Tuma 18:26 - Tampulma

²⁶ O fun la zu Ju tim ta bar lagmi dɛ a kpak o bambi a sɛm sɛma a nyɛ ba. Akwila awa Prisila funɛ nu o sɛm ta, ba fun kpa un kaali dama a la biksi un chenani nara zi tiŋ ya kunyan ti a kaali chenani o zim.

Tuma 18:26 Marejeleo ya Msalaba

Maak 10:15

Ma nyɛ mu ŋɔ ma nan. Nar la nɔɔni a chi bichɛla di Koosa dɔ un, Koosa zi wa dɔ unu.”

Luk 19:26

O fun ŋɔ un, ‘Nar la kpaŋi, waa la zi na a gbaari. Nar ka vɛ kpaŋi, o zi chel a maga niu.

Luk 24:27

Ba ha funɛ vɛɛn a val nyinbaan ni chene, Yesu fun biksi ba chenani Mosis awa Koosa witinsi ta maga fun sɔbi o wɛ saha digi chen a li Koosa sɛm tɔn ti ni.

Jɔn 7:17

Ba naa maga la daŋni ba tiŋ Koosa tutɔ ti zi zimu di mu biksi ti li mu watɛɛ koo o wati.

Tuma 14:3

Pɔɔl awa Barnabas fun nyɛn dooni a vusi a kpak bambe kpok di ba la biksi nara ya kunyan ti wɛ. Waa funɛ nyɛ ba o kpok ti di ba tum tum zene awa alaazibu tuma a nyɛ un, chen ni nara zi zimu di chenani ba biksi ba di Koosa daŋni o suŋi bau funɛ ya wuti.

Tuma 18:18

A gantɛl nɛɛ Pɔɔl fun nyɛn Kɔrint ni a vusi. Doone Yesu nitiŋɛ ta fun tiŋ o wa Akwila awa Prisila a la ta nyinbaan ni ba la tɔhɔn naa ba yir Kɛnkrɛa. Doonee Pɔɔl fun vɔu vɔwi a nyɛ Koosa ni di o zi tiŋ unu a gbaari a nyɛ ba funi o nyuha di nara zim. Ba fun zu arŋ naa le la Siiriya pulum.

Tuma 18:25

O funɛ zim chenani nara tiŋ ya kunyan ti, amaa ba wa fun kpa Yesu sɔn a chaksi un. Ba ka funɛ kpa nire a chaksi un a chi chenani Jɔn fun chaksi nara wa ni ni chen. O funɛ biksi Ɛfɛsus tima wuti awa si sɛm nɛɛ Yesu wɛ.

Tuma 19:8

Pɛnsa tora Pɔɔl yaa fun la zu Ju tim ta bar lagmi dɛ a kpak o bambi a biksi nara. O wa ba di amɔrɛ di o nyɛ ba se su di saha naa Koosa dɔ nara chen telu.

Tuma 28:23

Ba fun la nɔɔni di ba wa Pɔɔl zi bu lagmiu. A wuzu ti fun wa tel, ba fun i a gbaari a wa doonani o nyɛn chen. A piili chɔɔsa hali nha wa chel, o fun biksi ba di saha naa Koosa zi wa dɔ nara telu mun. O fun karimi Koosa sɛm tɔn ti bar digi a li chiksɛ naa o fun lisi a nyɛ Mosis ni chen awa sɛm naa Koosa witinsi ta fun sɔbi di o biksi ba chenani o fun ŋɔ Yesu wɛ chen ya wutirɛ.

Tuma 8:31

Baal ti fun ŋɔ un, “Nandigi vɛ ŋɔ min, mu wa kizim o mun.” Doone o fun yir Filip o wa zu a gbaari un ni.

1 Kɔr. 12:21

Se wa kikoti a ŋɔ nin ni di o wara daŋni un. Nyuha gbanko wa kikoti a ŋɔ naŋgere ni di o wara daŋni un.

1 Kɔr. 3:18

Ma ta nyɛ nandigi wa mur o titi. O lisi di o kpak tɛɛnɛ nɔ tim maga zima, o kpa o zima ti a yo ta ka burgi wom, chen ni o zi kpak Koosa zimau.

1 Kɔr. 8:2

Nar lisi di o nɛɛgɛu, o wa zim kundɔŋ a chi chenani o fu zi zim,

Ju 6:1

Ma nyɛ ya kpa Koosa laaboor weri te tel ti a chiŋsi a kidaŋni ya zim o laaboor weri ti maga a peti. O wa lawa ya sɛm dɔŋ ni chenani ya zi kpa ya tuma a naa ya yɔri a ta a nyɛ ya se su Koosa nɛnɛ,

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.