Tuma 21:11 - Tampulma

¹¹ O fun kaali Pɔɔl wati a la ŋɔ un di o kpa o chɛra kikirisa a nyɛ un. Pɔɔl fun kpa a nyɛ un. Agabus fun kani a kpa un a vɔu o nisa awa o naŋgere a ŋɔ, “Ma nu chenani Koosa siim weri ti fun ŋɔ minu. Chɛra kikirisi nɔ tiina la tel Jɛrusalɛm, Ju tima ba naa nyɛn dooni, zi wa vɔu unu a chi chenani mu vɔu mu titi nan, a kpa un a du ba naa vɛ ya Ju tim nisa ni.”

Tuma 21:11 Marejeleo ya Msalaba

Jɔn 18:1

Yesu funɛ sumi o nyan ti peti, o wa o gantɛl tiŋsi ta fun li dooni a la ji pul we naa ba yir Kidrɔn a la zu ŋma we digi.

Tuma 13:2

Wuzu digi Yesu nitiŋɛ ta funɛ jɛɛmi ya kunyan ti a la vɔu nɔ, Koosa siim weri ti fun ŋɔ ba, “Min funɛ lisi Barnabas awa Sɔɔl di ba tum tum digi a nyɛ min. Ma waligi ba a nyɛ min.”

Tuma 16:6

Pɔɔl awa o kpɛgsa fun gba a la li Frijia awa pulum naa ba yir Galesia. Ba funɛ la tel pulum naa ba yir Azia, Koosa siim weri ti wa fun nyɛ ba nyinbaan di ba zu a biksi Koosa laaboor weri ti dooni.

Tuma 20:23

Mu zimu di doonani maga mu funɛ gba, waa funɛ ŋɔ min di mu zi na namsiu ka nara tɔ min dɛ.

Tuma 21:33

Lanjimasa nihɛɛ nyuhu tiin ti fun ŋɔ o lanjimasi ta ni ba kpa zɔglɛ abalɛ a vɔu Pɔɔl a burgi pɛɛsi zɛmɛ ta, “Anti ya baal nɔ? Baŋnɛ o tum?”

Tuma 21:4

a dɛu Yesu nitiŋɛ a nyɛn ba wati wuzu bunɔpɛ. Koosa siim weri ti fun nyɛ ba ŋɔ Pɔɔl ni di o ta la Jɛrusalɛm.

Tuma 22:25

Lanjimasi ta fun kpa ganɛsa a vɔu Pɔɔl a saksi di ba tuk un. O fun burgi a ŋɔ ba nihɛɛ naa chiŋi dooni, “Mu ya Ju tim baallɛ a vɛɛn ya Roman tim gbanko. Ma wa kpak nyinbaan naa ma zi tuk min wa vurmsi ni, domi ma ha wa kpa min la sɛria bar diili dɛ a na mu galimsa.”

Tuma 24:27

Filiks funɛ daŋni o sɔɔni Ju tim ta tusau. Chendaha o nyɛ o lanjimasi ta il Pɔɔl a vɛ nyɛ o laali. Bunsa lɛ gantɛl ni, baal naa ba funɛ yir Pɔsius Festus fun burgi gɔbnati nyuhu tiina nihɛɛ a chiŋi Filiks bar chiŋi ni.

Tuma 26:29

Pɔɔl fun ŋɔ, “Mu na nyinbaan a sɛm sɛm tama koo sɛm damata, mu zi sumi Koosau di i wa ba naa maga nyɛn bar nɔ nan zi burgi Yesu nitiŋɛu a chi chenani mu ya Yesu nitiŋi, amaa mu wa zi sumi un di ba tɔ ma dɛ a chi chenani ba fun tɔ min dɛ chen.”

Tuma 28:17

Wuzu butora gantɛl, o fun yir Ju tima ba naa nyɛn dooni, nihɛɛta ba lagmi a wa o wati. O fun ŋɔ ba, “Mu niinbisa, mu wa fun tum tum tagin a du ya walɛ ni. Mu ka wa fun vɛɛn biksi nara di ba ta bu tiŋ ya nawaalsi ta nyinbaan. Hali nan daha, ba fun kpak min a tɔ dɛ a li Jɛrusalɛm ni a kpa min a du Roman tim nisa ni.

Tuma 28:20

Ya Ju tima kpak bambi bɛgimu di Koosa zi tum naa o fun vɔu di o tumu ba wati wuzu digi. Roman tim ta funɛ kpa zɔgliu a vɔu mu nisa a nyɛ lanjima nɔ il min domi naa ya nara kpak bambi bɛgim a nyɛ chen daha. Chendaha mu yir ma di ma wa min na dɔŋa.”

Tuma 28:25

Pɔɔl sɛm ta fun nyɛ Ju tim ta di dɔŋa wa amɔrɛ ka ba funɛ daŋni ba la, amaa Pɔɔl funɛ nyɛ ba chiŋiu o sɛm ba sɛm tama a gbaari. O funɛ ŋɔ bau, “Koosa siim weri ti fun nyɛ Koosa witiina Azaaya sɛm wuti sɛma a nyɛ ma nawaalsi ta ni saha digi.

Tuma 8:29

Koosa siim weri ti fun ŋɔ Filip ni, “Kila a la tiŋ o gantɛl.”

Tuma 9:16

Mu zi biksi un chenani o zi biksi ba a na namsi kinkanu.”

Ɛfɛ. 3:1

Chendaha muu sumi Koosa ma daha. Domi mu funɛ biksi ma naa vɛ ya Ju tima di ma tiŋ Koosa, ba fun kpak min a tɔ dɛ.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Ɛfɛ. 6:20

Hali ba fun kpak min a tɔ dɛ, mu ha vɛɛn ya Koosa laaboor weri ti nitumirɛ. O deŋlu wa mu kpak bambi a biksi ba naa nyɛn bar nɔ o wɛ a ta kpa kundɔŋ a ta gantɛl ni.

1 Tim. 4:1

Koosa siim weri ti biksi nyɛn gbampulim ni di saha kurgɛ wau, nibin bɔnɛ zi wa buru a tiŋ Koosa. Ba ka zi wa nu alizin tagna biksiu a kitiŋ ba naa la mur ba nɔ.

2 Tim. 2:9

Koosa laaboor weri ti daha ba fun kpak min a la tɔ dɛ di mu namsi a chi tum tagna nitumi. Amaa ba wa koti a kpa o laaboor weri ti a tɔ dɛ.

Ju 10:34

Ma baga funɛ nyɛn ba naa ba fun tɔ dɛ chenu. Ba funɛ wa fuksi ma kina maga a li ma wati, ma tusa ha funɛ vɛɛn sɔɔniu, domi ma funɛ zimu di ma dɔ kin nawara kaali au a li Koosa tɔhɔn ti ni. Kin ta nyɛn hali saha naa vɛ kpak bɔ.

Ju 3:7

Ba fun sɔbi a li Koosa sɛm tɔn ti ni di o siim weri ti funɛ ŋɔ, “Koosa sɛm sɛma ma wati zinan,

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.