Tuma 18:27 - Tampulma

²⁷ O fun wa ya wuzu bilɛ Apɔlɔs fun lisi di o zi la Girik tim pulumu. Yesu nitiŋɛ ba naa funɛ nyɛn Ɛfɛsus ni, daŋni ba suŋi un a sɔbi tɔn a nyɛ ba niinbisa ba naa nyɛn dooni. Ba fun sɔbi a ŋɔ di o wa tel ba la un nɛnɛ a du. O fun la tel doon a suŋi ba naa Koosa fun suŋi a nyɛ ba, se su un chen kinkan.

Tuma 18:27 Marejeleo ya Msalaba

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Tuma 11:26

O funɛ na un, Barnabas fun kpa un a bur kaali Antiɔk. Ba fun nyɛn doon bun bɛgim aa biksi Yesu nitiŋɛ ba naa i kinkan chen. Saha tirɛ ba naa funɛ nyɛn doon chen fun te chɛrgi chenani ba yir Yesu nitiŋɛ ta a du ba Yesu Kristo nitiŋɛ ta.

Tuma 15:34

Amaa Sailas funɛ lisi di o kpalimi dooni.))

Tuma 18:12

Doone Roman tima fun lisi baal naa ba yir Galio a vɔu un gɔbnati nyuhu tiina a li Girik tim pulum ni. Chen saha tirɛ Ju tim ta fun lagmi a kpak Pɔɔl a kpa un la Galio suwachak di ba fiksi un.

Tuma 18:18

A gantɛl nɛɛ Pɔɔl fun nyɛn Kɔrint ni a vusi. Doone Yesu nitiŋɛ ta fun tiŋ o wa Akwila awa Prisila a la ta nyinbaan ni ba la tɔhɔn naa ba yir Kɛnkrɛa. Doonee Pɔɔl fun vɔu vɔwi a nyɛ Koosa ni di o zi tiŋ unu a gbaari a nyɛ ba funi o nyuha di nara zim. Ba fun zu arŋ naa le la Siiriya pulum.

Tuma 19:1

Apɔlɔs funɛ nyɛn Kɔrint ni, Pɔɔl fun gba a la li Ɛfɛsus. O fun la pu Yesu nitiŋɛ ta bɔnɛ dooni,

Tuma 9:27

Doone Barnabas fun wa suŋi un a kpa un kaali nitumɛ ta wati. O fun ŋɔ ba chenani Sɔɔl fun chem ya kunyana Yesu nyinbaan ni ba sɛm sɛma. O gbanko fun ŋɔ ba chenani Sɔɔl fun kpak bambi a biksi Damaskus tima Yesu wɛ.

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

1 Kɔr. 16:3

Mu wa wa, mu zi sɔbi tɔnau a nyɛ ba naa ma se su a li ma wati ba kpa a awa ma papaha a la Jɛrusalɛm.

1 Kɔr. 3:6

O chi mu waa, Pɔɔl, funɛ te wa chɔɔsi bugil. Doone Apɔlɔs ka yaa kpa ni a wa du, amaa Koosa duŋduŋ nyɛ bugil ti nyu a la zini.

2 Kɔr. 1:24

Ya wara daŋni ya wa gbaari chenani ma se su Yesu Kristo. Ma se piin su unu nɛnɛ. Ya ka daŋni ya wa suŋi mau ma tum were la suwachak ka ma tusa sɔɔni a gbaari.

Filip. Tima 1:25

Mu kpak bambi kin nama wɛ ni. Chendaha mu zim di mu zi nyɛn bar nɔu a koti a suŋi ma se su un a gbaari ka ma tusa sɔɔni kinkan.

Filip. Tima 1:29

Waa nyɛ ma se su Kristo a nyɛ ma gbanko namsi o daha.

Kɔl. 2:12

Ba funɛ chaksi ma wa ni ni, chen funɛ chi ma wa Kristo lagmi sou. Ba fun a lagmi ma a sogli. Koosa fun a lɛli Kristo o sou ni. Ba funɛ chaksi ma chen gbanko funɛ chi Koosa a lagmi a lɛli ma wa Yesu a li ma sou ni. Ma se funɛ su a li chenani o tum a nyɛ un ni. Chendaha o fun tum a nyɛ ma chen.

Kɔl. 4:10

Ba fun tɔ min awa baal digi dɛ. O sɔn ya Aristakus. O wa Maak, Barnabas niinbe, zaami mau. Mu funɛ te ŋɔ ma Maak wɛu. O wa wa ma wati, ma la un du.