Tuma 17:1 - Tampulma

¹ Ba fun la gali tɔsa naa ba yir Amifipolis awa Apolonia a la tel tɔhɔn naa ba yir Tɛsalɔnika. Ju tim ta funɛ kpak ba bar lagmi dɛrɛ dooni.

Tuma 17:1 Marejeleo ya Msalaba

Tuma 14:1

Pɔɔl awa Barnabas fun la tel Ikonium a la zu Ju tim ta bar lagmi dɛ a sɛm ba a chi chenani ba fun sɛm a li Antiɔk ni. Ju tim ta awa ba naa vɛ ya Ju tima nidamata fun nyɛ ba se su Koosa laaboor weri ti ba sɛm ta daha.

Tuma 15:21

Ba naa vɛ ya Ju tima funɛ piin zimu di chenani mu sɛm chen ya wu birigirɛ, domi Ju tim ta yaa funɛ biksi chenani Mosis fun sɔbi a li Koosa sɛm tɔn ti ni saha digi a li ba bar lagmi dɛɛni ni tɔsi maga ni a vusi.”

Tuma 16:13

Ju tim ta wuzu hiisi funɛ wa tel, ya fun li tɔhɔn ti ni a la val pul nɔ ni, a dɛu doonani Ju tim ta yaa lagmi a sumi Koosa. Ya funɛ na un, ya fun la lagmi nihaani ni a kani dooni a sɛm.

Tuma 17:10

Dusum funɛ wa biri, Yesu nitiŋɛ ta fun tum Pɔɔl awa Sailas a li tɔhɔn naa ba yir Bɛrɛa. Ba fun la tel doon a la zu Ju tim ta bar lagmi dɛ.

Tuma 17:11

Ba naa nyɛn dooni chen, bambe funɛ puku a kaali ba naa nyɛn Tɛsalɔnika ni, domi ba funɛ kpak un ba bambe ni di ba nu chenani Pɔɔl kaa sɛm. Wuzu kam ba yaa fun karimi Koosa sɛm tɔn tiu di ba na chenani Pɔɔl biksi ba chen ya wutirɛ.

Tuma 17:13

Ju tima ba naa funɛ nyɛn Tɛsalonika ni, funɛ nu di Pɔɔl biksi Koosa laaboor weri ti a nyɛ Bɛrɛa tim ta ni, ba bɔnɛ fun wa gbaari Bɛrɛa tim ta ni a lagmi zɛmɛ di ba dam tɔhɔn ti.

Tuma 20:4

Nara banɔpɛ awa Pɔɔl funɛ te ya suwachak a la pɔ ya Troas ni. Ba sɔna funɛ ya Sopata, Pirus be a li Bɛrɛa ni, Aristakus awa Sɛkundus a li Tɛsalɔnika ni, Gaiyus a li Dɛɛbɛ ni, Taikikus awa Trofimus a li Azia pulum ni, awa Timoti.

Tuma 27:2

Ya fun la zu arŋa naa la daŋni o si a la Azia pulum ni nɔ a kaali. O funɛ li tɔhɔn naa ba yir Adramitiumnɛ. Baal naa ba funɛ yir Aristakus funɛ gbaari ya ni. O funɛ li Tɛsalɔnika naa nyɛn Masɛdonia pulum nɛɛ.

Filip. Tima 4:16

Mu funɛ nyɛn Tɛsalɔnika ni a daŋni kina, wuzu bilɛ bambaan ni ma fun kpa papaha a wa nyɛ min.

1 Tɛs. 1:1

Min, Pɔɔl, awa Silvenus wa Timoti zaami ma naa tiŋ ya kunyan Yesu chenu a li Tɛsalɔnika ni. Mu waa, Pɔɔl, la sɔbi tɔn nɔ a nyɛ ma. Ya kunyan Yesu Kristo ti awa ya kunyan Koosa dɔ ma. Waa la zi suŋi ma a nyɛ ma bara sɔɔna.

1 Tɛs. 2:2

Ma zim chenani Filipai tima fun te tum tum tagna a du ya ni a la pini ya kinkan ka ya zi wa pu ma Tɛsalɔnika ni. Ya funɛ nyɛn ma wati, ba naa funɛ nyɛn dooni ha vɛɛna muksi yau kinkan, amaa Koosa funɛ nyɛ ya o kpoku ya kpak bambi a ŋɔ ma o laaboor weri ti wɛ.

2 Tɛs. 1:1

Mu waa, Pɔɔl, awa Sailas wa Timoti zaami mau. Min, Pɔɔl, la sɔbi tɔn nɔ a nyɛ ma naa tiŋ Yesu a li Tɛsalɔnika ni. Ya kunyan Koosa awa ya kunyan Yesu Kristo dɔ ma.

2 Tim. 4:10

Dimas naa la daŋni tɛɛnɛ nɔ maga kina, funɛ gil minu a kaali Tɛsalɔnika. Krɛsɛns funɛ a gbau a kaali Galesia pulum. Taitus ka kaali Dalmesia pulum.