Tuma 16:9 - Tampulma

⁹ A wuzu ti dusum Pɔɔl funɛ na baal digirɛ a chi o deesi ka o li pulum naa ba yir Masɛdonia. O fun chiŋi Pɔɔl suwachak ni a sumi un, “Ji a wa suŋi ya.”

Tuma 16:9 Marejeleo ya Msalaba

Tuma 10:3

Wuzu digi zaazɔn saha naa niparɛ yaa si ba par ni chen, o fun na Koosa malaikasi ta digi a chi o deesi. Malaika ti fun wa ŋɔ un, “Kɔnilius.”

Tuma 10:30

Kɔnilius fun ŋɔ un, “Wuzu bunaasi gantɛl ni saha naa niparɛ yaa si ba par ni chen, mu funɛ nyɛn bar nɔwa a sumi Koosa. Chen saha ti awa lalaknɔ funɛ ya kibɛgimnɛ. Baal digi fun laari kichaani a vaan wa chiŋi mu suwachak ni,

Tuma 16:10

Baal ti funɛ kaali, ya wa Pɔɔl fun saksi di ya la Masɛdonia, domi Koosa funɛ biksi ya di ya ŋɔ ba naa nyɛn dooni o laaboor weri ti wɛ.

Tuma 16:12

Ya fun kpa teku ti a ta ya gantɛl ni a la tel tɔhɔn naa ba yir Filipai. O funɛ ya tɔ birigirɛ a li Masɛdonia pulum ti ni. Roman tima funɛ sa un. Ya fun nyɛn doon wuzu damata.

Tuma 18:5

Sailas awa Timoti funɛ la tel Kɔrint a la Masɛdonia pulum ni, Pɔɔl fun gil o sela tɔn ta kɔɔri a kpa o saha maga a biksi nara Koosa laaboor weri ti wɛ. O fun kpak o titi a biksi Ju tim ta a li gbampulim ni di Yesu ya Kristo naa Koosa fun vɔu di o zi wa tumu wuzu digi chen.

Tuma 19:21

A gantɛl nɛɛ Pɔɔl fun lisi di o zi gbau a la Masɛdonia pulum awa Girik tima pulum a bur wa Jɛrusalɛm. O gbanko fun lisi di chen gantɛl ni o zi li dooniu a la Room.

Tuma 19:22

O fun tum o nisuŋi nara balɛ, Timoti awa naa ba yir Ɛrastus chen, ba te o suwachak a kaali Masɛdonia pulum. O fun kpalimi Ɛfɛsus naa nyɛn Azia pulum ni.

Tuma 19:29

Ba fun li a tɛsi a go tɔhɔn tuha a chi chenani ba fa te tɛsi chen a nyɛ tɔhɔn ti dam. Yesu nitiŋɛ ba naa nyɛn Masɛdonia pulum ni chen, nara balɛ wa Pɔɔl funɛ wa Ɛfɛsus. Ba sɔna funɛ ya Gaiyus awa Aristakus. Zɛmɛ ta fun kpaksi nara balɛ ta a ka Pɔɔl a chɔ kaali doonani tɔhɔn ti tima yaa lagmi.

Tuma 20:1

Wuzu bilɛ gantɛl ni, Pɔɔl fun yir Yesu nitiŋɛ ta a lagmi dɔŋ ni a ŋɔ ba di o daŋni o la Masɛdonia pulumnɛ. O fun kpami ba a chausi ba a kaali.

Tuma 20:3

a la nyɛn dooni pɛnsa tora. O funɛ nyɛn doon a saksi di o bur la Siiriya pulum, o fun nu di Ju tim ta dɛu nyinbaannɛ di ba kpu un. Chendaha o fun chɛrgi o bambi a lisi di o bur la tiŋ Masɛdonia pulum a la.

Tuma 27:2

Ya fun la zu arŋa naa la daŋni o si a la Azia pulum ni nɔ a kaali. O funɛ li tɔhɔn naa ba yir Adramitiumnɛ. Baal naa ba funɛ yir Aristakus funɛ gbaari ya ni. O funɛ li Tɛsalɔnika naa nyɛn Masɛdonia pulum nɛɛ.

Tuma 9:38

Jɔpa awa Lida wa fun bol wa dɔŋ ni. Yesu nitiŋɛ ba naa nyɛn Jɔpa ni, funɛ nu di Pita nyɛn Lida ni, ba fun tum nara balɛ o wati ba la ŋɔ un di o ta vusi a kuwa.

Room 15:26

Ba dɔŋtima ba naa nyɛn Masɛdonia pulum awa Girik tim pulum ni, ba fun lisi di o weru wa ba lagmi ba kin bɔnɛ a kpa nyɛ fara tim ni a li Jɛrusalɛm ni.

2 Kɔr. 11:9

Wuzu digi mu malɛ fun wa peti, amaa mu wa fun wa pɛɛsi ma di ma suŋi min. Mu niinbisa ba naa nyɛn Masɛdonia pulum ni, funɛ zer kin naa maga mu daŋniu a wa nyɛ min. Mu yaa fun dosou di mu wa zi nyini ma se ni a li kundɔŋ ni. Chene o kaa nyɛn kpa la saha wa wa.

2 Kɔr. 12:7

Koosa wa funɛ daŋni mu zer mu titi, domi o funɛ nyɛ mu nu alaazibu sɛmau. Chendaha o fun kpa wichɔɔrta a nyɛ min o wi mu bara ni saha maga. O chi Koosa nyɛ sintana tuksi minu saha maga.

2 Kɔr. 7:5

Ya funɛ wa tel Masɛdonia pulum, ya wa fun koti a hiisi. Doonani maga ya yaa fun burgi, ya yaa na namsiu. Nidamata yaa funɛ muksi yau kinkan. Chendaha tu chɔk yaa fun su ya tusau,

2 Kɔr. 8:1

Mu niinbisa, ya daŋni ma zimu chenani Koosa fun a suŋi Yesu nitiŋɛ ba naa nyɛn Masɛdonia pulum ni.

2 Kɔr. 9:2

Mu zim di ma daŋni ma suŋi bau. Mu funɛ ŋɔ Yesu nitiŋɛ ba naa nyɛn Masɛdonia pulum ni, di ba niinbisa ba naa nyɛn Girik tim pulum ni, funɛ piiliu a saksi ba papaha ti bunaani. Ba funɛ nu chenani ma kpak un ma bambe ni di ma tum nan, ba nidamata fun saksi ba papaha gbanko.

1 Tɛs. 4:10

Ya zimu di maa daŋni Yesu nitiŋɛ ba naa maga nyɛn Masɛdonia pulum ni. Adaha ya sumi mau ma ha vɛɛn kitum chen a gbaari.