Deesi 16:11

Ba fun ŋɔ nɔɔna a nyɛ Koosa naa nyɛn o tɔhɔn ti ni ba chɔɔri ta awa ba namsi kinkan daha, amaa ba wa fun gil a li ba tum tagni ta ni.

JɔnN Deesi 2:21

Saha naa mu fun ŋɔ un di o gil o tum tagni chen galɛu. O wara daŋni o bur a li o chɔkumsi tum ta ni.

JɔnN Deesi 2:5

Ma lisi chenani o fun te du a bur kuwa mu wati. Ma vɛ di ma wa zi bur wa, mu zi bur wa ma watiu lalaga a wa zer ma fitin bar chiŋsi a chɔk un.

JɔnN Deesi 3:3

Ma lisi chenani ma fun te nu Koosa laaboor weri ti a nyɛ ma se su un. Ma kpak un nɛnɛ a gil chenani ma vɛ tiŋ min nɛnɛ. Ma vɛ si chiŋi a kpak si sɛm a tiŋ min nɛnɛ, mu zi wa wa ma watiu ka ma vɛ zim mu wɛ. Mu waali ti zi chi chenani ŋmɛɛr ya wa ŋmɛ kina chen.