Tuma 21:39 - Tampulma

³⁹ Pɔɔl fun ŋɔ un, “Ju tima lul min tɔ birigi naa ba yir Taasus a li Sailisia pulum ni. Mu sumi hinu, nyɛ mu sɛm a nyɛ zɛmɛ ta ni.”

Tuma 21:39 Marejeleo ya Msalaba

Tuma 15:23

Nannɛ ba fun sɔbi a li tɔn nɔ ni. “Nitumɛ ta awa Yesu nitiŋɛ nihɛɛta, ba naa ya ma niinbisa, sɔbi tɔn nɔ a zaami Yesu nitiŋɛ ba naa vɛ ya Ju tima a nyɛn Antiɔk, Siiriya pulum awa Salisia pulum ni.

Tuma 15:41

a kaali Yesu nitiŋɛ ba naa funɛ nyɛn Siiriya pulum awa Sailisia pulum ni, a suŋi ba ba kpak Yesu nɛnɛ a gbaari.

Tuma 16:37

Pɔɔl fun la ŋɔ lanjimasi ta ni, “Ma sɛria nidiile ta wa dɛ na ya galimsa, amaa ba nyɛ ma tuksi ya wa vurmsi ni nara tima suwachak ni a kpa ya tɔ dɛ. Ya ya Ju narawa a vɛɛn ya Roman tima, adaha ba wa kpak nyinbaan wa ba nyɛ ma ya ya chen. Lalaknɔ ba daŋni ba sogli a lisi ya a ta. Ya wa la nɔɔni chenani ba daŋni ba ya chen. Ma bur la ŋɔ ba di ba titi kuwa a wa lisi ya.”

Tuma 21:37

Lanjimasi ta awa Pɔɔl funɛ la dugli zuuli, Pɔɔl fun burgi a ŋɔ lanjimasi ta nihɛɛ nyuhu tiin ti ni, “I zi nyɛ mu sɛm hin wu digiuu?” O fun ŋɔ un, “Mu wa zim di i sɛm Girik tim sɛm tau.

Tuma 22:3

Pɔɔl fun bukoo ŋɔ ba, “Ju tima lul min tɔhɔn naa ba yir Taasus a li Sailisia pulum ni, amaa mu funɛ biu a burgi nihɛɛ a li Jɛrusalɛm nɔ ni. Ya nibiksi zen naa ba yir Gameliel funɛ biksi min di mu tiŋ ya nawaalsi ta chiksɛ ta nɛnɛ. Chenani mu se fun sɛri di mu tiŋ Koosa chen saha ti awa chenani ma kina sɛri zinan ya kibɛgimnɛ.

Tuma 23:27

Min la tum baal nɔ awa tɔn nɔ ma wati. Ju tim ta fun kpak un a daŋni ba kpu un, ka mu wa mu lanjimasi ta fun la lisi un ba bambaan ni. Ba funɛ ŋɔ min di o ya Roman tim baallɛ. Chendaha mu fun ya chen.

Tuma 23:34

Filiks fun karimi tɔn ti a pɛɛsi Pɔɔl pulum naa o li. O funɛ zim di o li Sailisia pulum nɛ,

Tuma 6:9

Ju tim ta bɔnɛ funɛ wau di ba wa nyɛn Jɛrusalɛm ni a li Sairini pulum awa tɔhɔn naa ba yir Alɛzandria ni. Ba yaa yir ba bar lagmi dɛ ‘Yisi nibinsa a ta ba yɔri’ dɛ. Wuzu digi ba wa Ju tima ba naa li Silisia pulum awa Azia pulum ni fun lagmi a di Stivin amɔrɛ.

Tuma 9:11

Ya kunyan ti fun bu ŋɔ un, “Si a la baal naa ba yir Judas chen dama a li nyinbaan naa ba yir deŋli. I la tel dooni, i pɛɛsi Sɔɔl naa li tɔhɔn naa ba yir Taasus chen wɛ. O la sumi Koosa,

Tuma 9:30

O dɔŋtim ta funɛ nu chenani ba daŋni ba kpu un, ba fun tum Sɔɔl Siizaria ni o zu arŋa a kaali Taasus.

1 Pita 3:15

Ma nyɛ ma kunyan Kristo naa nyɛn ma ni, jirima. Waa ya tu chaan tiina. Nara pɛɛsi ma chenani ma kpak bambi bɛgim un ni, ma saksi a ŋɔ ba saha maga.