Tuma 20:19 - Tampulma

¹⁹ Mu yaa funɛ tum ya kunyan ti tuma awa jɛɛgisi nɛɛ. Hali Ju tim ta funɛ na nyinbaanasa di mu namsi kinkan chen ni mu zi wiu, nannɛ mu funɛ tum.

Tuma 20:19 Marejeleo ya Msalaba

Luk 19:41

Yesu funɛ wa dugli Jɛrusalɛm, o fun chiŋi a wi o daha.

Jɔn 12:26

Ma la ŋɔ Girik tim ta ni di ba daŋni ba wa min tum tuma, ba wa tiŋ min, chen ni ba zi nyɛn doonani mu nyɛnu. Ba ya chen, mu nyan ti zi nyɛ ba jirimau.”

Tuma 17:13

Ju tima ba naa funɛ nyɛn Tɛsalonika ni, funɛ nu di Pɔɔl biksi Koosa laaboor weri ti a nyɛ Bɛrɛa tim ta ni, ba bɔnɛ fun wa gbaari Bɛrɛa tim ta ni a lagmi zɛmɛ di ba dam tɔhɔn ti.

Tuma 17:5

Ju tima ba naa funɛ ka chen funɛ di handɔta a du Pɔɔl awa Sailas ni. Ba fun lagmi ba naa chiŋi a ya yɔri a li yau ni a nyɛ ba dam tɔhɔn ti. Ba fun lisi di Pɔɔl awa Sailas nyɛn baal naa ba yir Jesɔn dam nɛ a wa chɔk dam ti di ba lisi ba a li zɛmɛ ta suwachak.

Tuma 20:3

a la nyɛn dooni pɛnsa tora. O funɛ nyɛn doon a saksi di o bur la Siiriya pulum, o fun nu di Ju tim ta dɛu nyinbaannɛ di ba kpu un. Chendaha o fun chɛrgi o bambi a lisi di o bur la tiŋ Masɛdonia pulum a la.

Tuma 20:31

Ma doso a kilisi chenani mu fun kpak un mu bambi ni di mu biksi ma bunsa tora a ta hiisi tama.

Tuma 21:27

Wuzu bunɔpɛ ta funɛ wa dugli peti, Ju tima ba naa funɛ li Azia pulum, bɔnɛ fun na Pɔɔl a li Koosa bar jɛɛmi dam ti ni. Ba fun nyɛ ba naa maga nyɛn dooni chen dam a la kpak un.

Tuma 27:23

Dusum ti Koosa naa dɔ min awa naa mu jɛɛmi, fun tum o malaikasi ta digi o wa ŋɔ min,

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

Room 1:9

Koosa naa muu tum a nyɛ awa mu bambi maga ni a la biksi o laaboor weri ti o be wɛ a nyɛ nara ni, waa ya mu sɛhɛra tiina di mu yaa sumi unu ma daha,

Room 12:11

Ma ta ya zanyɛrka tima, amaa ma kpak se sɛm a tum a nyɛ ma kunyan ti ni saha maga.

2 Kɔr. 2:4

Mu funɛ sɔbi a nyɛ ma, o funɛ muksi minu kinkan ma daha. Mu tuha funɛ chɔku kinkan mu wi. Amaa mu wa funɛ daŋni mu tɔn ti sɛma chɔk ma tusa. Mu funɛ daŋni mu biksi mau chenani muu daŋni mau.

2 Kɔr. 3:5

Ya wa kikoti a kpa ya kpok a tum tuma a nyɛ Koosa ni. Waa kpa o kpok ti a nyɛ ya ya tum tuma a nyɛ un.

2 Kɔr. 7:5

Ya funɛ wa tel Masɛdonia pulum, ya wa fun koti a hiisi. Doonani maga ya yaa fun burgi, ya yaa na namsiu. Nidamata yaa funɛ muksi yau kinkan. Chendaha tu chɔk yaa fun su ya tusau,

Gal. 1:10

Ma lisu di muu daŋni mu ya nara lɛmlɛmnɛɛ? Aai. Mu daŋni mu sɔɔni Koosa duŋduŋ tuharɛ. Mu daŋni mu ya nara lɛmlɛm, mu wa ya Kristo tumtumna.

Ɛfɛ. 6:7

Maa tum ma tuma awa tu sɔɔni, domi ma wa tum a nyɛ nibinsa duŋduŋnɛ. Ma tum aa nyɛ Yesu Kristo nee.

Filip. Tima 3:18

Mu funɛ ŋɔ mau bu damata di nidamata vɛ Kristo daakakli biksi ti. Lalaknɔ mu bura ŋɔ mau awa siini ni.

Kɔl. 3:24

Ma tum a nyɛ ya kunyana Yesu Kristo nee. Wuzu digi waa la zi wa bɔ ma ma chim a kpa kin nawara o fun kpa chiŋsi a nyɛ ma.

1 Tɛs. 1:9

Saha naa ya fun wa ma wati chen, ma funɛ la ya a duu a nu ya sɛma. Nara maga ŋɔ yau chenani ma gil vuga jirima nyɛɛli a burgi a tiŋ Koosa naa ya wuti tiina awa miisa tiina.

2 Tim. 1:4

Mu lisu chenani i fun li mu watiu ka i tuha chɔku kinkan. Mu daŋni mu bu na hinu kinkan, chen ni i zi nyɛ mu tuha sɔɔniu hali a la gali.

Jems 1:2

Mu niinbisa, ma wa na zaamsi, ma nyɛ ma tusa sɔɔni kinkan.

1 Pita 1:6

Ma nyɛ ma tusa sɔɔni kin nama daha. Lalaknɔ sintana la zaamsi ma a li wu kurgɛ ni, chen ni ma tusa zi chɔku wuzu bilɛ.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

JɔnN Deesi 7:15

Chendaha ba nyɛn Koosa jirima bar kani suwachak ni a la tum o tuma saha maga a li Koosa tɔhɔn nɔ ni. Koosa titi zi kpalimi ba watiu.