Tuma 24:16 - Tampulma

¹⁶ Mu yaa fun kpak unu mu bambi ni di mu tum mu tuma wa tu bɛgim ni Koosa awa nara suwachak ni.

Tuma 24:16 Marejeleo ya Msalaba

Tuma 23:1

Pɔɔl fun nyini ba se ni a ŋɔ, “Mu niinbisa, chenani mu nyɛn hali wa zinan, mu kpak tuha kibɛgimu awa Koosa ni.”

Room 2:15

Ba tuma biksɛɛ di Koosa funɛ sɔbi o chiksɛu ba bambe ni. Ba bambe lise gbanko di ba sɛria a ŋɔ ba di ba galimu akoo ba wa galimi.

Room 9:1

Domi mu wa Kristo ya nibɛgimnɛ, mu wara suni wɛ. Koosa siim weri ti ya mu sɛhɛra tiina. Chenani mu kaa ŋɔ ma nan, o ya wutirɛ.

1 Kɔr. 10:32

Ma doso ma ta wa ya wu digi naa la zi chɔk ma dɔŋtim ta lisi aa muksi ba. Ju tim ta akoo ba naa vɛ ya Ju tima koo ba naa ya Yesu nitiŋɛ, ma ta wa ya chen a nyɛ nandigi ni.

1 Kɔr. 4:4

Hali mu ŋɔ di mu tuha chaanu di mu funɛ tum nɛnɛu, chen wa zi biksi di mu zi wa liu. Kristo ya naa la zi wa di min sɛria.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

1 Tɛs. 2:10

Ma waa ya ya sɛhɛra tima. Koosa gbanko ya ya sɛhɛra tiina. Ya nyɛni kpa la ma wati funɛ deŋliu a wer kinkan. Nandigi wa fun koti a na ya galimsa.

1 Tim. 1:19

a kpak nɛnɛ aa tiŋ un wa tuha bɛgim ni. Bɔnɛ ka wa fun tiŋ wa tuha bɛgim a bur a chɔk ba se suuli kinkan.

1 Tim. 1:5

Mu ŋɔ hin nannɛ, chen ni ya tusa zi chaaniu ka ya kpak tuha bɛgim wa Koosa ni ka ya se su un wuti ya daŋni nara maga.

1 Tim. 3:9

Amaa o lawa ba kpak wuti naa funɛ sogli ka Koosa kpa un li gbampulim chenu a kpak tu bɛgim wa Koosa ni.

2 Tim. 1:3

Min la tum Koosa tuma awa tuha bɛgim ni a chi chenani mu nawaalsa fun tum chen. Mu yaa sumi Koosa a la zaami un i daha nha awa dusum.

Tait. 1:15

Kina maga weru a li ba naa tusa Koosa fun chaksi ni. Amaa ba naa tusa o fun vɛ chaksi ka ba se vɛ su un, kina maga ya doŋwa ba wati, domi ba lise awa ba tusa ya kitagniwa.

Ju 10:22

Ma nyɛ ya la zu doonani Koosa nyɛn. Ya se su un nɛnɛ ka ya kpak tu bɛgim, o zi la ya duu. O chi o funɛ kpa Kristo chɛllɛ a misi ya di o chaksi ya bambe, chen ni ya wa zi bu kpak galimsa o suwachak ni. O gbanko chi o kpa ni a sɔ ya bara.

Ju 13:18

Maa sumi Koosa ya daha saha maga. Ya zimu di ya tiŋ unu wa tu bɛgim ni. Ma Koosa sumi ti zi nyɛ ya kotiu a tum chenani o daŋni ya tum saha maga.

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

1 Pita 2:19

Ba kpak tu haasa a nyɛ ma na namsi, ma di un ka Koosa sɔɔni ma tusa.

1 Pita 3:16

Amaa ma doso a nyɛ ba jirima a ya jɛrgɛ ba wati. Ma kpak tuha kibɛgim awa Koosa ni, chen ni nara pini ma tum were a naa maa tum a nyɛ Kristo ni, zoma, hiisa zi kpak ba naa sɛm chenu.

1 Pita 3:21

Ni naa funɛ wa su Nowa saha ti chen chi chenani nara kpa nire a chaksi ma. Ba wara chaksi ma bara dɔŋwa, amaa maa sumi Koosa wa tu bɛgim, waa la zi yisi ma a li ma tum tagna ni maa tiŋ un. Koosa lɛlɛ Kristo a li o sou ni. Chendaha o koti a ya chen.