Tuma 20:3 - Tampulma

³ a la nyɛn dooni pɛnsa tora. O funɛ nyɛn doon a saksi di o bur la Siiriya pulum, o fun nu di Ju tim ta dɛu nyinbaannɛ di ba kpu un. Chendaha o fun chɛrgi o bambi a lisi di o bur la tiŋ Masɛdonia pulum a la.

Tuma 20:3 Marejeleo ya Msalaba

Mat. 4:24

O laaboora fun pisi a su pulum naa ba funɛ yir Siiriya chen, chen ni ba naa funɛ nyɛn dooni, ba fun kpa wichɔɔrsi ta a wa di o tiibi fun nyɛn ba. Alizin tagna funɛ kani nara tima bɔnɛ nyuhu ni, kigbimgbiŋsa ka fun nyɛn ba bɔnɛ ni, ba bɔnɛ nisa awa naŋgere ka fun siti. Yesu fun tiibi ba maga.

Tuma 16:12

Ya fun kpa teku ti a ta ya gantɛl ni a la tel tɔhɔn naa ba yir Filipai. O funɛ ya tɔ birigirɛ a li Masɛdonia pulum ti ni. Roman tima funɛ sa un. Ya fun nyɛn doon wuzu damata.

Tuma 16:9

A wuzu ti dusum Pɔɔl funɛ na baal digirɛ a chi o deesi ka o li pulum naa ba yir Masɛdonia. O fun chiŋi Pɔɔl suwachak ni a sumi un, “Ji a wa suŋi ya.”

Tuma 18:18

A gantɛl nɛɛ Pɔɔl fun nyɛn Kɔrint ni a vusi. Doone Yesu nitiŋɛ ta fun tiŋ o wa Akwila awa Prisila a la ta nyinbaan ni ba la tɔhɔn naa ba yir Kɛnkrɛa. Doonee Pɔɔl fun vɔu vɔwi a nyɛ Koosa ni di o zi tiŋ unu a gbaari a nyɛ ba funi o nyuha di nara zim. Ba fun zu arŋ naa le la Siiriya pulum.

Tuma 19:21

A gantɛl nɛɛ Pɔɔl fun lisi di o zi gbau a la Masɛdonia pulum awa Girik tima pulum a bur wa Jɛrusalɛm. O gbanko fun lisi di chen gantɛl ni o zi li dooniu a la Room.

Tuma 20:1

Wuzu bilɛ gantɛl ni, Pɔɔl fun yir Yesu nitiŋɛ ta a lagmi dɔŋ ni a ŋɔ ba di o daŋni o la Masɛdonia pulumnɛ. O fun kpami ba a chausi ba a kaali.

Tuma 20:19

Mu yaa funɛ tum ya kunyan ti tuma awa jɛɛgisi nɛɛ. Hali Ju tim ta funɛ na nyinbaanasa di mu namsi kinkan chen ni mu zi wiu, nannɛ mu funɛ tum.

Tuma 20:2

O fun gba a go Masɛdonia pulum a kpami Yesu nitiŋɛ ba naa nyɛn dooni. O fun li dooni a kaali Girik tim pulum,

Tuma 21:3

a la gali Saiprus pulum naa ni go ka o nyɛn ya ningal ni a la tel Taaya a li Siiriya pulum ni. Bun tima arŋ ti fun chuŋi chen funɛ ya doon kinawa. Ya fun gil arŋ ti,

Tuma 25:3

a sumi un di ba kpa Pɔɔl kuwa Jɛrusalɛm o di o sɛria. Ba funɛ daŋni ba kpu un nyinbaan nɛɛ. Chendaha ba fun sɛm chen.

2 Kɔr. 1:15

Kin nama daha, mu funɛ daŋni mu wa gali ma ni a la Masɛdonia pulum a bur wa na ma, chen ni ma zi suŋi minu a li Judia pulum nyinbaan ni. Mu fu ya chen, mu fu zi suŋi mau bilɛ.

2 Kɔr. 11:26

Mu yaa si bar digi niu a gba hali a la li bar tagna ni kinkan. Mu funɛ ji mɔɔga jibaŋ naa ni fun su a pisi chen. Nara funɛ muksi min kinkan a daŋni ba fuksi mu kina. Ju tim ta awa ba naa vɛ ya Ju tima fun nyɛ min na namsi kinkan. Hali ba naa mu fun lisi di ba ya mu chɛnsiwa, ba fun bur a ka min. Mu funɛ gbau a la li tɔsa awa nyabaan wa teku, a maga funɛ ya bar tagniwa.

2 Kɔr. 7:5

Ya funɛ wa tel Masɛdonia pulum, ya wa fun koti a hiisi. Doonani maga ya yaa fun burgi, ya yaa na namsiu. Nidamata yaa funɛ muksi yau kinkan. Chendaha tu chɔk yaa fun su ya tusau,

Gal. 1:21

Mu funɛ li Jɛrusalɛm ni, mu fun gba Siiriya pulum awa Silisia pulum.