Tuma 18:12 - Tampulma

¹² Doone Roman tima fun lisi baal naa ba yir Galio a vɔu un gɔbnati nyuhu tiina a li Girik tim pulum ni. Chen saha tirɛ Ju tim ta fun lagmi a kpak Pɔɔl a kpa un la Galio suwachak di ba fiksi un.

Tuma 18:12 Marejeleo ya Msalaba

Mat. 27:19

Pailɔt funɛ kani sɛria bar diili dɛ ti ni, o haan fun holi a ŋɔ un, “Dusum ti mu dɛ namsu kinkannɛ baal nɔ daha a li mu deesi ni. O nin wa to. Adaha i yisi un a ta.”

Jɔn 19:13

Pailɔt funɛ nu ba sɛma, o fun nyɛ o lanjimasi ta kpa Yesu a te o suwachak a kaali doonani chi biŋbiŋa. Ju tim ta funɛ yir dooni Gabata a li ba titi sɛm ni. Ba funɛ la tel dooni, Pailɔt fun kani sɛria bar diili kor ti ni.

Tuma 13:12

Gɔbnati nyuhu tiin ti funɛ na chenani yɛɛ, o se fun su Koosa laaboor weri ti. Alaazibu fun kpak un kinkan a li chenani Barnabas awa Sɔɔl fun biksi un ya kunyan ti wɛ.

Tuma 13:50

Amaa Ju tim ta funɛ nyɛ tɔhɔn ti nihɛɛta awa nihaana ba naa la jɛɛmi Koosa a ya malɛ tima, paan fun siu a du Pɔɔl awa Barnabas ni. Ba fun muksi ba kinkan a duŋni ba a li dooni.

Tuma 13:7

Baal naa ba funɛ yir Sɛjius Pɔlɔs funɛ ya Saiprus pulum ti gɔbnati nyuhu tiina. O funɛ ya nibin nɛɛgirɛ ka o wa Bayesu funɛ ya chɛnsa. Gɔbnati nyuhu tiin ti funɛ nu di Barnabas awa Sɔɔl wau, o fun yir ba ba wa biksi un Koosa laaboor weri ti wɛ.

Tuma 13:8

Bayesu sɔn digi funɛ ya Ɛlimas a li Girik tima sɛm ni. O funɛ nu nara balɛ ta ka ba biksi Koosa laaboor weri ti a nyɛ gɔbnati nyuhu tiin ti ni, o fun kpaŋi o titi di o lisi un a li o se suuli ti ni.

Tuma 14:19

O wa fun vusi ka Ju tim ta bɔnɛ li Antiɔk a li Paisidia pulum awa Ikonium a la tel Listira. Ba fun nyaŋi zɛmɛ ta awa ba sɛm ni ka ba wa ba fun kpak Pɔɔl a yaksi un wa buŋkula ni. Ba fun baa di o sowu a lɛrgi un a li tɔhɔn ti ni a ta.

Tuma 14:2

Ju tima ba naa se funɛ vɛ suuli funɛ nyɛ ba naa vɛ ya Ju tim ta, bɔnɛ paan fun si a du nara balɛ ta ni.

Tuma 17:13

Ju tima ba naa funɛ nyɛn Tɛsalonika ni, funɛ nu di Pɔɔl biksi Koosa laaboor weri ti a nyɛ Bɛrɛa tim ta ni, ba bɔnɛ fun wa gbaari Bɛrɛa tim ta ni a lagmi zɛmɛ di ba dam tɔhɔn ti.

Tuma 17:5

Ju tima ba naa funɛ ka chen funɛ di handɔta a du Pɔɔl awa Sailas ni. Ba fun lagmi ba naa chiŋi a ya yɔri a li yau ni a nyɛ ba dam tɔhɔn ti. Ba fun lisi di Pɔɔl awa Sailas nyɛn baal naa ba yir Jesɔn dam nɛ a wa chɔk dam ti di ba lisi ba a li zɛmɛ ta suwachak.

Tuma 18:11

Ya kunyan ti funɛ kaali, Pɔɔl fun si a nyɛn doon a biksi nara bun birigi awa pɛnsa nɔra.

Tuma 18:27

O fun wa ya wuzu bilɛ Apɔlɔs fun lisi di o zi la Girik tim pulumu. Yesu nitiŋɛ ba naa funɛ nyɛn Ɛfɛsus ni, daŋni ba suŋi un a sɔbi tɔn a nyɛ ba niinbisa ba naa nyɛn dooni. Ba fun sɔbi a ŋɔ di o wa tel ba la un nɛnɛ a du. O fun la tel doon a suŋi ba naa Koosa fun suŋi a nyɛ ba, se su un chen kinkan.

