Tuma 25:6 - Tampulma

⁶ Fɛstus funɛ kpalimi Jɛrusalɛm ni wuzu mɛnasa koo wuzu fi a li dooni a bur kaali Siizaria. Chɔɔsa funɛ wa pisi, o fun la kani sɛria bar diili dɛ ni a ŋɔ ba kpa Pɔɔl a wa.

Tuma 25:6 Marejeleo ya Msalaba

Mat. 27:19

Pailɔt funɛ kani sɛria bar diili dɛ ti ni, o haan fun holi a ŋɔ un, “Dusum ti mu dɛ namsu kinkannɛ baal nɔ daha a li mu deesi ni. O nin wa to. Adaha i yisi un a ta.”

Jɔn 19:13

Pailɔt funɛ nu ba sɛma, o fun nyɛ o lanjimasi ta kpa Yesu a te o suwachak a kaali doonani chi biŋbiŋa. Ju tim ta funɛ yir dooni Gabata a li ba titi sɛm ni. Ba funɛ la tel dooni, Pailɔt fun kani sɛria bar diili kor ti ni.

Tuma 25:1

Wuzu butora gantɛl ni, Fɛstus fun li Siizaria a kaali Jɛrusalɛm.

Tuma 25:10

Pɔɔl fun ŋɔ un, “Yɛrɛ ma vɛ kaa di min sɛria ti bar nɔ a kaa kpa min la bar digi? Hin ya gɔbnati nyuhu tiin zen a chiŋi koorsi ta nyuhu tiina Siiza bar chiŋi ni. I zimu nɛnɛ di mu wa tum tum tagin digi a du Ju tim ta ni.

Tuma 25:17

Ba naa funɛ fiksi un fun gbaari min ni a wa bar nɔ, mu wa fun vusi chen yaali ni. Chɔɔsa funɛ wa pisi, mu fun la kani sɛria bar diili dɛ ti ni a ŋɔ ba kpa Pɔɔl a wa mu wati.

Tuma 25:4

Fɛstus fun ŋɔ ba, “Mu wa la nɔɔni di mu kpa un wa bar nɔ. O wa zi vusi ka mu bur kaali Siizaria.

Tuma 25:5

Baal nɔ fu tum tum tagin ka ma daŋni ma fiksi un mu suwachak ni, ma lisi nara a li ma tuhu ni a gbaari min ni ya la nu chenani sɛm ta kaa du.”

Tuma 8:40

Koosa siim weri ti fun nyɛ Filip kaali tɔhɔn naa ba yir Asdɔd. O funɛ biksi nara Koosa laaboor weri ti wɛ a li tɔsa maga ni hali a la tel tɔhɔn naa ba yir Siizaria.

2 Kɔr. 5:10

Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.

Jems 2:6

Amaa ma wa zɛɛmi fara tima a la nyɛ malɛ tima ba naa kpak tuha sa a nyɛ ma namsi a lɛrgi ma a la sɛria nidiile tim suwachak, wa jirima ni.