Tuma 20:21 - Tampulma

²¹ Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

Tuma 20:21 Marejeleo ya Msalaba

Mat. 3:2

O funɛ ŋɔ ba, “Koosa duglɛu a la daŋni o dɔ ma. Chendaha ma gil ma tum tagna a burgi a tiŋ o nyinbaan.”

Mat. 4:17

Saha ti kpa la Yesu yaa fun la biksi nara a ŋɔ ba, “Ma gil ma tum tagna a burgi tiŋ Koosa nyinbaan. Saha ti duglɛu di Koosa dɔ nara.”

Maak 1:15

a fun ŋɔ ba, “Saha teliu wa Koosa koora dugli. Ma gil ma tum tagna a nyɛ ma se su o laaboor weri ti, chen ni o zi dɔ mau.”

Maak 6:12

Yesu funɛ biksi ba chene, ba fun si a kaali a la sɛm Koosa wɛ a nyɛ nara ni, a ŋɔ di ba gil ba tum tagna a burgi a tiŋ Koosa nyinbaan.

Luk 13:3

Aai. N ŋɔ mau di ma vɛ gil ma tum tagna a bur tiŋ Koosa nyinbaan, ma maga zi sitiu a chi chenani ba fun siti chen.

Luk 13:5

Aai. N ŋɔ mau di ma vɛ gil ma tum tagna a bur tiŋ Koosa nyinbaan, ma maga zi sitiu a chi chenani ba fun siti chen.”

Luk 15:10

Yesu fun ŋɔ ba, “Chen vɛɛna, tum tagna tiin digi wa gil o tum tagna yaali a burgi tiŋ Koosa nyinbaan, o malaikasi ta tusa ya sɔɔniu kinkan.”

Luk 15:7

Doone Yesu fun ŋɔ Farisi tim ta awa Koosa chiksɛ nibiksɛ ta ni, “Tum tagna tiina gil o tum tagna yaali a burgi tiŋ Koosa nyinbaan, ba naa nyɛn o tɔhɔn ti ni, tusa zi sɔɔniu o daha a kaali nara kɔkwa di kibɛgim wa to ba naa piin bur tiŋ un.”

Luk 16:28

a la ŋɔ mu niinbisa nyuun ba naa nyɛn dooni di ba gil ba tum tagna. Ŋɔ ba di ba vɛɛ, ba zi wa gbaari min niu a li bar namsi nɔ ni.’

Luk 24:47

O fun ŋɔ ba, “Koosa laaboor weri ti biksi nara gil ba tum tagna a bur a tiŋ Koosa, o zi gil ba tum tagnau a nyɛ ba chen tiin sou daha. Ba fun bukoo sɔbi di o lawa o gantɛl tiŋsi ta te biksi laaboor nɔ a li Jɛrusalɛm ni a zi biksi bawu maga ni.

Jɔn 20:31

Mu funɛ lisi a namau a dau a du tɔn ti ni, chen ni ma se zi suu di Yesu ya Kristo naa Koosa fun ŋɔ di o zi wa tumu wuzu digi chen. Mu gbanko funɛ lisi au a dau, chen ni ma se zi suu di o ya Koosa bere. Ma ya chen, o zi kpa Koosa mi fali tiu a nyɛ ma.

Jɔn 3:36

Ba naa maga se su o be ti, Koosa kpa o mi fali naa vɛ kpak bɔ a nyɛ ba. Ba naa maga se ka vɛ su un a vɛ tiŋ o nɔ, Koosa wa zi kpa o mi fali ti a nyɛ ba. O zi na paanu a du ba ni a lɛrgi ba diŋsa hali saha naa vɛ kpak bɔ.”

Tuma 10:43

Koosa witinsi ta maga funɛ sɛm o wɛu saha digi. Ba fun biksi di ba naa maga se su un, Koosa zi gil ba tum tagnau a nyɛ ba Yesu sɔn daha.”

