Tuma 2:46 - Tampulma

⁴⁶ Wuzu kam ba yaa fun la lagmi Koosa bar jɛɛmi dam ti niu a sumi Koosa aa go ba damsa a lagmi a di diwe awa tu sɔɔni. Ba nisa wa fun zuk wa ba lagmi a tum tuma.

Tuma 2:46 Marejeleo ya Msalaba

Mat. 6:22

“Ma se nyɛ ma bara la doonani ma daŋni. Ma se weree ma zi na nyinbaanu. Chen vɛɛna, ma tusa weree, ma zi tiŋ Koosa nyinbaanu nɛnɛ,

Luk 11:41

Ma zer ma diwe awa ma kinyɔɔlɛ ta a nyɛ fara tim ni. Ma ya chen, ma tusa wa zi bu kpak doŋa.

Luk 24:30

Ba funɛ lagmi di ba di diwe, Yesu fun zer boroboro a sumi Koosa a du a chɔksi un a bɔni ba.

Luk 24:53

Ba yaa fun la pɛgi Koosau a li o bar jɛɛmi dam ti ni o daha.

Tuma 16:34

Doone niili ti fun kpa Pɔɔl awa Sailas a kaali o dam ti a la ya diwe ba di. O wa o walɛ ta tusa fun sɔɔni kinkan, domi ba se su Koosa.

Tuma 2:42

Ba se funɛ sɛriu di nitumɛ ta biksi ba chenani ba zi tiŋ Yesu. Ba fun kpa ba kina a wa bɔni dɔŋa a yaa sumi Koosa a lagmi a di diwe.

Tuma 20:7

Asibri wuzu zaazɔn ya wa Yesu nitiŋɛ ba naa funɛ nyɛn Troas ni, fun lagmi a di diwe. Ya funɛ di peti, Pɔɔl fun si a ŋɔ ya ni. O funɛ sɛm chene hali tɔhɛɛsa. Chɔɔsa zi wa pisi, o funɛ daŋni ya li dooni. Chendaha o fun sɛm a vusi.

Tuma 3:1

Wuzu digi zaazɔn saha naa Ju tim ta yaa la sumi Koosa chen, Pita awa Jɔn fun la kaali Koosa bar jɛɛmi dam ti. Chen saha ti ya niparɛ yaa si a li ba par ni chen.

Tuma 5:21

Chɔɔsa funɛ wa pisi chɔsa, nitumɛ ta fun tiŋ malaika ti nɔ a la zu Koosa bar jɛɛmi dam ti a biksi nara tima. Koosa dam kɔkɔɔrsi ta nihɛɛ ti awa ba naa funɛ nyɛn o wati, fun yir sɛria nidiile ta awa Ju tim nihɛɛti ta maga ba lagmi o wati a tum Koosa bar jɛɛmi dam ti niilɛ di ba lisi nitumɛ ba naa ba tɔ dɛ chen, a wa.

Tuma 5:42

Wuzu kam ba yaa funɛ zu Koosa bar jɛɛmi dam tiu awa nara damsa di ba biksi nara di Yesu ya naa Koosa fun vɔu di o zi wa tumu wuzu digi chen.

Room 12:8

O nyɛ ya kpami nara ba tiŋi ni, ma nyɛ ya kpami ba chen ni. O nyɛ nibine kpa o kina a bɔni nara, o lawa o ya chenu a li o bambi ni. O nyɛ nibine ya nyuhu tiina, o lawa o kpak si sɛmu a tum nɛnɛ. O nyɛ nibine kpak nara siki, o lawa o kpak tu sɔɔnau.

1 Kɔr. 10:16

Ya wa lagmi di ya lisi ya kunyan ti siwi we, kinyɔɔli naa ya sumi Koosa a du a kpa nyɔ chen, ya wa yaa lisi o chɛl naa funɛ li a suŋi ya chenee? Boroboro naa ya yaa kpa se chen, ya wa yaa lisi o bara naa funɛ sou a suŋi ya chenee?

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 11:3

O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

Ɛfɛ. 6:5

Yosa, maa nyɛ ma kunyama wa jirima kinkan aa tiŋ ba nɔɔna ma bambe ni, a chi chenani maa tiŋ Yesu Kristo.

Kɔl. 3:22

Yosa, maa tiŋ ma kunyama nɔɔna a li kina maga ni. Ma ta tum kinkan a li ba se duŋduŋ ni, amaa maa tum ma bambe ni saha maga, domi ma nyɛ ya kunyan Yesu jirimarɛ.