Tuma 16:35 - Tampulma

³⁵ Chɔɔsa funɛ wa pisi, sɛria nidiile ta fun tum lanjimasi ta di ba la ŋɔ niili ti ni o lisi Pɔɔl awa Sailas a nyɛ ba la.

Tuma 16:35 Marejeleo ya Msalaba

Luk 12:11

“Nara zi wa kpa ma a la ba bar lagmi dɛɛna awa koorsa awa nihɛɛta suwachak di ba di ma sɛria. Chen wa ya, ma ta nyɛ chenani ma kaa wa sɛmi kimuksi ma.

Tuma 16:34

Doone niili ti fun kpa Pɔɔl awa Sailas a kaali o dam ti a la ya diwe ba di. O wa o walɛ ta tusa fun sɔɔni kinkan, domi ba se su Koosa.

Tuma 16:36

Niili ti fun wa ŋɔ Pɔɔl ni, “Sɛria nidiile ta funɛ tum ba wa ŋɔ min di mu lisi i wa Sailas a nyɛ ma la. Maa la a ta chɛɛmi.”

Tuma 16:38

Lanjimasi ta fun bur kaali sɛria nidiile ta wati a la ŋɔ ba chenani Pɔɔl sɛm ba. Sɛria nidiile ta funɛ nu di Pɔɔl awa Sailas ya Roman timwa, hansura fun kpak ba.

Tuma 4:21

Ba fun bukoo tɛ ba nin kpok ni a gbaari a nyɛ ba kaali. Ba wa fun koti a lɛrgi ba diŋsa, domi nara tima maga funɛ pɛgi Koosa a li chenani ya daha.

Tuma 5:40

Gameliel funɛ sɛm peti, ba maga fun la nɔɔni a nyɛ un. Ba fun ŋɔ ba ba kpa nitumɛ ta a zu a nyɛ Koosa bar jɛɛmi dam ti niilɛ ta tuksi ba wa vurmsi ni. Doone ba fun bukoo tɛ ba nin di ba ta bu kpa Yesu sɔn a sɛm nara ni a nyɛ ba kaali.