Tuma 11:18

Yesu nitiŋɛ ta fun nu o sɛm ta, ba fun gil Pita zulimi a la pɛgi Koosa a ŋɔ dɔŋ ni, “Lalaknɔwa ya zim di Koosa funɛ nyɛ ba naa vɛ ya Ju tima nyinbaanu di ba gil ba tum tagna a bur tiŋ un, chen ni ba zi wa na o mi fali tiu.”

Tuma 16:31

Ba fun ŋɔ un, “Nyɛ i si su ya kunyana Yesu ka Koosa zi yisi i wa i walɛ a li ma tum tagna ni.”

Tuma 17:30

Hali saha nɔ Koosa wa fun lɛrgi ba naa vɛ zim o wɛ diŋsa, amaa o fun ŋɔ ba naa nyɛn bawu maga ni lalaknɔ di ba gil ba tum tagna a bur tiŋ un.

Tuma 19:17

Ju tim ta maga awa ba naa vɛ ya Ju tima aa nyɛn Ɛfɛsus ni fun nu chenani yɛɛ. Hansura fun kpak ba kinkan, chen ni ba fun nyɛ ya kunyana Yesu awa jirima kinkan a gbaari.

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 2:40

Sɛm ta maga laata Pita fun sɛm zɛmɛ ta. O funɛ kpaŋi o titirɛ di o sɛm ta zu ba bambe a ŋɔ, “Ma yisi ma titi a li tum tagna nitumɛ na wati, chen ni Koosa wa zi wa lɛrgi ma diŋsa a chi chenani o kaa wa lɛrgi ba kina.”

Tuma 20:23

Mu zimu di doonani maga mu funɛ gba, waa funɛ ŋɔ min di mu zi na namsiu ka nara tɔ min dɛ.

Tuma 20:24

Mu baga wa to kin naa ya min ni. Ya kunyana Yesu fun lisi min di mu biksi nara Koosa laaboor weri ti wɛ awa chenani Koosa daŋni o suŋi ba. Mu bambi maga nyɛn tum nɔ o kpa nyɛ min di mu tum a peti nannɛ.

Tuma 24:24

Wuzu bilɛ gantɛl ni Filiks wa o haan naa ba yir Drusila, fun ŋɔ ba kpa Pɔɔl a wa ba wati. O haan ti funɛ ya Ju tim nihaannɛ. Ba funɛ daŋni ba wa un sɛm chenani nara se su Yesu Kristo.

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Tuma 26:20

Mu funɛ te biksi Koosa laaboor weri ti a nyɛ Damaskus tim ni a zi kaali Jɛrusalɛm awa Judia pulum awa ba naa vɛ ya Ju tima a la biksi doonma ni. Mu fun biksi ba di o lawa ba gil ba tum tagnau a bur tiŋ Koosa a tum tum were di ba biksi nara chenani ba tum.

Tuma 28:23

Ba fun la nɔɔni di ba wa Pɔɔl zi bu lagmiu. A wuzu ti fun wa tel, ba fun i a gbaari a wa doonani o nyɛn chen. A piili chɔɔsa hali nha wa chel, o fun biksi ba di saha naa Koosa zi wa dɔ nara telu mun. O fun karimi Koosa sɛm tɔn ti bar digi a li chiksɛ naa o fun lisi a nyɛ Mosis ni chen awa sɛm naa Koosa witinsi ta fun sɔbi di o biksi ba chenani o fun ŋɔ Yesu wɛ chen ya wutirɛ.

Tuma 3:19

Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

Tuma 8:25

Ba wa Simɔn funɛ sɛm peti, ba fun biksi nara tima Koosa laaboor weri ti wɛ awa chenani ba zim Yesu wɛ a bur kaali Jɛrusalɛm. Ba funɛ nyɛn nyinbaan ni a la chene, ba funɛ biksi Koosa laaboor weri ti a nyɛ tɔsi naa nyɛn Samaria pulum tim bɔnɛ ni.

