Tuma 16:17 - Tampulma

¹⁷ O fun tiŋ ya wa Pɔɔl gantɛl a tɛsi a la ŋɔ, “Nara nama ya Koosa zen tumtumsiwa. Ba waa funɛ mɔɔli ma a li chenani Koosa zi wa yisi ma a li ma tum tagna ni ma tiŋ un.”

Tuma 16:17 Marejeleo ya Msalaba

Mat. 22:16

Ba fun tum ba nitiŋɛ bɔnɛ awa Hɛrɔd nitiŋɛ Yesu wati a wa ŋɔ un, “Ya kunyana, ya zimu di i ya wuti tiinne. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi.

Mat. 8:29

Ba nidigi fun tɛsi a pɛɛsi un, “I waa Koosa be, baŋnɛ ii daŋni ya wati? A wuzu naa Koosa zi wa di tɛɛnɛ nɔ maga nara sɛria ha wa tel. I te wau di i wa namsi ya ka saha ti zi wa tell?”

Maak 1:24

“Hee, Yesu Nazarɛt nar, baŋnɛ ii daŋni ya wati? I wa bar nɔ di i wa chɔk yau. Mu zimu di i ya tu chaan tiinne. I ya Koosa bere.”

Maak 12:14

Ba fun wa ŋɔ un, “Ya kunyana, ya zimu di i ya wuti tiinnɛ. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi. Ya yaa bɔ ya lampo a nyɛ koorsi ta nyuhu tiina Siiza ni, chen weru koo o wa wer? Ya yaa kibɔ koo ya ta bɔɔlii?”

Maak 5:7

Yesu fun ŋɔ alizin tagin ti ni di o li baal ti ni. O fun tɛsi kinkan a pɛɛsi un, “I waa Yesu, Koosa zen be, baŋnɛ i daŋni n wati? Kinyini Koosa a gil mu muksi.”

Luk 1:77

Hin la zi ŋɔ o nara ni di ba gil ba tum tagna a bur tiŋ Koosa, o zi yisi bau.

Luk 1:79

O wara daŋni o na ya galimsa a ta ya yɔri, amaa o ka daŋni o te ya suwachakrɛ a biksi ya o bar sɔɔn nyinbaan.”

Luk 20:21

Ba fun ŋɔ Yesu ni, “Ya kunyana, ya zimu di i ya wuti tiinnɛ. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi.

Luk 4:34

“Hee, Yesu Nazarɛt nar, baŋnɛ ii daŋni ya wati? I wa bar nɔ di i wa chɔk yaa? Min zim di i ya tu chaan tiina. I ya Koosa bere.”

Luk 4:41

Yesu funɛ duŋni alizin tagni ta a li nara ta ni. A fun a tɛsi a ŋɔ, “I ya Koosa bere.” A funɛ zimu di waa ya Kristo naa Koosa fun ŋɔ di o zi wa tumu wuzu digi. Yesu fun ŋɔ a di a gil chɛɛma.

Luk 8:28

Nara yaa fun kpa zɔglɛ a vɔti o naŋgere awa o nisa hali ba wa ku, amaa alizin tagni ta yaa fun siu a kasi a maga a duŋni un o kaali nyabaan. Yesu funɛ wa li arŋ ti ni, baal ti fun chɔ a wa gbiri o suwachak ni a zaami un. Yesu fun ŋɔ alizin tagin ti ni di o li baal ti ni. O fun tɛsi kinkan a pɛɛsi un, “Baŋnɛ ii daŋni n wati, i waa Yesu, Koosa zen be? Kinyini Koosa a gil mu muksi.”

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Tuma 18:26

O fun la zu Ju tim ta bar lagmi dɛ a kpak o bambi a sɛm sɛma a nyɛ ba. Akwila awa Prisila funɛ nu o sɛm ta, ba fun kpa un kaali dama a la biksi un chenani nara zi tiŋ ya kunyan ti a kaali chenani o zim.

Tuma 19:13

Ju tim ta bɔnɛ yaa funɛ gbau a go a duŋni alizin tagna a li nara ni. Ba funɛ nu chenani Pɔɔl funɛ ya, wuzu digi ba fun ŋɔ alizin tagin ni, “Ya kpa Yesu naa Pɔɔl sɛm o wɛ chen, sɔnnɛ a ŋɔ hin di i li.”

1 Pita 2:16

Ma ya nibin hiisewa, amaa ma gbanko ya Koosa yosiwa. Ma ta tum tum tagna aa sogli domi ma ya nihiise daha.

2 Pita 2:2

Nidamata zi wa tiŋ bau aa tum chɔkumsi tuma, chen ni nara zi chɔk Koosa wuti nyinbaan ti sɔnu.