Tuma 2:10 - Tampulma

¹⁰ Frijia tima, Pamfilia tima, Ijipt tima, Libia tima ba naa nyɛnɛɛ a dugli Sairini, awa Room tima. Ba funɛ lul ya bɔnɛ Ju timwa. Bɔnɛ ka si a tiŋ Ju tim ta jɛɛmi nyinbaan.

Tuma 2:10 Marejeleo ya Msalaba

Mat. 2:15

O wa ba fun la nyɛn dooni hali Hɛrɔd wa sou. Ba funɛ ya chene di chenani Koosa witinsi ta digi fun sɔbi a li Koosa sɛm tɔn ti ni saha digi zi ya wutiu. O fun sɔbi di Koosa ŋɔɛɛ di, “Mu funɛ yir n beu a li Ijipt ni”.

Mat. 23:15

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Ma se sɛrɛu kinkan di ma nyɛ nibinsa bur tiŋ ma Koosa jɛɛmi nyinbaan. Ba wa burgi, ba zi tum tum tagnau a kaali chenani ma tum.

Mat. 27:32

Ba funɛ nyɛn nyinbaan ni a la chene, ba fun la chem baal naa ba yir Simɔn a li Sairini pulum ni. Ba fun lɛrgi un a nyɛ o zer Yesu daakakli ti a baasi a tiŋ ba kaali.

Maak 15:21

Ba funɛ nyɛn nyinbaan ni a la chene, ba fun la chem baal naa ba yir Simɔn a li Sairini pulum ni. Waa funɛ ya Alɛzanda awa Rufus nyana, a li kɔha bar boli ni a wa. Ba fun lɛrgi un a nyɛ o zer Yesu daakakli ti a baasi a tiŋ ba kaali.

Tuma 11:20

Yesu nitiŋɛ ba naa funɛ li Saiprus pulum awa Sairini pulum a wa nyɛn Jɛrusalɛm ni, ba gbanko fun pisi a la Antiɔk. Ba waa funɛ biksi Koosa laaboor weri ti ya kunyan Yesu wɛ a nyɛ Ju tim ta awa ba naa vɛ ya Ju tim ni.

Tuma 13:1

Yesu nitiŋɛ ba naa funɛ nyɛn Antiɔk ni, bɔnɛ yaa mɔɔli Koosa laaboor weri ti. Bɔnɛ ka yaa biksi ba o mun. Ba funɛ yir ba sɔna, Barnabas, Simiɔn naa funɛ ya nibin bilim, Lusius naa funɛ li Sairini pulum, Manayɛn naa wa koor Hɛrɔd funɛ lagmi a bi, awa Sɔɔl.

Tuma 13:13

Pɔɔl awa o dɔŋtima fun la zu arŋa a li Pafɔs ni a la tel tɔhɔn naa ba yir Pɛɛga a li Pamfilia pulum ni. Doonee Jɔn Maak fun ta ba a bur kaali Jɛrusalɛm.

Tuma 13:43

Ba fun si a la damsa, ba naa ya Ju tim ta awa ba naa vɛ ya Ju tima a la jɛɛmi Koosa, ba nidamata fun tiŋ nara balɛ ta. Ba funɛ la chene, Pɔɔl awa Barnabas fun sɛm ba a kpami ba di ba kpak chenani Koosa suŋi ba chen nɛnɛ.

Tuma 14:24

Ba fun la gali Paisidia pulum ni a la zu Pamfilia pulum.

Tuma 15:38

amaa Pɔɔl wa fun la nɔɔni, domi Maak funɛ waligi o titiu a li ba ni a li Pamfilia pulum ni a vɛ peti tum ta.

Tuma 16:6

Pɔɔl awa o kpɛgsa fun gba a la li Frijia awa pulum naa ba yir Galesia. Ba funɛ la tel pulum naa ba yir Azia, Koosa siim weri ti wa fun nyɛ ba nyinbaan di ba zu a biksi Koosa laaboor weri ti dooni.

Tuma 17:21

Atɛns tima awa hɔɔra ba naa nyɛn dooni, maga funɛ kpa ba saha magawa a sɛm sɛma awa biksi fali ti tiŋ gantɛl a wa chen wɛ.

