Tuma 2:38 - Tampulma

³⁸ Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 2:38 Marejeleo ya Msalaba

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Mat. 3:2

O funɛ ŋɔ ba, “Koosa duglɛu a la daŋni o dɔ ma. Chendaha ma gil ma tum tagna a burgi a tiŋ o nyinbaan.”

Mat. 3:6

Ba funɛ nu o biksi ti, ba fun la nɔɔni di ba tum tum tagnau ka o fun kpa ni a chaksi ba a li Jɔɔdan mɔɔga ti ni.

Mat. 4:17

Saha ti kpa la Yesu yaa fun la biksi nara a ŋɔ ba, “Ma gil ma tum tagna a burgi tiŋ Koosa nyinbaan. Saha ti duglɛu di Koosa dɔ nara.”

Maak 1:15

a fun ŋɔ ba, “Saha teliu wa Koosa koora dugli. Ma gil ma tum tagna a nyɛ ma se su o laaboor weri ti, chen ni o zi dɔ mau.”

Maak 16:16

Ba naa maga se su min, ma nyɛ ba chaksi ba wa ni ni, ka Koosa zi yisi ba a li ba wu tagna ni, amaa ba naa maga se ka vɛ su min, Koosa zi wa lɛti ba diŋsau a ta ba yɔri.

Luk 24:47

O fun ŋɔ ba, “Koosa laaboor weri ti biksi nara gil ba tum tagna a bur a tiŋ Koosa, o zi gil ba tum tagnau a nyɛ ba chen tiin sou daha. Ba fun bukoo sɔbi di o lawa o gantɛl tiŋsi ta te biksi laaboor nɔ a li Jɛrusalɛm ni a zi biksi bawu maga ni.

Luk 3:10

Ba naa funɛ nu chen nidigi fun pɛɛsi un, “Yɛrɛ i daŋni ya tum?”

Tuma 10:43

Koosa witinsi ta maga funɛ sɛm o wɛu saha digi. Ba fun biksi di ba naa maga se su un, Koosa zi gil ba tum tagnau a nyɛ ba Yesu sɔn daha.”

Tuma 10:48

Doone o fun ŋɔ ba di ba la kpa Yesu sɔn a chaksi ba wa ni ni. Doone ba fun sumi Pita o nyɛn ba wati wuzu bilɛ.

Tuma 13:38

Mu niinbisa, mu daŋni ma zimu nɛnɛ di baal nɔ sɔnnɛ ya kpa a biksi ma di Koosa daŋni o gil ma tum tagnau a nyɛ ma.

Tuma 16:15

Ya funɛ zim di o nu au, ya fun chaksi o wa o walɛ wa ni ni. Doone o fun ŋɔ ya, “Ma zimu di mu si su ya kunyan ti wuti, adaha wa nyɛn mu wati wuzu bilɛ.” O fun nyɛ ya bambe chɛrgi a la o wati.

Tuma 17:30

Hali saha nɔ Koosa wa fun lɛrgi ba naa vɛ zim o wɛ diŋsa, amaa o fun ŋɔ ba naa nyɛn bawu maga ni lalaknɔ di ba gil ba tum tagna a bur tiŋ un.

Tuma 20:21

Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

Tuma 22:16

Ta bu nyɛ ya chiŋi aa pɔɔli. Si a nyɛ mu kpa Yesu sɔn a chaksi hin wa ni ni, chen ni Koosa zi chaksi i bambiu a gil i tum tagna a nyɛ hin.’ ”

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Tuma 26:20

Mu funɛ te biksi Koosa laaboor weri ti a nyɛ Damaskus tim ni a zi kaali Jɛrusalɛm awa Judia pulum awa ba naa vɛ ya Ju tima a la biksi doonma ni. Mu fun biksi ba di o lawa ba gil ba tum tagnau a bur tiŋ Koosa a tum tum were di ba biksi nara chenani ba tum.

Tuma 3:19

Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

Tuma 5:31

a kpa un a zini kaali o tɔhɔn ti ni a nyɛ o kani Koosa nihɛɛti bar kani ni. Dooni o fun nyɛ o ya koora, chen ni Ju tim ta zi na nyinbaanu a gil ba tum tagna a bur tiŋ Koosa. Ba ya chen, Yesu zi yisi bau a li a ni ka Koosa zi gil a a ta.

Tuma 8:12

Filip funɛ wa biksi ba Yesu Kristo wɛ awa chenani Koosa daŋni o dɔ nara wɛ, nibaala awa nihaana kinkan fun nyɛ ba se su Koosa laaboor weri ti. Doone ba fun nyɛ o chaksi ba wa ni ni.

Tuma 8:20

Pita fun ŋɔ un, “Kpa i malɛ kila. I wa kikoti a bɔ Koosa di o nyɛ hin kpok i kpa o siim weri ti a nyɛ nara ni.

Room 6:3

Mu daŋni ma zimu di ba funɛ chaksi yau wa ni ni, chen ni ya wa Yesu Kristo ya nibɛgim, o chi ya wa un siwɛɛ.

Ɛfɛ. 1:7

Yesu Kristo funɛ sou ya daharɛ, chen ni o zi kotiu a la ya nyuuna a nyɛ ya a gil ya tum tagna a nyɛ ya. Yɛrɛ o zen mak Koosa suŋi ya,

Tait. 3:5

o fun yisi ya a li ya tum tagna ni yaa tiŋ un. O wa fun ya chen ya titi tum were daharɛ, amaa o ka funɛ ɔm ya sikirɛ. O fun kpa o siim weri a du ya ni, di o chaksi ya tum tagna a li ya ni a kpa o mi fali ti a nyɛ ya.

1 Pita 3:21

Ni naa funɛ wa su Nowa saha ti chen chi chenani nara kpa nire a chaksi ma. Ba wara chaksi ma bara dɔŋwa, amaa maa sumi Koosa wa tu bɛgim, waa la zi yisi ma a li ma tum tagna ni maa tiŋ un. Koosa lɛlɛ Kristo a li o sou ni. Chendaha o koti a ya chen.