Tuma 21:40 - Tampulma

⁴⁰ Lanjimasi ta nihɛɛ nyuhu tiin ti fun nyɛ un nyinbaan. Pɔɔl fun chiŋi naŋgere bar nɔsɛ nyuhu ti ni a viigi o nin di zɛmɛ ta gil chɛɛma. Ba fun moori ka o sɛm sɛma a nyɛ ba a li Ju tim sɛm ni.

Tuma 21:40 Marejeleo ya Msalaba

Luk 23:38

Ba gbanko funɛ sɔbi a ŋɔ di, “Ju tim koor ti nɛɛnɛ,” a mari o nyuha daha ni.

Jɔn 19:13

Pailɔt funɛ nu ba sɛma, o fun nyɛ o lanjimasi ta kpa Yesu a te o suwachak a kaali doonani chi biŋbiŋa. Ju tim ta funɛ yir dooni Gabata a li ba titi sɛm ni. Ba funɛ la tel dooni, Pailɔt fun kani sɛria bar diili kor ti ni.

Jɔn 19:17

Ba fun zer daakakli ti a nyɛ Yesu ni o baasi a la doonani Ju tim ta yir Gɔlgɔta a li ba titi sɛm ni. Chen mun ya, ‘nyukɔkri bar’.

Jɔn 19:20

Yesu bar kpaasi ti wa fun bol wa Jɛrusalɛm ni. Ju tim nidamata fun wa nyini chenani la ya a la karimi chenani ba sɔbi a mari daakakli ti ni. Sɛm tii butorawa ba fun sɔbi, a waa ya Ju tim ta sɛma, Girik tima awa Roman tima sɛma.

Jɔn 5:2

Bɛɛn we funɛ nyɛn dooni a dugli tɔsi ta digi bulzɔɔnɔ naa ba yir piisisa bulzɔɔnɔ. Ju tim ta funɛ yir doon a li ba sɛm ni, Bɛtzata. Zaŋa nyuu funɛ go bɛɛŋ we ti nɔ.

Tuma 1:19

Jɛrusalɛm tim maga fun nu chen wɛ a la yir o ŋmaha ti ‘Akɛldama’ a li ba titi sɛm ni. Chen mun ya, ‘ŋmaha naa chɛl buti dau’.

Tuma 12:17

O fun kpa o nin a ya ba ba gil chɛɛma a ŋɔ ba chenani ya kunyan ti yisi un a li dɛ naa ba tɔ nara chen ni. O fun ŋɔ ba, “Ma la ŋɔ Jems awa Yesu nitiŋɛ ta chenani yɛɛ.” Doone o fun gil ba a kaali bar digi.

Tuma 13:16

Doone Pɔɔl fun si chiŋi a kpa o nin a viigi ba suwachak ni di ba moori a ŋɔ ba, “Mu niinbisa Ju tima awa ma naa vɛ ya Ju tima a la jɛɛmi Koosa, maa nu mu wati nɛnɛ.

Tuma 19:33

Ju tim ba naa funɛ nyɛn zɛmɛ ta ni, bɔnɛ fun kpak baal naa ba yir Alɛzanda a zak un li zɛmɛ ta suwachak di o ŋɔ ba chenani o kpak. O fun a viigi o nin di ba gil chɛɛma.

Tuma 21:35

Saha naa ba wa un fun la tel naŋgere bar nɔsɛ ta, zɛmɛ ta funɛ zaksi dɔŋa a gbaari di ba la pu Pɔɔl a la un. Lanjimasi ta fun zer un a tɛ buudaha ni, chen ni ba zi kpa unu a tel ba dam kpok ti.

Tuma 22:2

Zɛmɛ ta funɛ nu ka o sɛm ba a li ba titi sɛm ni, ba fun bukoo moori a gbaari.

Tuma 26:14

Ya maga fun chesi tɛɛnɛ ni. Mu fun nu ta ka o ŋɔ min a li Ju tim ta sɛm ni, ‘Sɔɔl, baŋnɛ ii namsi min chen ni? I nyɛ i titi dɛŋarɛ a chi nuwal naa yaa galimi a pa o kunyan chen.’

Tuma 6:1

Chen saha ti Koosa yaa fun kpa nidamatau a gbaari Yesu nitiŋɛ ta ni. Wuzu kam nitumɛ ta yaa bɔni luhaana wa malɛu. Wuzu digi Yesu nitiŋɛ ba naa la sɛm Girik tim sɛm chen funɛ zulimi ba naa la sɛm Ju tim sɛm chen, domi ba luhaani ta wa funɛ la ba tutɔ malɛ maga.

JɔnN Deesi 16:16

Chen saha ti alizin tagni ta fun te koorsa ba naa a fun lagmi dɔŋ ni suwachak a la tel doonani ba yir Amagɛdɔn a li Ju tim sɛm ni.

JɔnN Deesi 9:11

Malaikasi ta digi funɛ nyɛn doon ba yir un a li Ju tim sɛm ni, Abadɔn. Ba funɛ yir un a li Girik tim sɛm ni, Apɔliyɔn. O mun ya, ‘naa la chɔk kina’. Waa funɛ ya hɔɔni ta koora a il bɔ naa vɛ kpak bar peti.