Tuma 21:37 - Tampulma

³⁷ Lanjimasi ta awa Pɔɔl funɛ la dugli zuuli, Pɔɔl fun burgi a ŋɔ lanjimasi ta nihɛɛ nyuhu tiin ti ni, “I zi nyɛ mu sɛm hin wu digiuu?” O fun ŋɔ un, “Mu wa zim di i sɛm Girik tim sɛm tau.

Tuma 21:37 Marejeleo ya Msalaba

Luk 21:15

Min kaa wa biksi ma chenani ma kaa wa la sɛm awa nɛha ni, chen ni ma dɔma wa zi wa koti a vɛ ma sɛma a tɔ di laaboor weri ti wa deŋli.

Tuma 19:30

Pɔɔl funɛ nu chenani yɛɛ, o funɛ daŋni o la sɛm zɛmɛ ta ni a la ba, amaa Yesu nitiŋɛ ta funɛ lisiu di chen wa kpak nyinbaan.

Tuma 21:19

Pɔɔl fun zaami ba maga a ŋɔ ba chenani maga Koosa fun suŋi un di o tum a nyɛ ba naa vɛ ya Ju tim ni.

Tuma 21:34

Nara tima bɔnɛ fun tɛsi a ŋɔ wu digi. Ba bɔnɛ ka fun tɛsi aa sɛm kundɔŋ. Chɛɛm ti fun lagmi dɔŋ ni o vɛ nu chenani ba sɛmi. Nan daha o fun ŋɔ o lanjimasi ta ni di ba kpa Pɔɔl a la zu ba dam kpok naa nara vɛ zu yɔri.

Tuma 22:24

Roman lanjimasa nihɛɛ nyuhu tiin ti fun ŋɔ o lanjimasi ta ba kpa Pɔɔl a la zu ba dam kpok naa nara vɛ zu yɔri, a tuk un wa vurmsi ni. O funɛ ŋɔ ba di ba ya chene, chen ni Pɔɔl zi ŋɔ unu kin naa ya zɛmɛ ta chɛɛmiu.

Tuma 23:10

Chenani Farisi tim ta awa Sajusi tima funɛ di amɔrɛ chen wa burgi yo. Hansura funɛ kpak lanjimasi ta nihɛɛ nyuhu tiin ti di ba zi huusi Pɔɔlu. O fun ŋɔ o lanjimasi ta ni ba zu kpak un yo ti bambaan ni a li a bur la zu ba dam kpok ti.

Tuma 23:16

Pɔɔl towe be fun nu chenani ba daŋni ba ya a la zini a zu lanjimasi ta dam kpok ti a ŋɔ Pɔɔl ni.