Tuma 23:18 - Tampulma

¹⁸ Nihɛɛ ti fun kpa un kaali o ŋɔ nihɛɛ nyuhu tiin ti ni, “Pɔɔl naa i tɔ dɛ chen yir min, a ŋɔ min di mu kpa bunɔɔn nɔ a wa i wati. O kpak wu digirɛ a kaa ŋɔ hin.”

Tuma 23:18 Marejeleo ya Msalaba

Luk 7:40

Yesu fun ŋɔ un, “Simɔn, n daŋni n ŋɔ hin wu digirɛ.” O fun ŋɔ, “Mu kunyana, ŋɔ min.”

Jɔn 18:12

Doone lanjimasi ta, ba nihɛɛ awa ba naa la il Koosa bar jɛɛmi dam ti, ba fun kpak Yesu a vɔu o nisa a ta o gantɛl ni.

Tuma 16:25

O fun wa dugli tɔhɛɛsa, Pɔɔl awa Sailas funɛ sumi Koosa a lɔ boola a pɛgi un. Ba naa ba fun kpa gbaari ba ni dɛ ti ni fun kani a nu ba wati.

Tuma 23:17

Pɔɔl funɛ nu o sɛm ta, o fun yir lanjimasi ta nihɛɛti ta digi o wa. O fun ŋɔ un, “Kpa bunɔɔn ti kila i nihɛɛ nyuhu tiin ti wati. O kpak wu digirɛ a kaa ŋɔ un.”

Tuma 23:19

Nihɛɛ nyuhu tiin ti fun kpa bunɔɔn ti nin a kpa un a la ba digi a la pɛɛsi un, “Yɛrɛ i kpak a kaa ŋɔ min chen?”

Tuma 27:1

Saha fun wa tel di ba kpa Pɔɔl kila Itali pulum doonani koorsi ta nyuhu tiina Siiza nyɛn. Lanjimasa nihɛɛ digi funɛ nyɛn doon ba yir un Julius. Koor Siiza fun kpa o titi sɔn a du Julius lanjimasa puk ti. Ba fun kpa Pɔɔl awa ba naa ba tɔ ba dɛ bɔnɛ a du Julius nin ni.

Tuma 28:17

Wuzu butora gantɛl, o fun yir Ju tima ba naa nyɛn dooni, nihɛɛta ba lagmi a wa o wati. O fun ŋɔ ba, “Mu niinbisa, mu wa fun tum tum tagin a du ya walɛ ni. Mu ka wa fun vɛɛn biksi nara di ba ta bu tiŋ ya nawaalsi ta nyinbaan. Hali nan daha, ba fun kpak min a tɔ dɛ a li Jɛrusalɛm ni a kpa min a du Roman tim nisa ni.

Ɛfɛ. 3:1

Chendaha muu sumi Koosa ma daha. Domi mu funɛ biksi ma naa vɛ ya Ju tima di ma tiŋ Koosa, ba fun kpak min a tɔ dɛ.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Faili. 1:9

Muu daŋni hinu. Chendaha mu sumi hin di i suŋi min. Kilisi di mu ya nibaalhɛɛrɛ ka ba fun kpa min la tɔ dɛ domi mu ya Yesu Kristo sɛhɛra tiinnɛ.