Room 1:14

Girik tima awa ba naa vɛ nɛɛgi, nɛha tima awa nyu bilim tima, o lawa mu biksi Koosa laaboor weri tiu a nyɛ ba maga ni.

Room 1:16

Koosa laaboor weri ti ya mu jirima kin. Koosa funɛ kpa o kpokre a du un ni, chen ni Koosa zi kotiu a yisi ba naa maga se su o laaboor weri ti a li ba tum tagna ni. O te ya chene a nyɛ ba naa ya Ju tim ni a ka zi ya a nyɛ ba naa vɛ ya Ju tim ni.

Room 10:9

Ma ŋɔɛɛ di Kristo ya ma kunyana ka ma se su di Koosa funɛ lɛli unu a li o sou ni, Koosa zi yisi mau a li ma tum tagna ni.

Room 2:4

I baa di chenani Koosa ya niwerire kinkan i wati a kpak hin wa kanyita, chen ya yɔrirɛɛ? I wa zim di Koosa ya niwerire kinkan i wati, chen i zi gil i tum tagna a bur tiŋ unn?

Room 4:24

O funɛ ya ya gbanko daharɛ ba fun sɔbi chen. Ya se su Koosa naa funɛ lɛli ya kunyana Yesu Kristo a li o sou ni. Chendaha o gbanko wa zi bu na ya galimsa.

Room 5:1

Lalaknɔ Koosa wa piin na ya galimsa ya se suuli daha. Ya wa un kpak nɔ bɛgimnɛ ya kunyan Yesu Kristo daha.

1 Kɔr. 1:22

Ju tim ta daŋni ya la biksi ba alaazibu wɛ, ka Girik tima daŋni ya la biksi ba zima ti.

2 Kɔr. 7:10

Chenani ma tusa fun chɔk nyɛ ma gil ma tum tagna a bur a tiŋ un. Ya ya chen, wuzu digi o zi kotiu a yisi ya a li ya tum tagna ni hali a wa peti. O wa ya kin naa ya zi vɛ. Naa vɛ nyɛ Koosa chɔk o tuha, wuzu digi Koosa zi wa na o galimsau a ta un yɔri.

Gal. 2:16

Ya zimu di nar tiŋ Koosa chiksɛ ta duŋduŋ, chen tiina ha zi vɛɛn kpak galimsau o wati, amaa nar nyɛ o si su Yesu Kristo, Koosa wa zi bu na o galimsa. Ya se su Yesu Kristo. Ya wara tiŋ Koosa chiksɛ ta duŋduŋ. Chendaha o wa bu na ya galimsa.

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Gal. 3:22

Ba fun a sɔbi a li Koosa sɛm tɔn ti ni di tɛɛnɛ nɔ tim maga na galimsa ba tum tagna daha. Chendaha ba naa se su Yesu Kristo, la Koosa papaha naa o fun vɔu a nyɛ Abraham ni chen.

Ɛfɛ. 1:15

Mu funɛ nu chenani ma se su ya kunyan Yesu awa chenani maa daŋni Koosa nara maga.

Kɔl. 2:5

Mu wa ma bol wa dɔŋau, amaa mu baga nyɛn di ma maga se su Kristo kinkan ka maa tiŋ o nyinbaan aa kpak un nɛnɛ. Ma ya chen, mu tuha zi sɔɔniu.

Faili. 1:5

Nibinsa yaa ŋɔ minu di i si su ya kunyan Yesu kinkan ka ii daŋni ba naa maga tiŋ Koosa nyinbaan. Chendaha mu ya chen.

1 Jɔn 5:1

Naa si su di Yesu ya Kristo naa Koosa fun tum chen, chen tiina ya Koosa bisi ta digirɛ. Ma daŋni nibine, ma zi daŋni o be ti gbankou.

1 Jɔn 5:5

Ba naa se su di Yesu ya Koosa bere duŋduŋ la zi ya chen.