Tuma 17:14 - Tampulma

¹⁴ Ya niinbisi ta fun vaan lisi ba bɔnɛ a li ba ni di ba wa Pɔɔl kila ni nɔ. Sailas awa Timoti fun kpalimi Bɛrɛa ni.

Tuma 17:14 Marejeleo ya Msalaba

Mat. 10:23

Ba muksi ma a li tɔ digi ni, ma li dooni a la bar digi. Wutirɛ n ŋɔ ma, ma wa zi tum ma tum maga a peti a li Ju tim tɔsi ta ni, hali n waa nibine be wa bur wa.

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Tuma 15:22

Jems funɛ sɛm peti, nitumɛ ta, nihɛɛti ta awa Yesu nitiŋɛ ta maga fun lisi nara balɛ a li ba tuhu ni di ba la lagmi Pɔɔl awa Barnabas ni ba la Antiɔk. Ba sɔna funɛ ya Judas Barsabas awa Sailas. Yesu nitiŋɛ ta maga fun nyɛ ba jirima kinkan.

Tuma 16:1

Pɔɔl awa Sailas fun bur kaali Dɛɛbɛ awa Listira. Yesu nitiŋɛ ta digi funɛ nyɛn doon ba yir un Timoti. O niina gbanko funɛ ya Yesu nitiŋirɛ. O niin ti funɛ ya Ju timwa ka o nyana ka ya Girik tima.

Tuma 17:10

Dusum funɛ wa biri, Yesu nitiŋɛ ta fun tum Pɔɔl awa Sailas a li tɔhɔn naa ba yir Bɛrɛa. Ba fun la tel doon a la zu Ju tim ta bar lagmi dɛ.

Tuma 17:15

Ba funɛ tel tɔhɔn naa ba yir Atɛns, Pɔɔl fun tum ba naa tiŋ un chen, ba bur kaali Bɛrɛa di ba la ŋɔ Sailas awa Timoti ni di ba wa gbaari un ni lalaga.

Tuma 17:4

Ju tim ta bɔnɛ se funɛ suu di chenani Pɔɔl sɛm chen ya wutirɛ a chiŋi o wa Sailas gantɛl ni. Girik tima ba naa funɛ jɛɛmi Koosa awa nihaana ba naa ya nibirige nidamata gbanko funɛ ya chene.

Tuma 17:6

Ba funɛ vɛ na ba, ba fun kpak Jesɔn awa Yesu nitiŋɛ ta bɔnɛ a zaksi ba a la tɔhɔn ti nihɛɛta suwachak a tɛsi a ŋɔ, “Doonani nara nama la, ba yaa muksi narawa kinkan. Lalaknɔwa ba tel ya tɔha,

Tuma 18:5

Sailas awa Timoti funɛ la tel Kɔrint a la Masɛdonia pulum ni, Pɔɔl fun gil o sela tɔn ta kɔɔri a kpa o saha maga a biksi nara Koosa laaboor weri ti wɛ. O fun kpak o titi a biksi Ju tim ta a li gbampulim ni di Yesu ya Kristo naa Koosa fun vɔu di o zi wa tumu wuzu digi chen.

Tuma 19:22

O fun tum o nisuŋi nara balɛ, Timoti awa naa ba yir Ɛrastus chen, ba te o suwachak a kaali Masɛdonia pulum. O fun kpalimi Ɛfɛsus naa nyɛn Azia pulum ni.

Tuma 20:3

a la nyɛn dooni pɛnsa tora. O funɛ nyɛn doon a saksi di o bur la Siiriya pulum, o fun nu di Ju tim ta dɛu nyinbaannɛ di ba kpu un. Chendaha o fun chɛrgi o bambi a lisi di o bur la tiŋ Masɛdonia pulum a la.

Tuma 9:25

Wuzu digi dusum Yesu nitiŋɛ ta fun kpa un a zini chechepure naa ba sa go tɔhɔn ti chen nyu daha a du chenchise ni a vɔti un wa ŋmɛnsi ni. Doone ba fun kpak ŋmɛnsi ta ka chenchise ti tu wa tɛɛnɛ.

Tuma 9:30

O dɔŋtim ta funɛ nu chenani ba daŋni ba kpu un, ba fun tum Sɔɔl Siizaria ni o zu arŋa a kaali Taasus.

1 Tim. 1:3

Mu daŋni i kpalimi Ɛfɛsus nɛɛ a chi chenani mu fun ŋɔ hin saha naa mu wa hin fun nyɛn ka mu gali Masɛdonia pulum ni chen. Nara ba naa nyɛn Ɛfɛsus ni, bɔnɛ biksi chenani vɛ ya wutirɛ. La ŋɔ ba di ba gil chen biksi.

Tait. 1:5

Mu funɛ gil hin Krit ni, i kpalimi dooni a kɔɔri Yesu nitiŋɛ kina a lisi nihɛɛta a li doonani maga baa lagmi. Lisi chenani mu fun ŋɔ hin.