Tuma 18:2

O fun la tel dooni a pu Ju tim baal naa ba yir Akwila. Ba funɛ lul un Pɔntus pulum nɛɛ ka o wa o haan naa ba yir Prisila, fun nyɛn Room ni a li Itali pulum ni. Koorsi ta nyuhu tiina Siiza Klɔdius fun ŋɔ Ju tim ta maga ni di ba li Room ni. Chendaha Akwila awa o haan ti fun nyɛn Kɔrint ni.

Tuma 18:23

O funɛ ya tama o fun li dooni a gba a go Frijia awa Galesia pulum a kpami Yesu nitiŋɛ ba naa nyɛn dooni di ba kpak Yesu nɛnɛ.

Tuma 2:11

Ya bɔnɛ ka ya Krit tima awa Arab tima. Ya sɛm sɛm kurgɛwa, amaa ya nuu ka ba ŋɔ ya a li ya titi sɛma ni chenani Koosa fun tum alaazibu tuma.”

Tuma 23:11

Dusum funɛ wa biri, Pɔɔl fun bu na ya kunyan ti a chi o deesi. Ya kunyan ti fun ŋɔ un, “Kpak bambi. Mu zi nyɛ i la Roomu a la ŋɔ ba naa nyɛn dooni, mu wɛ a chi chenani i ya bar nɔ nan.”

Tuma 27:5

Ya fun val la li ni naa chɔ gbampulim ni a la tel Sailisia pulum awa Pamfilia pulum ni nɔ a la li tɔhɔn naa ba yir Maira a li Lisia pulum ni.

Tuma 28:15

Yesu nitiŋɛ ba naa nyɛn dooni, fun val nyinbaan ziŋi a wa chem ya. Bɔnɛ fun chem ya a li yawa naa ba yir Apius. Ba wa ya fun val tama ka ba naa tiŋ ba gantɛl a wa chen, fun chem ya a li hɔɔra bar chɔɔli damsi butora. Pɔɔl funɛ na ba chen, o kpami un o zaami Koosa chen daha.

Tuma 6:5

Ba sɛm ta funɛ nyɛ Yesu nitiŋɛ ta tu sɔɔnau kinkan. Doone ba fun lisi baal naa sɔn ya Stivin. O si funɛ su Yesu nɛnɛ ka Koosa siim weri ti fun te o suwachak. Ba gbanko fun lisi Filip, Prɔkɔrɔs, Nikanɔr, Timɔn, Parminas awa Nikolas naa funɛ si a bur tiŋ Ju tim jɛɛmi nyinbaan. O funɛ li tɔhɔn naa ba yir Antiɔk. Ba fun kpa ba a gbaari Stivin ni.

Tuma 6:9

Ju tim ta bɔnɛ funɛ wau di ba wa nyɛn Jɛrusalɛm ni a li Sairini pulum awa tɔhɔn naa ba yir Alɛzandria ni. Ba yaa yir ba bar lagmi dɛ ‘Yisi nibinsa a ta ba yɔri’ dɛ. Wuzu digi ba wa Ju tima ba naa li Silisia pulum awa Azia pulum ni fun lagmi a di Stivin amɔrɛ.

Room 1:15

Chendaha mu kpak un mu bambi ni di mu biksi un a nyɛ ma naa nyɛn Room gbanko ni.

Room 1:7

Mu zaami ma naa maga Koosa daŋni a fun lisi a nyɛ o titi niu a li Room ni. Ya kunyana Koosa awa ya kunyana Yesu Kristo suŋi ma a kinyɛ ma bara sɔɔna.

2 Tim. 1:17

O funɛ wa tel Room, o fun vaan piili a dɛu mu bar nyɛni hali a wa na min.

JɔnN Deesi 11:8

a nyɛ ba bara chɔ tɔhɔn zen naa ba fun kpaasi ba kunyana a mari daakakli ti, nyinbaan ni. Ba gbanko funɛ yir tɔhɔn ti Sɔdɔm akoo Ijipt.