Tuma 23:12 - Tampulma

¹² Chɔɔsa funɛ wa pisi, Ju tim ta bɔnɛ fun lagmi dɔŋ ni a vɔti nɔɔna a ŋɔ di ba vɛ kpu Pɔɔl, ba wa zi di diwe koo a nyɔ ni.

Tuma 23:12 Marejeleo ya Msalaba

Mat. 26:4

a dɛu nyinbaan ba duŋduŋ chenani ba zi ya a kpak Yesu a kpu un.

Mat. 26:74

Doone Pita fun hɛɛsi Koosa a nyɛ o titi ni a ŋɔ, “Baal naa ma sɛm nan, n wa zim un.” Zimal fun vaan yeli.

Mat. 27:25

Zɛmɛ ta maga fun ŋɔ un, “Koosa la zi na ya wa ya nilulɛ galimsa a lɛrgi ya diŋsa o sou daha.”

Tuma 23:13

Ba naa funɛ vɔti nɔɔni chen funɛ kaali nara fumnaasiu.

Tuma 23:14

Ba fun la ŋɔ Koosa dam kɔkɔɔrsi ta awa nihɛɛti ta ni, “Ya fun lagmi dɔŋ ni a vɔti nɔɔna a ŋɔ di ya vɛ kpu Pɔɔl, ya wa zi di diwe koo a nyɔ ni.

Tuma 23:21

Ta tiŋ chenani ba ŋɔ hin. Ju tim ta bɔnɛ funɛ lagmi dɔŋ ni a vɔti nɔɔna a ŋɔ di ba vɛ kpu Pɔɔl, ba wa zi di diwe koo a nyɔ ni. Nɔɔna nivɔtɛ ta funɛ kaali nara fumnaasiu. Ba zi chem ma nyinbaan niu a kpu un. Hali ba saksɛu a pɔ di ba na baŋa kaa ya.”

Tuma 23:30

Mu funɛ nu di Ju tim ta bura daŋni ba kpu unu, mu fun lisi di mu nyɛ mu lanjimasi ta kpa un wa i wati. Mu fun ŋɔ ba naa la fiksi un chen di ba tiŋ o gantɛl a wa fiksi un i suwachak ni. Zaami i walɛ maga a nyɛ min.”

Tuma 25:3

a sumi un di ba kpa Pɔɔl kuwa Jɛrusalɛm o di o sɛria. Ba funɛ daŋni ba kpu un nyinbaan nɛɛ. Chendaha ba fun sɛm chen.

Tuma 9:23

Wuzu bilɛ gantɛl ni, Ju tim ta fun lagmi dɔŋ ni di ba zim chenani ba zi kpu un.

Tuma 9:24

Nha wa dusum maga ba yaa funɛ pɔu a li tɔhɔn ti bulzɔɔnɔ ni di ba kpak un kpu. Amaa Sɔɔl funɛ nu chenani ba daŋni ba ya unu.

1 Kɔr. 16:22

Nibine naa vɛ daŋni ya kunyan ti, Koosa zi ŋɔ nɔu a nyɛ un. Ya kunyana, kuwa.

2 Kɔr. 11:26

Mu yaa si bar digi niu a gba hali a la li bar tagna ni kinkan. Mu funɛ ji mɔɔga jibaŋ naa ni fun su a pisi chen. Nara funɛ muksi min kinkan a daŋni ba fuksi mu kina. Ju tim ta awa ba naa vɛ ya Ju tima fun nyɛ min na namsi kinkan. Hali ba naa mu fun lisi di ba ya mu chɛnsiwa, ba fun bur a ka min. Mu funɛ gbau a la li tɔsa awa nyabaan wa teku, a maga funɛ ya bar tagniwa.

Gal. 3:13

Kristo funɛ sou, waa funɛ chiŋi doonani Koosa kaa ŋɔ nɔ a nyɛ ya bar chiŋi ni a la ya nyuuna a nyɛ ya. Ba fun bukoo sɔbi a li o sɛm tɔn ti ni a ŋɔ, “Koosa zi ŋɔ nɔu a nyɛ naa ba yisi a tɛ daakakli ti ni.”

1 Tɛs. 2:16

Ba funɛ daŋni ya gil Koosa laaboor weri ti a ta sɛm kinyɛ ba naa vɛ ya Ju tim ni, domi ba nuɛɛ, Koosa fu zi koti a yisi bau a li ba tum tagna ni. Chen funɛ ya ba tum tagin a kaali ba tum tagna maga. Lalaknɔ Koosa na paanu kinkan a du ba ni a zi wa ta ba yɔri.