Tuma 18:19 - Tampulma

¹⁹ Ba fun la tel tɔhɔn naa ba yir Ɛfɛsus ka Pɔɔl fun la zu Ju tim ta bar lagmi dɛ di o wa ba di o biksi ti amɔrɛ.

Tuma 18:19 Marejeleo ya Msalaba

Tuma 18:20

Ba bɔnɛ fun ŋɔ un di o nyɛn ba wati a vusi. O fun ŋɔ ba di o wa kikoti.

Tuma 18:21

Pɔɔl fun chausi Akwila awa Prisila dooni a ŋɔ ba naa la daŋni o nyɛn ba wati chen, “Koosa nyɛ min nyinbaan, mu zi bur wa ma watiu.” Doone o fun bu a la zu arŋ ti a kaali.

Tuma 18:24

Ju tim ta nidigi funɛ nyɛn doon ba yir un Apɔlɔs. Ba funɛ lul un a li tɔhɔn naa ba yir Alɛzandria a li Ijipt pulum ni. O funɛ zim Koosa sɛm tɔn ti munu kinkan a koti a kpa un a biksi nara nɛnɛ. Wuzu digi o fun wa Ɛfɛsus.

Tuma 18:4

Pɔɔl yaa funɛ zu Ju tim ta bar lagmi dɛu ba wuzu hiise wuzu o wa ba awa ba naa vɛ ya Ju tima di amɔrɛ di o nyɛ ba se su o sɛma.

Tuma 19:1

Apɔlɔs funɛ nyɛn Kɔrint ni, Pɔɔl fun gba a la li Ɛfɛsus. O fun la pu Yesu nitiŋɛ ta bɔnɛ dooni,

Tuma 19:17

Ju tim ta maga awa ba naa vɛ ya Ju tima aa nyɛn Ɛfɛsus ni fun nu chenani yɛɛ. Hansura fun kpak ba kinkan, chen ni ba fun nyɛ ya kunyana Yesu awa jirima kinkan a gbaari.

Tuma 19:26

Ma zimu chenani Pɔɔl nɔ biksi nara tima di ba bur a li vursi naa nibinsa kɔɔri jɛɛmi ni, domi a ya yɔrirɛ. Nidamata funɛ tiŋ o nɔ a li Ɛfɛsus nɔ awa Azia tim pulum maga ni.

Tuma 19:28

Dimitrius tum dɔŋsi ta funɛ nu o sɛm ta, ba fun na paan kinkan a la tɛsi a ŋɔ, “Ma nyɛ yaa nyɛ Ɛfɛsus tim ta vuk naa ba yir Atimis jirima.”

Tuma 19:35

A gantɛl ni tɔhɔn ti witiina fun wa chiŋi zɛmɛ ta suwachak ni a nyɛ ba gil chɛɛma. O fun ŋɔ ba, “Ma Ɛfɛsus tima, ba naa maga nyɛn tɛɛnɛ nɔ maga ni zimu di wuzu digirɛ buŋkul zen fun li buudaha a chel awa chenani ya fun sa dama a kpa un du a du un sɔn Atimis a la jɛɛmi un.

Tuma 20:16

Pɔɔl wa funɛ daŋni o nyɛn Azia pulum ti ni. O ka funɛ daŋni o gali Ɛfɛsus nɛɛ a la tel Jɛrusalɛm lalaga. Ju tim ta wuzu zen naa ba yir val la gali ti chen funɛ dugli. O daŋni o te la dooni ka o zi tel.

Tuma 20:17

Pɔɔl funɛ nyɛn Mailitus nɛɛ a tum nara ba la ŋɔ Yesu nitiŋɛ ba naa nyɛn Ɛfɛsus ni, nihɛɛta di ba wa pu un.

Tuma 21:29

Ba funɛ piin te na Pɔɔl awa Trofimus naa li Ɛfɛsus ni ka ba lagmi a gba tɔhɔn ti ni. Ba fun baa di Pɔɔl kpa un a wa zu Koosa bar jɛɛmi dam ti. Chendaha ba fun ŋɔ chen.

1 Kɔr. 15:32

O duuti mu wa sel zene funɛ yo dɔŋa a li Ɛfɛsus ni. O ya di tɛɛnɛ nɔ maga kina duŋduŋ daha mu wa a funɛ yo dɔŋa, baŋ nyɔɔra mu na? Nisitɛ vɛ si ba sou ni, ma nyɛ yaa di diwe aa kinyɔ kinyɔɔlɛ domi ya wa zim chɛ.

1 Kɔr. 16:8

Amaa mu zi nyɛn Ɛfɛsus niu hali Ju tim ta wuzu zen naa ba yir Pɛntɛkɔst chen wa tel.

Ɛfɛ. 1:1

Min waa, Pɔɔl, naa Koosa fun lisi di mu ya Yesu Kristo nitumi, mu la sɔbi tɔn nɔ a nyɛ Koosa nara ma naa nyɛn Ɛfɛsus ni. Ma gbanko la tiŋ Yesu Kristo nɛnɛ.

1 Tim. 1:3

Mu daŋni i kpalimi Ɛfɛsus nɛɛ a chi chenani mu fun ŋɔ hin saha naa mu wa hin fun nyɛn ka mu gali Masɛdonia pulum ni chen. Nara ba naa nyɛn Ɛfɛsus ni, bɔnɛ biksi chenani vɛ ya wutirɛ. La ŋɔ ba di ba gil chen biksi.

2 Tim. 1:18

I gbanko zimu nɛnɛ a li chenani o fun suŋi min kinkan a li Ɛfɛsus ni. Ya kunyan ti wa bur wa, o zi kpak un sikiu kinkan.

JɔnN Deesi 1:11

ka o ŋɔ min, “Sɔbi chenani i kaa na a du tɔn ni a nyɛ Yesu nitiŋɛ ba naa nyɛn Ɛfɛsus, Sumana, Pɛgamum, Tiataya, Sardis, Filadɛlfia, awa Laodisia a li Azia pulum ni.”

JɔnN Deesi 2:1

“Sɔbi kin nama a la nyɛ naa la nyini Yesu nitiŋɛ ta a li Ɛfɛsus ni. Mu waa naa kpak wula nɔpɛ mu nindil ni a val a go fitinsa bar chiŋɛ nɔpɛ ka ba fun kpa salma a kɔɔri a bambaan ni, ma nu chenani mu kaa ŋɔ ma.