Tuma 22:14 - Tampulma

¹⁴ O fun bukoo ŋɔ min, ‘I funɛ nyɛn nyinbaan ti ni a wa chene, Koosa naa ya nawaalsi ta funɛ jɛɛmi, nyɛ i na Yesu ka i wa un sɛm sɛma. Waa ya o tumtumna naa yaa tiŋ o tutɔ. Koosa funɛ lisi hin di i tum chenani o daŋni,

Tuma 22:14 Marejeleo ya Msalaba

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

Tuma 13:17

Koosa naa ya Ju tim ta jɛɛmi, funɛ lisi ya nawaalsi ta a nyɛ o titi ni a nyɛ ba ya hɔɔra a li Ijipt pulum ni. Ba funɛ nyɛn doon chene, ba fun i a gbaari. Doone o fun kpa o kpok zen ti a lisi ba li dooni,

Tuma 22:15

a ŋɔ nidamata ni naa i na ka i wa un sɛm sɛma wɛ.

Tuma 22:18

mu fun na mu kunyan ti a chi mu deesi. O fun ŋɔ min, ‘Si lalaga a li Jɛrusalɛm ni, domi i ŋɔ ba naa nyɛn bar nɔ nan, chenani i chem min nyinbaan ni ka mu wa hin sɛm sɛma dɔŋ wati, ba wa zi nu i wati.’

Tuma 24:14

amaa chenani mu kaa ŋɔ hin chen ya wutirɛ. Mu yaa tiŋ Koosa jɛɛmi nyinbaan naa Ju tim ta ŋɔ di o wa ya wuti. Waa funɛ ya naa ya nawaalsi ta jɛɛmi a kpa a chiksɛ ta a nyɛ Mosis ni a nyɛ o witinsi ta sɔbi o sɛm ta a du o sɛm tɔn ti ni. O chiksɛ ta awa chenani maga ba sɔbi a du o sɛm tɔn ti ni ha vɛɛn ya mu kinawa.

Tuma 26:16

Si a chiŋi. Mu wa i watiu di mu wa lisi hin i ya mu tumtumna. Mu daŋni i la ŋɔ nara niu chenani i wa min pu dɔŋa zinan awa kin nawara mu zi biksi hin.

Tuma 5:30

Ma waa funɛ kpaasi Yesu a mari daakakli ti ni o sou. Koosa, naa ya nawaalsi ta funɛ jɛɛmi, lɛli un a li o sou ni,

Tuma 7:52

Hali Koosa witinsi ta digi wa fun ka ma nawaalsi ta vɛ namsi un. Koosa funɛ tum ba di ba wa ŋɔ ma nawaalsi ta ni di o zi wa tum o tumtumna naa tiŋ o tutɔu wuzu digi. Ma nawaalsi ta funɛ kpu ba chen a chi chenani ma vɛ a kpu o tumtum ti chen.

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Tuma 9:17

Ananias fun si a la zu dam ti a kpa o nisa a sak Sɔɔl ni a ŋɔ un, “Mu niinbe Sɔɔl, ya kunyana Yesu naa i na nyinbaan ni chen, funɛ tum min di mu wa lɛli i se. O gbanko funɛ tum min di o nyɛ Koosa siim weri ti zu hin ni a te i suwachak.”

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

1 Kɔr. 11:23

Nannɛ ya kunyan Yesu fun biksi min mu fun kpa un a nyɛ ma. Dusum nɛ Judas fun li ya kunyan Yesu gantɛl, o wa o gantɛl tiŋsi ta fun lagmi a di diwe. O fun kpa boroboro,

1 Kɔr. 15:3

Wu birigi zen naa mu fun la Koosa wati chen, mu funɛ kpa biksi mau. Waa nɛɛnɛ. Yesu funɛ sou ya tum tagna daharɛ a chi chenani Koosa sɛm tɔn ti fun sɛm di o zi wa tumu saha digi chen.

1 Kɔr. 15:8

Min tiŋ gantɛl a na un. O funɛ duuti ba tiŋ gantɛllɛ a lul min mu na un.

1 Kɔr. 9:1

Mu wati, mu wa dɔ mu titii? Mu wa ya Yesu Kristo nitumɛ ta digirɛɛ? Mu wa fun na ya kunyan Yesuu? Ma waa tiŋ Yesu domi mu funɛ wa ma wati a biksi ma Koosa laaboor weri ti wɛɛ?

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

Gal. 1:12

Nandigi wa fun a biksi min hali tama. Yesu Kristo titi funɛ kpa un a biksi min gbampulim ni.

Gal. 1:15

Amaa Koosa funɛ te lisi min di mu ya o tumtumna ka ba zi lul min. O funɛ te yir a suŋi min,

2 Tim. 1:1

Mu waa, Pɔɔl, naa Koosa fun lisi di mu ya Yesu Kristo nitumi a tum di mu la ŋɔ nara ni o miisa naa o piin kpa nyɛ ya wɛ, domi ya wa Yesu Kristo ya nibɛgimnɛ.

Tait. 1:1

Mu waa, Pɔɔl, naa ya Koosa tumtumna awa Yesu Kristo nitumi, min la sɔbi tɔn nɔ. Koosa funɛ lisi min a tum di mu wa kpami ba naa Koosa fun lisi di ba se su un a wa zim o wuti, chen ni ba zi tiŋ unu nɛnɛ.

1 Pita 2:22

O wa fun kut a tum tum tagin. O wa fun suni wɛ a nyɛ nara ni.

1 Jɔn 2:1

Mu bisa, mu sɔbi nannɛ a nyɛ ma, chen ni ma zi ɔm ma tum tagnau. Amaa ya nandigi tum tum tagna, ya kpak naa la zi sumi ya kunyana Koosa a nyɛ yau. Waa ya Yesu Kristo naa ya tu chaan tiin ti.