Tuma 21:20 - Tampulma

²⁰ O funɛ sɛm peti, Jems awa nihɛɛti ta fun pɛgi Koosa chenani o tum chen daha. Ba fun ŋɔ Pɔɔl ni, “Ya niinbe, i zimu di Ju tima ba naa nyɛn bar nɔ, tusugsa funɛ nyɛ ya se su ya kunyan ti a kpak un ba bambe ni kinkan di ba tiŋ ba chiksɛ ta.

Tuma 21:20 Marejeleo ya Msalaba

Mat. 9:8

Ba naa funɛ chiŋi dooni na chenani o ya, hansura fun kpak ba kinkan. Ba fun a pɛgi Koosa o kpa o kpok a nyɛ Yesu ni o tum chen daha.

Luk 12:1

Nara tusugsa funɛ lagmi dɔŋ ni aa zaksi dɔŋa, Yesu fun ŋɔ o gantɛl tiŋsi ta ni, “Farisi tim ta ya nusun timwa. Chendaha ma doso ba biksi ni.

Luk 15:32

amaa n funɛ baa di i niinbe ti sowu, amaa o ha vɛɛn nyɛnu. N funɛ nyuksi unu amaa lalaknɔ n na unu. Chendaha ya kpu mu nuchamsi ti a lagmi a di diwe wa tu sɔɔni ni.’ ”

Jɔn 12:24

Maa nu mu wati nɛnɛ. Ma zim di kiduha tiina yaa kpa kibɛgim bɛgimwa a du. Kiduha ti titi yaa pɔu ka kifali nyu a zini a nɔn kidamata. O vɛ pɔɔli, o wa zi nyu a zini a nɔn.

Tuma 11:18

Yesu nitiŋɛ ta fun nu o sɛm ta, ba fun gil Pita zulimi a la pɛgi Koosa a ŋɔ dɔŋ ni, “Lalaknɔwa ya zim di Koosa funɛ nyɛ ba naa vɛ ya Ju tima nyinbaanu di ba gil ba tum tagna a bur tiŋ un, chen ni ba zi wa na o mi fali tiu.”

Tuma 15:1

Wuzu digi nibin bɔnɛ fun li Judia pulum a kaali Antiɔk a la biksi Yesu nitiŋɛ ba naa ya ya nibinsa a nyɛn dooni, a ŋɔ ba, “Koosa wa kikoti a yisi ma a li ma tum tagna ni see ba teŋsi ma a chi chenani Ju tim ta chiksɛ ta biksi ya.”

Tuma 15:24

Ya funɛ nu di ba naa li ya tuhu ni bɔnɛ funɛ wa buti ma awa ba biksi ni. Ya wa fun nyɛ ba nyinbaan di ba ya chen.

Tuma 15:5

Saha ti Yesu nitiŋɛ ba naa ya Farisi tim ta bɔnɛ fun si chiŋi ba suwachak ni a ŋɔ, “O lawa Yesu nitiŋɛ ta tiŋ Ju tim chiksɛ tau a nyɛ ba teŋsi ba.”

Tuma 2:41

Doone ba nidamata fun la nɔɔni di o sɛm ta ya wutiu. Ba fun gil ba tum tagna a bur tiŋ Koosa a nyɛ nitumɛ ta chaksi ba wa ni ni. Chen saha ti ba naa funɛ gbaari Yesu gantɛl tiŋsi ta ni, funɛ dugli nara tusugsa torau.

Tuma 22:3

Pɔɔl fun bukoo ŋɔ ba, “Ju tima lul min tɔhɔn naa ba yir Taasus a li Sailisia pulum ni, amaa mu funɛ biu a burgi nihɛɛ a li Jɛrusalɛm nɔ ni. Ya nibiksi zen naa ba yir Gameliel funɛ biksi min di mu tiŋ ya nawaalsi ta chiksɛ ta nɛnɛ. Chenani mu se fun sɛri di mu tiŋ Koosa chen saha ti awa chenani ma kina sɛri zinan ya kibɛgimnɛ.

Tuma 4:21

Ba fun bukoo tɛ ba nin kpok ni a gbaari a nyɛ ba kaali. Ba wa fun koti a lɛrgi ba diŋsa, domi nara tima maga funɛ pɛgi Koosa a li chenani ya daha.

Tuma 4:4

Zɛmɛ ta nidamata fun la nɔɔni di Pita sɛm ta ya wutiu a nyɛ ba se su Yesu. Nibaala duŋduŋ funɛ dugli nara tusugsa nyuunu.

Tuma 6:7

Koosa laaboor weri ti fun mɔɔli kinkan. Nara kinkan awa Koosa kɔkɔɔrsi ta nidamata fun nyɛ ba se su un a li Jɛrusalɛm ni a gbaari.

Room 10:2

Mu ya ba sɛhɛra tiina di ba se sɛrɛu di ba tiŋ un nɛnɛ. Amaa ba wa zim chenani ba zi tiŋ un wa wuti ni.

Gal. 1:14

Mu funɛ tiŋ chenani Ju tim ta tiŋu nɛnɛ a kaali ba naa nyuuna mak dɔŋa. Mu se funɛ sɛriu kinkan di mu wa tiŋ mu nawaalsi ta nyinbaan.

Gal. 1:24

Ba fun a pɛgi Koosa mu daha.

2 Tɛs. 1:10

A wuzu naa ya kunyan ti kaa wa bur wa, ba naa maga se su un zi nyɛ un jirimau kinkan. Ma gbanko zi wa nyɛn dooniu a ya chen, domi ma se funɛ su Koosa laaboor weri naa ya fun wa biksi ma chen.