Tuma 16:19 - Tampulma

¹⁹ Baa naa dɔ nihabichɛl ti chen funɛ na chenani Pɔɔl ya, ba fun zim di ba wa zi bu na nyɔɔra a li un ni. Ba fun kpak Pɔɔl awa Sailas a zaksi ba a la yawa doonani ba di sɛriasa chen.

Tuma 16:19 Marejeleo ya Msalaba

Mat. 24:9

“Saha naa kina maga wa kaa ya, ba zi wa kpa ma a du ba naa la namsi nara nisa niu ba kpu ma. Nara maga zi wa ha mau, domi maa tiŋ min daha.

Maak 13:9

“Ma doso ma titi ni. Ba zi wa kpak mau wa kpok ni a muksi ma kinkan. Ba zi wa kpa mau a kaali ba bar lagmi dɛɛna nihɛɛti wati ba di ma sɛria a tuk ma. Ba gbanko zi wa kpa ma la koorsa suwachaku ba di ma sɛria domi maa tiŋ min daha. Ba wa di ma sɛria, ba gbanko zi wa nu Koosa laaboor weri tiu.

Tuma 14:19

O wa fun vusi ka Ju tim ta bɔnɛ li Antiɔk a li Paisidia pulum awa Ikonium a la tel Listira. Ba fun nyaŋi zɛmɛ ta awa ba sɛm ni ka ba wa ba fun kpak Pɔɔl a yaksi un wa buŋkula ni. Ba fun baa di o sowu a lɛrgi un a li tɔhɔn ti ni a ta.

Tuma 14:5

Doone Ju tim ta, ba nihɛɛta awa ba naa vɛ ya Ju tima ka ba se vɛ suuli, fun si a la chem ba wa yo ni a pini buŋkula a yaksi ba.

Tuma 15:22

Jems funɛ sɛm peti, nitumɛ ta, nihɛɛti ta awa Yesu nitiŋɛ ta maga fun lisi nara balɛ a li ba tuhu ni di ba la lagmi Pɔɔl awa Barnabas ni ba la Antiɔk. Ba sɔna funɛ ya Judas Barsabas awa Sailas. Yesu nitiŋɛ ta maga fun nyɛ ba jirima kinkan.

Tuma 15:26

domi baa tum ya kunyan Yesu Kristo tumau a li bar tagni ni.

Tuma 15:40

Yesu nitiŋɛ ta fun kpa Pɔɔl awa Sailas naa o fun lisi, a du Koosa nin ni di o suŋi ba. Ba fun li dooni,

Tuma 16:16

Wuzu digi ya funɛ la doonani Ju tim ta yaa sumi Koosa a la chem nihabichɛl naa ya yoma. Alizin tagin funɛ nyɛn o nyuhu ni a nyɛ o yaa ŋɔ nara ni chenani kaa wa ya. O tima fun na nyɔɔra kinkan a li chenani o ya a nyɛ nara ni chen.

Tuma 16:20

Ba fun kpa Pɔɔl awa Sailas a kaali sɛria nidiile suwachak a ŋɔ ba, “Ju tim na muksi ya tɔhɔn narau kinkan.

Tuma 16:25

O fun wa dugli tɔhɛɛsa, Pɔɔl awa Sailas funɛ sumi Koosa a lɔ boola a pɛgi un. Ba naa ba fun kpa gbaari ba ni dɛ ti ni fun kani a nu ba wati.

Tuma 16:29

Niili ti fun ŋɔ di ba kpa fitin kuwa a chɔ a la gbiri Pɔɔl awa Sailas suwachak ni. Hansura fun kpak un kinkan o bara jigiri.

Tuma 17:6

Ba funɛ vɛ na ba, ba fun kpak Jesɔn awa Yesu nitiŋɛ ta bɔnɛ a zaksi ba a la tɔhɔn ti nihɛɛta suwachak a tɛsi a ŋɔ, “Doonani nara nama la, ba yaa muksi narawa kinkan. Lalaknɔwa ba tel ya tɔha,

Tuma 21:30

Ba naa funɛ dam chen nidamata fun pisi a su tɔhɔn ti maga. Ba naa funɛ ka a vɛ li dam ti tuha fun chɔ la lagmi dɔŋ ni a li doonani ba kpak Pɔɔl chen a suŋi ba ba lɛrgi un a li sal. Nara tima wa Pɔɔl fun kaali, ba naa la il Koosa bar jɛɛmi dam ti fun vaan far bulzɔɔnɔ.

Tuma 8:3

Sɔɔl funɛ namsi Yesu nitiŋɛ ta kinkan. O funɛ zu ba damsa bu bɛgim bɛgima a lɛrgi nibaala awa nihaana a li a tɔ ba dɛ.

Tuma 9:16

Mu zi biksi un chenani o zi biksi ba a na namsi kinkanu.”

2 Kɔr. 6:5

Ba yaa fun tuksi yau a tɔ ya dɛ. Tɔhɔn dami yaa funɛ li ya nɛɛ. Ya yaa funɛ tumu hali a wa gbarigi a gil ya diwe awa ya do.

Filip. Tima 1:30

Mu funɛ nyɛn ma wati, ma funɛ na chenani mu namsiu. Lalaknɔ ma nu chenani mu ha vɛɛn a namsiu. Ma titi gbanko namsiu chen ni.

1 Tɛs. 2:2

Ma zim chenani Filipai tima fun te tum tum tagna a du ya ni a la pini ya kinkan ka ya zi wa pu ma Tɛsalɔnika ni. Ya funɛ nyɛn ma wati, ba naa funɛ nyɛn dooni ha vɛɛna muksi yau kinkan, amaa Koosa funɛ nyɛ ya o kpoku ya kpak bambi a ŋɔ ma o laaboor weri ti wɛ.

1 Tim. 6:10

Domi tum tagna damata li malɛ daŋni nɛɛ. Bɔnɛ kpak a ba bambe nee kinkan di ba na malɛ a la bur Koosa nyinbaan ni. Chen nyɛ ba tusa chɔk kinkan.

Jems 2:6

Amaa ma wa zɛɛmi fara tima a la nyɛ malɛ tima ba naa kpak tuha sa a nyɛ ma namsi a lɛrgi ma a la sɛria nidiile tim suwachak, wa jirima ni.