Tuma 21:26 - Tampulma

²⁶ Chɔɔsa funɛ wa pisi Pɔɔl fun la gbaari nara tima ni a nyɛ nara chaksi ba wa ni ni a biksi nara di Koosa la chaani ba bambe ni o suwachak ni. Doone ba fun la zu Koosa bar jɛɛmi dam ti a ŋɔ Koosa dam kɔkɔɔrsi ta ni di wuzu bunɔpɛ wuzu ba zi wa kɔɔri kɔɔra a nyɛ Koosa ni a biksi nara di chenani o funɛ chaani ba bambe ni chen mak o bɔu.

Tuma 21:26 Marejeleo ya Msalaba

Jɔn 11:55

Ju tim ta wuzu zen naa ba yir val la gali ti chen funɛ wa dugli. Nidamata fun li ba tɔsa a kaali Jɛrusalɛm di ba te la chaksi ba tusa a li ba tum tagna ni ka wuzu zen ti zi tel.

Tuma 21:24

Kpa i titi a gbaari ba ni a nyɛ nara chaksi ma wa ni ni a funi ma nyuuna a biksi nara di Koosa la chaani ma bambe ni o suwachak ni. Bɔ a nyɛ ma maga ni, chen ni nara maga zi zimu di chenani ba sɛm i wɛ chen wa ya wuti. Ba gbanko zi zimu di i ha wa gil ya chiksɛ ta tiŋi.

Tuma 24:18

Wuzu digi mu fun la zu Koosa bar jɛɛmi dam ti a ŋɔ Koosa dam kɔkɔɔrsi ta ni di wuzu bunɔpɛ wuzu ba zi wa kɔɔri kɔɔrau a nyɛ Koosa ni a biksi nara di chenani o funɛ chaani mu bambi ni chen mak o bɔu. Zɛmɛ wa fun go min. Chɛɛm gbanko wa fun toli.

1 Kɔr. 9:20

Mu wa Ju tim ta lagmi nyɛn, mu yaa kpa mu titiu a burgi ba, chen ni mu zi la ba bɔnɛu a nyɛ Koosa ni. Mu wa ba naa tiŋ Ju tim ta chiksɛ ta wa lagmi, mu gbanko yaa tiŋ ba chiksɛ tawa, chen ni mu zi la ba bɔnɛu a nyɛ Koosa ni.