Tuma 19:34 - Tampulma

³⁴ Ba funɛ wa zim di o ya Ju narrɛ, ba chɛɛm ti fun wa lagmi kibɛgim ka ba chɛɛmi aa la ŋɔ, “Ma nyɛ yaa nyɛ Ɛfɛsus tim ta vuk naa ba yir Atimis jirima.” Hali karifisa lɛ ba funɛ chɛɛmi chene.

Tuma 19:34 Marejeleo ya Msalaba

Mat. 6:7

“Ma sumi un, ma ta sɛm sɛm damata a chi ba naa vɛ ya Ju tim chen. Ba waa lisi di Koosa zi nu ba sɛmau domi ba sɛmu a vusi.

Tuma 16:20

Ba fun kpa Pɔɔl awa Sailas a kaali sɛria nidiile suwachak a ŋɔ ba, “Ju tim na muksi ya tɔhɔn narau kinkan.

Tuma 19:24

Ɛfɛsus tim ta yaa funɛ jɛɛmi vuk nihaan naa ba yir Atimis a kpa un a du dam zen ni. Ba naa funɛ nyɛn Ɛfɛsus ni chen bɔnɛ yaa fun kpa aniita a kɔɔri dam wisa a chi vuk ti dam zen ti a na nyɔɔra kinkan a li a ni. Ba nihɛɛ sɔn funɛ ya Dimitrius.

Tuma 19:26

Ma zimu chenani Pɔɔl nɔ biksi nara tima di ba bur a li vursi naa nibinsa kɔɔri jɛɛmi ni, domi a ya yɔrirɛ. Nidamata funɛ tiŋ o nɔ a li Ɛfɛsus nɔ awa Azia tim pulum maga ni.

Tuma 19:28

Dimitrius tum dɔŋsi ta funɛ nu o sɛm ta, ba fun na paan kinkan a la tɛsi a ŋɔ, “Ma nyɛ yaa nyɛ Ɛfɛsus tim ta vuk naa ba yir Atimis jirima.”

Tuma 19:33

Ju tim ba naa funɛ nyɛn zɛmɛ ta ni, bɔnɛ fun kpak baal naa ba yir Alɛzanda a zak un li zɛmɛ ta suwachak di o ŋɔ ba chenani o kpak. O fun a viigi o nin di ba gil chɛɛma.

Tuma 19:35

A gantɛl ni tɔhɔn ti witiina fun wa chiŋi zɛmɛ ta suwachak ni a nyɛ ba gil chɛɛma. O fun ŋɔ ba, “Ma Ɛfɛsus tima, ba naa maga nyɛn tɛɛnɛ nɔ maga ni zimu di wuzu digirɛ buŋkul zen fun li buudaha a chel awa chenani ya fun sa dama a kpa un du a du un sɔn Atimis a la jɛɛmi un.

Room 2:22

Ma ŋɔu di ba ta tum chɔkumsa tuma a la tum chɔkumsa tuma. Ma ŋɔu di ba nyɛ Koosa jirima a vɛ ya chen ma titi.

JɔnN Deesi 13:4

Ba fun jɛɛmi un a ŋɔ dɔŋ ni, “Anti zen a tel un akoo a kpak kpok di o wa un yo dɔŋa?” Ba gbanko funɛ jɛɛmi sel zen naa funɛ chiŋi ni nɔ ti ni, domi o funɛ kpa o kpok magau a nyɛ un.