Tuma 19:29 - Tampulma

²⁹ Ba fun li a tɛsi a go tɔhɔn tuha a chi chenani ba fa te tɛsi chen a nyɛ tɔhɔn ti dam. Yesu nitiŋɛ ba naa nyɛn Masɛdonia pulum ni chen, nara balɛ wa Pɔɔl funɛ wa Ɛfɛsus. Ba sɔna funɛ ya Gaiyus awa Aristakus. Zɛmɛ ta fun kpaksi nara balɛ ta a ka Pɔɔl a chɔ kaali doonani tɔhɔn ti tima yaa lagmi.

Tuma 19:29 Marejeleo ya Msalaba

Tuma 13:5

Ba fun tum chenani o sɛm ba a kpa Jɔn Maak a gbaari ba titi ni. Ba funɛ la tel tɔhɔn naa ba yir Salamis a li Saiprus pulum ni, ba fun gba a zu Ju tim ta bar lagmi dɛɛna aa biksi ba Koosa laaboor weri ti.

Tuma 16:12

Ya fun kpa teku ti a ta ya gantɛl ni a la tel tɔhɔn naa ba yir Filipai. O funɛ ya tɔ birigirɛ a li Masɛdonia pulum ti ni. Roman tima funɛ sa un. Ya fun nyɛn doon wuzu damata.

Tuma 16:9

A wuzu ti dusum Pɔɔl funɛ na baal digirɛ a chi o deesi ka o li pulum naa ba yir Masɛdonia. O fun chiŋi Pɔɔl suwachak ni a sumi un, “Ji a wa suŋi ya.”

Tuma 17:8

Tɔhɔn ti nihɛɛti ta awa zɛmɛ ta funɛ nu ba sɛma, o fun muksi ba kinkan.

Tuma 19:21

A gantɛl nɛɛ Pɔɔl fun lisi di o zi gbau a la Masɛdonia pulum awa Girik tima pulum a bur wa Jɛrusalɛm. O gbanko fun lisi di chen gantɛl ni o zi li dooniu a la Room.

Tuma 19:22

O fun tum o nisuŋi nara balɛ, Timoti awa naa ba yir Ɛrastus chen, ba te o suwachak a kaali Masɛdonia pulum. O fun kpalimi Ɛfɛsus naa nyɛn Azia pulum ni.

Tuma 19:32

Zɛmɛ ba naa funɛ lagmi a dam chen funɛ tɛsi kinkan. Ba nidamata wa fun zim kinkin naa nyuhu ni ba ya chen. Chendaha ba maga fun tɛsi a kurgɛ.

Tuma 20:34

Mu yaa funɛ tum a li mu bara wilim nee a nyini mu wa mu pɛgsa.

Tuma 20:4

Nara banɔpɛ awa Pɔɔl funɛ te ya suwachak a la pɔ ya Troas ni. Ba sɔna funɛ ya Sopata, Pirus be a li Bɛrɛa ni, Aristakus awa Sɛkundus a li Tɛsalɔnika ni, Gaiyus a li Dɛɛbɛ ni, Taikikus awa Trofimus a li Azia pulum ni, awa Timoti.

Tuma 21:30

Ba naa funɛ dam chen nidamata fun pisi a su tɔhɔn ti maga. Ba naa funɛ ka a vɛ li dam ti tuha fun chɔ la lagmi dɔŋ ni a li doonani ba kpak Pɔɔl chen a suŋi ba ba lɛrgi un a li sal. Nara tima wa Pɔɔl fun kaali, ba naa la il Koosa bar jɛɛmi dam ti fun vaan far bulzɔɔnɔ.

Tuma 21:38

Wuzu bu mɛna gantɛl ni Ijipt tim baal digi fun wa lagmi nara tusugsa naasi a li nyabaan ni a nyɛ ba laal kicheme di ba chem ya. Mu funɛ baa di i wa un ya nibɛgimnɛ.”

Tuma 27:2

Ya fun la zu arŋa naa la daŋni o si a la Azia pulum ni nɔ a kaali. O funɛ li tɔhɔn naa ba yir Adramitiumnɛ. Baal naa ba funɛ yir Aristakus funɛ gbaari ya ni. O funɛ li Tɛsalɔnika naa nyɛn Masɛdonia pulum nɛɛ.

Room 16:23

Gaiyus naa funɛ la min a du o dam ni doonani Yesu nitiŋɛ ta yaa lagmi, o gbanko zaami mau. Ɛrastus naa la nyini tɔha malɛ awa ya niinbe Kɔrtus zaami mau. ((

1 Kɔr. 1:14

Mu funɛ nyɛn ma wati, mu fun chaksi Krispus awa Gaiyus duŋduŋnɛ,

1 Kɔr. 4:9

Mu wati Koosa nyɛ o nitumɛ ta tiŋ gantɛl, a chi ba naa ba funɛ di ba sou sɛria. Tɛɛnɛ nɔ tim maga awa Koosa malaikasa nyini ya a chi ya ya nibin tagniwa.

2 Kɔr. 8:19

Ba funɛ lisi unu di o wa ya kpa ma papaha ti a la nyɛ Yesu nitiŋɛ ba naa nyɛn Judia pulum ni. Nan la zi nyɛ ya kunyan ti wa jirima a biksi nara di yaa daŋni ya suŋi bau.

Kɔl. 4:10

Ba fun tɔ min awa baal digi dɛ. O sɔn ya Aristakus. O wa Maak, Barnabas niinbe, zaami mau. Mu funɛ te ŋɔ ma Maak wɛu. O wa wa ma wati, ma la un du.

Faili. 1:24

Maak, Aristakus, Dimas awa Luk gbanko zaami hinu. Ba wa min la tum Koosa tuma.

3 Jɔn 1:1

Mu waa, nihɛɛ, la sɔbi tɔn nɔ a nyɛ mu chɛn, Gaiyus, naa mu daŋni wuti.