Yesu fun ŋɔ, “Ii daŋni Koosa nyɛ hin o mi fali, kila a la kpa i kina maga a yogli a kpa malɛ ta a nyɛ fara tim ni a wa tiŋ min. I ya chen, i zi wa na kinau a li Koosa wati.”
Yesu fun bukoo sɛm ba, “Wutirɛ mu ŋɔ ma, ma kpa ma kina a li ma nyɛni ni a suŋi nara, chen ni a bu vɛ wa kpak wu digi wa ma, Koosa zi wa la ma du o tɔhɔn naa nyɛn hali saha naa vɛ kpak bɔ.
Yesu funɛ nu o sɛm ta, o fun ŋɔ un, “Wu bɛgim kaɛɛ i ha vɛ yaali. Kila a la kpa i kina maga a yogli a kpa malɛ ta a nyɛ fara tim ni. I ya chen, i zi wa na kinau a li Koosa wati a wa tiŋ min.”
Yesu funɛ nyɛn dam ti ni chene, Zakius fun si chiŋi a ŋɔ un, “Mu kunyana, kinu mu wati. Mu zi kpa mu kinau a purigi bilɛ a kpa bɔnɛ a nyɛ fara tim ni. Mu di nandigi, n zi bɔ unu bunaasi bilɛu a chi chenani n di un chen daha.”
Yesu nitiŋɛ ba naa funɛ nyɛn Antiɔk ni, funɛ daŋni ba suŋi ba niinbisa ba naa nyɛn Judia pulum ni. Ba nibɛgim bɛgima fun lisi chenani ba nyaŋi a li ba malɛ ni,
Ba funɛ sɔbiu a li o sɛm tɔn ti ni a ŋɔ, “Naa tiŋ Koosa tutɔ, o lisi a li o kin ni a nyɛ fara tim ni a kaali chenani o fu zi nyɛ. O tum were zi nyɛnu hali saha naa vɛ kpak bɔ.”
