Tuma 21:8 - Tampulma

⁸ Chɔɔsa funɛ wa pisi, ya fun bu zu arŋ ti a li dooni a kaali Siizaria. Ya fun gil arŋ ti a la zu Filip dama a nyɛn o wati. Waa yaa funɛ biksi Koosa laaboor weri ti a nyɛ nara ni. O funɛ ya nara banɔpɛ ta digirɛ Yesu nitiŋɛ ba naa nyɛn Jɛrusalɛm ni fun lisi di o nyini ba malɛ ta.

Tuma 21:8 Marejeleo ya Msalaba

Tuma 10:1

Lanjima nihɛɛ digi funɛ nyɛn Siizaria ni. Ba funɛ yir un Kɔnilius. O funɛ ya lanjimasa kɔkwa nyuhu tiinnɛ. Ba maga funɛ li pulum naa ba yir Itali chene.

Tuma 16:10

Baal ti funɛ kaali, ya wa Pɔɔl fun saksi di ya la Masɛdonia, domi Koosa funɛ biksi ya di ya ŋɔ ba naa nyɛn dooni o laaboor weri ti wɛ.

Tuma 16:13

Ju tim ta wuzu hiisi funɛ wa tel, ya fun li tɔhɔn ti ni a la val pul nɔ ni, a dɛu doonani Ju tim ta yaa lagmi a sumi Koosa. Ya funɛ na un, ya fun la lagmi nihaani ni a kani dooni a sɛm.

Tuma 16:16

Wuzu digi ya funɛ la doonani Ju tim ta yaa sumi Koosa a la chem nihabichɛl naa ya yoma. Alizin tagin funɛ nyɛn o nyuhu ni a nyɛ o yaa ŋɔ nara ni chenani kaa wa ya. O tima fun na nyɔɔra kinkan a li chenani o ya a nyɛ nara ni chen.

Tuma 18:22

O fun la tel Siizaria a li arŋ ti ni a la zaami Yesu nitiŋɛ ba naa nyɛn Jɛrusalɛm ni a gali kaali Antiɔk a li Siiriya pulum ni.

Tuma 20:13

Pɔɔl fun waligi ya ni a kaali tɔhɔn naa ba yir Asɔs o duŋduŋ. Ya ka fun zu arŋa a la pu un dooni a chi chenani o fun ŋɔ ya chen.

Tuma 20:6

Ju tim ta wuzu zen naa ba yaa se boroboro ka luri vɛ nyɛni chen, petiu, ya fun li Girik tim pulum a kaali Filipai a la zu arŋa a kaali Troas. Wuzu bunyuu gantɛl ni ya fun tel doon a nyɛn wuzu bunɔpɛ.

Tuma 21:16

Yesu nitiŋɛ ba naa funɛ nyɛn Siizaria ni, bɔnɛ fun gbaari ya ni a kaali. Ya funɛ la tel Jɛrusalɛm, ba fun te ya suwachak a kpa ya a la baal naa ba yir Manasɔn, dama di ya nyɛn dooni. O funɛ li Saiprus pulum nɛ ka o se su ya kunyan ti a vusi.

Tuma 23:23

Doone nihɛɛ nyuhu tiin ti fun yir o nihɛɛta nara balɛ ba wa o ŋɔ ba, “Ma lagmi lanjimasa kɔksa lɛ, lanjimasa ba naa la zini zaagna fumnɔpɛ awa lanjimasa ba naa la chem laal wa tima ni, kɔksa lɛ a nyɛ ba saksi Siizaria laali. Ma nyɛ ba wa la dusum diwe diili peti saha.

Tuma 27:1

Saha fun wa tel di ba kpa Pɔɔl kila Itali pulum doonani koorsi ta nyuhu tiina Siiza nyɛn. Lanjimasa nihɛɛ digi funɛ nyɛn doon ba yir un Julius. Koor Siiza fun kpa o titi sɔn a du Julius lanjimasa puk ti. Ba fun kpa Pɔɔl awa ba naa ba tɔ ba dɛ bɔnɛ a du Julius nin ni.

Tuma 28:11

Alɛzandria tima arŋa funɛ nyɛn doone fufuk saha ti. Ba funɛ yir un, ‘vursa a naa ya leusisa’. Ya fun la zu un a kaali.

Tuma 28:16

Ya funɛ la tel Room, ba fun nyɛ Pɔɔl nyɛn o duŋduŋ ka lanjima il un.

Tuma 6:5

Ba sɛm ta funɛ nyɛ Yesu nitiŋɛ ta tu sɔɔnau kinkan. Doone ba fun lisi baal naa sɔn ya Stivin. O si funɛ su Yesu nɛnɛ ka Koosa siim weri ti fun te o suwachak. Ba gbanko fun lisi Filip, Prɔkɔrɔs, Nikanɔr, Timɔn, Parminas awa Nikolas naa funɛ si a bur tiŋ Ju tim jɛɛmi nyinbaan. O funɛ li tɔhɔn naa ba yir Antiɔk. Ba fun kpa ba a gbaari Stivin ni.

Tuma 9:30

O dɔŋtim ta funɛ nu chenani ba daŋni ba kpu un, ba fun tum Sɔɔl Siizaria ni o zu arŋa a kaali Taasus.

Ɛfɛ. 4:11

O funɛ lisi a li o papaha ti ni a nyɛ o nitiŋɛ ta ni, o fun nyɛ ba bɔnɛ ŋɔ nara o wɛ, bɔnɛ nyini o nitiŋɛ ta, bɔnɛ ka biksi ba o wɛ,

2 Tim. 4:5

Amaa ii kpak o wuti ti nɛnɛ saha maga. I di namsi aa kibiksi Koosa laaboor weri ti wɛ a nyɛ nara ni aa kitum i tuma nɛnɛ a nyɛ un.