Tuma 20:33 - Tampulma

³³ Mu wa ma funɛ nyɛn, mu wa funɛ daŋni nandigi salma koo aniita koo gar.

Tuma 20:33 Marejeleo ya Msalaba

1 Kɔr. 9:12

Ma nyɛ bɔnɛ ni chene. Ba kpak chen nyinbaan a la diwe ma wati, ya waa wa kpak chen nyinbaan a kaali baa? Ya ha wa ŋɔ ma di ma ya chen a nyɛ ya. Ya kpak kanyitarɛ kina maga ni, chen ni ya wa zi tɔ Kristo laaboor weri ti nyinbaan.

1 Kɔr. 9:15

Mu kpak nyinbaan naa mu zi tum a nama magau, amaa mu wa tiŋ chen. Mu wa sɔbi tɔn nɔ a nyɛ ma di ma ya chen a nyɛ min. Mu daŋni mu te biksi ma Koosa laaboor weri tiu a sou wa lɔsa a zi ŋɔ ma ma nyɛ min diwe.

1 Kɔr. 9:18

Mu tum ta nyɔɔra ya baŋa? Mu nyɔɔra ya mu kpa Koosa laaboor weri ti a nyɛ nara ni a ta la kundɔŋ. Saha maga mu wara tiŋ nyinbaan naa mu kpak, domi mu ya Yesu Kristo nitiŋɛ ta digirɛ.

1 Kɔr. 9:4

Kristo nitumɛ ta kpak nyinbaan di nara nyɛ ba diwe awa kinyɔɔli ba tum daha. Mu wa kpak chen nyinbaan?

2 Kɔr. 11:7

Mu funɛ te nyɛn ma wati a biksi ma Koosa laaboor weri ti wɛ, mu wa funɛ daŋni bɔta. Mu funɛ bur mu titirɛ gantɛl di ma zer ma nyuuna buudaha. Chen wa fun deŋlii?

2 Kɔr. 11:9

Wuzu digi mu malɛ fun wa peti, amaa mu wa fun wa pɛɛsi ma di ma suŋi min. Mu niinbisa ba naa nyɛn Masɛdonia pulum ni, funɛ zer kin naa maga mu daŋniu a wa nyɛ min. Mu yaa fun dosou di mu wa zi nyini ma se ni a li kundɔŋ ni. Chene o kaa nyɛn kpa la saha wa wa.

2 Kɔr. 7:2

Ma chasi ma tusa a nyɛ ya. Ya ha wa tum tum tagna a nyɛ nandigi ni. Ya ha wa di nandigi koo a mur ba.

1 Tɛs. 2:5

Ma zim nɛnɛ di ya funɛ biksi ma chen, ya wa funɛ pɛgi ma wa ya nyina nɛɛ a la mur ma. Ya wa funɛ mur narawa di ya la kina. Koosa ya ya sɛhɛra tiina kin nama ni.

1 Pita 5:2

Ba naa la tiŋ Koosa chi o piisisiwa. Waa nyɛ ma ya ba nigbaŋɛ. Maa nyini ba nɛnɛ. Ma ta nyini ma na nyɔɔra a li ma tum ni, amaa maa kpak un ma bambe ni di ma tum tuma a nyɛ ba kinkan. O wa ya muksirɛ ma tum chen. Ma tutɔrɛ maa tum. Chene Koosa daŋni.

3 Jɔn 1:7

Yesu daha baa gba tɔsa nan. Ba wara daŋni ba naa vɛ zim Koosa nyɛ ba kundɔŋ.