Tuma 18:25 - Tampulma

²⁵ O funɛ zim chenani nara tiŋ ya kunyan ti, amaa ba wa fun kpa Yesu sɔn a chaksi un. Ba ka funɛ kpa nire a chaksi un a chi chenani Jɔn fun chaksi nara wa ni ni chen. O funɛ biksi Ɛfɛsus tima wuti awa si sɛm nɛɛ Yesu wɛ.

Tuma 18:25 Marejeleo ya Msalaba

Maak 1:3

O zi wa nyɛn nyabaan niu a mɔɔli. Ba zi nu o tau ka o ŋɔ, ya kunyana wau. Maa saksi ka o zi wa. Ma kɔɔri o nyinbaan o weri.” Chene Azaaya fun sɔbi a li Koosa sɛm tɔn ti ni chen, chen funɛ ya.

Maak 12:14

Ba fun wa ŋɔ un, “Ya kunyana, ya zimu di i ya wuti tiinnɛ. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi. Ya yaa bɔ ya lampo a nyɛ koorsi ta nyuhu tiina Siiza ni, chen weru koo o wa wer? Ya yaa kibɔ koo ya ta bɔɔlii?”

Luk 1:4

Mu sɔbi tɔn nɔ a nyɛ hin nan, chen ni i zi zim di kin nawara ba fun biksi hin chen sir ya wutirɛ.

Luk 7:29

Nara maga awa lampo nilalɛ, ba naa funɛ nu Yesu sɛmau, ba funɛ piin na ba galimsau a li Koosa wati a nyɛ Jɔn chaksi ba wa ni ni.

Tuma 13:10

a ŋɔ, “I waa naa chi sintana, yaa mur narawa a duŋni tum were aa ta. Saha maga i yaa chɛrgi ya kunyan ti sɛm wutɛu di a burgi nusuna.

Tuma 16:17

O fun tiŋ ya wa Pɔɔl gantɛl a tɛsi a la ŋɔ, “Nara nama ya Koosa zen tumtumsiwa. Ba waa funɛ mɔɔli ma a li chenani Koosa zi wa yisi ma a li ma tum tagna ni ma tiŋ un.”

Tuma 18:26

O fun la zu Ju tim ta bar lagmi dɛ a kpak o bambi a sɛm sɛma a nyɛ ba. Akwila awa Prisila funɛ nu o sɛm ta, ba fun kpa un kaali dama a la biksi un chenani nara zi tiŋ ya kunyan ti a kaali chenani o zim.

Tuma 19:23

Chen saha ti nidamata funɛ tiŋ ya kunyan ti nyinbaan. Chendaha ba naa funɛ nyɛn Ɛfɛsus ni nyɛ o dam.

Tuma 19:3

Pɔɔl fun bu pɛɛsi ba, “Anti sɔnnɛ ba kpa a chaksi ma?” Ba fun ŋɔ, “Nirɛ ba fun kpa chaksi ya a chi chenani Jɔn funɛ chaksi nara chen.”

Tuma 19:9

Ba bɔnɛ bambe funɛ kpoku ka ba se vɛ su o sɛm ta. Ba fun sɛm wu tagna a du ya kunyan ti nyinbaan tiŋi ti ni a li nara tima maga suwachak ni. Pɔɔl funɛ nu chenani ba sɛm, o wa Yesu nitiŋɛ ta fun gil ba a la zu dɛ zen digi. Nibiksi naa ba yir Tiranus gbanko yaa funɛ biksi narau dooni. Wuzu kam Pɔɔl yaa funɛ biksi Yesu nitiŋɛ ta dooni ka ba lɛusi un.

Tuma 9:2

a ŋɔ un di o saksiu o la tɔhɔn naa ba yir Damaskus chen a la dɛu nibaal awa nihaana ba naa la tiŋ Yesu nyinbaan, bɔnɛ a kpa ba bur wa Jɛrusalɛm. O fun sumi un di o sɔbi tɔna a nyɛ Ju tim ba naa la pu dɔŋa a li ba bar lagmi dɛɛna a biksi ba nibin ne naa ya un, chen ni ba zi suŋi unu.

Room 12:11

Ma ta ya zanyɛrka tima, amaa ma kpak se sɛm a tum a nyɛ ma kunyan ti ni saha maga.

2 Tim. 2:4

Lanjima la laal ni, o yaa gil o kina magau a ta gantɛl ni. O yaa daŋni o tuma sɔɔni o nyuhu tiina tuhau.

Jems 5:16

Adaha ma ŋɔ dɔŋ ni ma tum tagna wɛ ka ma sumi Koosa a nyɛ dɔŋ ni, chen ni wichɔɔrta wa kpak ma, Koosa zi tiibi mau. Nibin weri sumi Koosa, o sumi ti kpak kpoku kinkan.