Tuma 18:15 - Tampulma

¹⁵ Ma la sɛm di o biksi ti chɔk ma chire. Ma waa la zi lisi chenani ma zi ya. Mu wa zi di chen sɛria.”

Tuma 18:15 Marejeleo ya Msalaba

Mat. 27:24

Pailɔt funɛ zimu di o wa zɛmɛ ta sɛm ta wa kpak mun ka ba daŋni ba dam, o fun zɔk ni a sɛm o nisa zɛmɛ ta maga suwachak ni a ŋɔ, “Mu nisa wa to baal nɔ sou ni. Ma waa dɔ un.”

Mat. 27:4

a ŋɔ ba, “Koosa na mu galimsa. N funɛ li naa nin vɛ nyɛn ni gantɛl niu. Ma di o sou sɛria lalaknɔ.” Ba fun ŋɔ un, “Baŋnɛ chen ya ya? I tum chen.”

Jɔn 18:31

Pailɔt fun ŋɔ ba, “Ma kpa un kila a la di un sɛria a li chenani ma yaa di ma nara.” Ba fun ŋɔ un, “I wa nyɛ ya nyinbaan di ya di nara siwi sɛria.”

Tuma 18:13

Ba fun ŋɔ Galio ni, “Baal nɔ yaa biksi ya nara di ba jɛɛmi Koosa aa chɔk ya chi.”

Tuma 23:29

Mu fun wa dɛu a na di o wa tum tum tagin naa la zi nyɛ mu di o sou sɛria koo a tɔ un dɛ. Ba ka fun ŋɔ di o chɔk ba titi chire.

Tuma 25:11

Mu fu chɔk chiksɛ ta koo a tum tum tagin naa i zi di mu sou sɛria, mu saksɛu di mu namsi. Chenani ba fu fiksi min chen vɛ ya wuti, i wa kpak nyinbaan naa i zi kpa min a du ba nisa ni. Mu sumi hinu di i nyɛ i lanjimasi ta kpa min a la koor Siiza wati o di mu sɛria.”

Tuma 25:19

Ba wa un yaa fun piinsa di amɔrɛ a li chenani Ju tim ta jɛɛmi Koosa awa baal naa funɛ sou wɛ. Ba fun ŋɔ di o sɔn ya Yesu. Pɔɔl ka fun ŋɔ di o wa bu sou, amaa Koosa funɛ lɛli unu a li o sou ni.

Tuma 26:3

I zimu nɛnɛ chenani Ju tim ta nyɛn awa chenani ba yaa lagmi dɔŋ ni a sɛm ba amɔrɛ sɛma. N sumi hinu di i kpak kanyita a kinu mu wati.

1 Tim. 1:4

Ŋɔ ba di ba kpa ba mura awa ba nawaalsa sɔn biksi a ta, domi a wa nyɛ nara di dɔŋa amɔrɛ saha maga. Chenani baa tum wa nyɛ nara se su Koosa awa o wuti biksi ti.

1 Tim. 6:4

ba zer ba titi a vɛ zim kundɔŋ. Saha maga ba yaa daŋni ba di amɔrɛrɛ kinkan a kidaŋni tɛl sɛma, chen ni ba naa la nu ba sɛm ta ya handɔta timawa a waligi dɔŋ ni a la chɔk dɔŋ sɔna a ya beeli tima.

2 Tim. 2:23

Ta lagmi nibin womni ba naa yaa di dɔŋa wa amɔrɛ kin nawara ba vɛ zimi wɛ. I zimu di ba yaa di amɔrɛu hali o wa peti dɔŋ yooli ni.

Tait. 3:9

Amaa ta di amɔrɛ wa ba naa la biksi ba nawaalsa sɔna wɛ a la yo dɔŋa Koosa chiksɛ daha. Kin nama ya yɔrirɛ a wa kpak nyɔɔra.