Tuma 23:9 - Tampulma

⁹ Doone Koosa chiksɛ nibiksɛ ba naa funɛ ya Farisi tim chen bɔnɛ fun chɛɛmi a tɔ chɛɛm ti a ŋɔ, “Ya se su di Koosa funɛ tum a malaikasi ta digi koo o siimsi ta digi a wa sɛm nyɛ un. Chendaha o nin wa toli.”

Tuma 23:9 Marejeleo ya Msalaba

Maak 2:16

Koosa chiksɛ nibiksɛ ta bɔnɛ, ba naa funɛ ya Farisi tima, ba waa funɛ na ba ka ba di diwe ta. Ba fun a pɛɛsi o gantɛl tiŋsi ta, “Yɛrɛ Yesu wa wu tagna tima awa lampo nilalɛ ta lagmi a di diwe?”

Luk 23:22

Chɛɛm ti funɛ sɔɔni, Pailɔt fun ŋɔ zɛmɛ ta ni butora a pɛɛsi ba, “Yɛrɛ? Tum tagna baŋnɛ o tum? Mu zimu di o wa tum kinkin naa la zi nyɛ o sou. N zi nyɛ mu lanjimasi ta tuk un wa vurmsi niu a nyɛ o la.”

Luk 23:4

Doone Pailɔt fun burgi a ŋɔ Koosa dam kɔkɔɔrsi ta awa zɛmɛ ba naa tiŋ un a la Pailɔt dama, “Baal nɔ nisa wa to.”

Luk 5:30

Ba naa funɛ ya Farisi tim ta awa Koosa chiksɛ nibiksɛ ta bɔnɛ, funɛ na bau ka ba di diwe ta. Ba fun a zulimi a pɛɛsi o gantɛl tiŋsi ta, “Yɛrɛ ma kunyana awa wu tagna tima wa lampo nilalɛ ta lagmi a di diwe?”

Jɔn 12:29

Zɛmɛ ba naa funɛ chiŋi doon chen bɔnɛ fun nu ta ti a ŋɔ dɔŋ ni, “O chi nasɛha tɛsɛɛ.” Bɔnɛ ka ŋɔ, “Malaika ŋɔ un.”

Tuma 11:17

Ya se funɛ su ya kunyana Yesu Kristo, Koosa fun kpa o siim weri ti a du ya ni. Lalaknɔwa o ya chen a nyɛ ba naa vɛ ya Ju tim ni. Min ya anti a la zi nyɛ Koosa gil chenani o daŋni o tum?”

Tuma 22:6

“Nha funɛ wa tel sal baan nyuha, mu funɛ nyɛn nyinbaan ni a wa dugli Damaskus. Kundɔŋ fun vaan nyiksi a li buudaha ni a chaani du min ni.

Tuma 22:7

Mu fun chel tɛɛnɛ ni a nu ta ka o ŋɔ min, ‘Sɔɔl, baŋnɛ ii namsi min chen ni?’

Tuma 23:29

Mu fun wa dɛu a na di o wa tum tum tagin naa la zi nyɛ mu di o sou sɛria koo a tɔ un dɛ. Ba ka fun ŋɔ di o chɔk ba titi chire.

Tuma 23:8

Sajusi tim ta fun biksi nara di Koosa wa zi lɛli nisitɛ a li ba sou ni ka o malaikasa awa siimsa vɛ nyɛni. Farisi tim ta ka funɛ biksi nara di wuzu digi Koosa zi wa lɛli nisitɛu a li ba sou ni ka o malaikasi ta awa siimsi ta nyɛn.

Tuma 25:25

Mu zaamsɛ unu a na di o wa tum tum tagin digi. Chendaha mu wa koti a di o sou sɛria. O funɛ sumi minu di mu nyɛ ba kpa un a la koorsi ta nyuhu tiina Siiza wati o di o sɛria. Mu fun la nɔɔni a nyɛ o kaali.

Tuma 26:31

Nibin birige nara batora ta funɛ li sal, ba fun ŋɔ dɔŋ ni, “Pɔɔl ha wa tum tum tagin naa la zi nyɛ ba tɔ un dɛ koo a di o sou sɛria.”

Tuma 27:23

Dusum ti Koosa naa dɔ min awa naa mu jɛɛmi, fun tum o malaikasi ta digi o wa ŋɔ min,

Tuma 5:39

Koosa ka ya ba nyuhu tiina, ma wa zi koti a nyaŋi chenani ba ya. Ma wara daŋni di ya wa un yo dɔŋa.”

Tuma 9:4

O fun chel tɛɛnɛ ni a nu ta ka o ŋɔ un, “Sɔɔl, baŋnɛ ii namsi min chen ni?”

1 Kɔr. 10:22

Ya daŋni ya kunyan ti na paannɛ a du ya nii? Ya waa kpok a kaali unn?