Tuma 19:21

A gantɛl nɛɛ Pɔɔl fun lisi di o zi gbau a la Masɛdonia pulum awa Girik tima pulum a bur wa Jɛrusalɛm. O gbanko fun lisi di chen gantɛl ni o zi li dooniu a la Room.

Tuma 25:10

Pɔɔl fun ŋɔ un, “Yɛrɛ ma vɛ kaa di min sɛria ti bar nɔ a kaa kpa min la bar digi? Hin ya gɔbnati nyuhu tiin zen a chiŋi koorsi ta nyuhu tiina Siiza bar chiŋi ni. I zimu nɛnɛ di mu wa tum tum tagin digi a du Ju tim ta ni.

Room 15:26

Ba dɔŋtima ba naa nyɛn Masɛdonia pulum awa Girik tim pulum ni, ba fun lisi di o weru wa ba lagmi ba kin bɔnɛ a kpa nyɛ fara tim ni a li Jɛrusalɛm ni.

Room 16:5

Ma gbanko zaami Yesu nitiŋɛ ba naa lagmi ba dam ni, a zaami mu nidaŋni Ɛpainitus naa si funɛ te su Yesu a li Azia pulum ni.

1 Kɔr. 16:15

Ma zimu di Stɛfanas awa o dam walɛ funɛ te nyɛ ba se su Yesu a li Girik tim pulum ni a fun piinsa tum si sɛm tuma a nyɛ Koosa nara ni.

2 Kɔr. 1:1

Min waa, Pɔɔl, naa Koosa fun a lisi di mu ya Yesu Kristo nitumi, awa ya niinbe, Timoti, zaami mau. Min, Pɔɔl, la sɔbi tɔn nɔ a nyɛ ma naa Koosa fun lisi di ma tiŋ un a li Kɔrint ni awa ba naa maga ya o nara a nyɛn Girik pulum ni.

2 Kɔr. 11:10

Mu sɛm ta ya wutirɛ domi Yesu Kristo nyɛn min ni. Ba naa maga nyɛn Girik tim pulum ni zi nuu di mu wara nyini ma se ni a li kundɔŋ ni.

2 Kɔr. 11:26

Mu yaa si bar digi niu a gba hali a la li bar tagna ni kinkan. Mu funɛ ji mɔɔga jibaŋ naa ni fun su a pisi chen. Nara funɛ muksi min kinkan a daŋni ba fuksi mu kina. Ju tim ta awa ba naa vɛ ya Ju tima fun nyɛ min na namsi kinkan. Hali ba naa mu fun lisi di ba ya mu chɛnsiwa, ba fun bur a ka min. Mu funɛ gbau a la li tɔsa awa nyabaan wa teku, a maga funɛ ya bar tagniwa.

2 Kɔr. 9:2

Mu zim di ma daŋni ma suŋi bau. Mu funɛ ŋɔ Yesu nitiŋɛ ba naa nyɛn Masɛdonia pulum ni, di ba niinbisa ba naa nyɛn Girik tim pulum ni, funɛ piiliu a saksi ba papaha ti bunaani. Ba funɛ nu chenani ma kpak un ma bambe ni di ma tum nan, ba nidamata fun saksi ba papaha gbanko.

1 Tɛs. 2:14

Mu niinbisa, kin nawara funɛ ya Koosa nitiŋɛ ba naa funɛ nyɛn Judia pulum ni a tiŋ Yesu Kristo chen, chen vɛɛna ya ma doon gbanko chen ni. Ma titi nara funɛ muksi ma kinkan a chi Ju tima funɛ muksi Yesu nitiŋɛ ta a li Judia pulum ni.

1 Tɛs. 2:16

Ba funɛ daŋni ya gil Koosa laaboor weri ti a ta sɛm kinyɛ ba naa vɛ ya Ju tim ni, domi ba nuɛɛ, Koosa fu zi koti a yisi bau a li ba tum tagna ni. Chen funɛ ya ba tum tagin a kaali ba tum tagna maga. Lalaknɔ Koosa na paanu kinkan a du ba ni a zi wa ta ba yɔri.

Jems 2:6

Amaa ma wa zɛɛmi fara tima a la nyɛ malɛ tima ba naa kpak tuha sa a nyɛ ma namsi a lɛrgi ma a la sɛria nidiile tim suwachak, wa jirima ni.