Tuma 16:15 - Tampulma

¹⁵ Ya funɛ zim di o nu au, ya fun chaksi o wa o walɛ wa ni ni. Doone o fun ŋɔ ya, “Ma zimu di mu si su ya kunyan ti wuti, adaha wa nyɛn mu wati wuzu bilɛ.” O fun nyɛ ya bambe chɛrgi a la o wati.

Tuma 16:15 Marejeleo ya Msalaba

Mat. 10:41

Nar la Koosa nitumi du domi o chiŋi mu bar chiŋi ni daha, o wa un zi wa bɔni o papaha naa Koosa zi nyɛ unu wuzu digi. Nar la wuti tiina du domi o chiŋi mu bar chiŋi ni daha, o wa o gbanko zi wa bɔni o papaha naa Koosa zi nyɛ unu wuzu digi.

Mat. 3:6

Ba funɛ nu o biksi ti, ba fun la nɔɔni di ba tum tum tagnau ka o fun kpa ni a chaksi ba a li Jɔɔdan mɔɔga ti ni.

Luk 14:23

Adaha kunyan ti fun bukoo ŋɔ o tumtum ti ni, ‘Kila nyinbaanasa naa vɛ dugli tɔhɔn nɔ a la kpaksi nara a wa su mu dam ti.

Luk 24:29

Ba wa funɛ daŋni o waligi ba ni a ŋɔ un, “Dusum daŋni o biriu, adaha nyɛn ya wati.” O fun la nɔɔni ka o wa ba fun la zu tɔ we ti a nyɛn dooni.

Tuma 11:14

Waa la zi ŋɔ ma chenani i wa i walɛ zi ya, chen ni Koosa zi wa yisi mau a li ma tum tagna ni ma bur a tiŋ un.’

Tuma 16:31

Ba fun ŋɔ un, “Nyɛ i si su ya kunyana Yesu ka Koosa zi yisi i wa i walɛ a li ma tum tagna ni.”

Tuma 16:33

Tɔhɛɛsa funɛ wa gali tama, niili ti fun kpa ni a wa chaksi ba bar huusɛ. O funɛ ya chen peti, ba fun kpa Yesu sɔn a chaksi o wa o walɛ ta wa ni ni.

Tuma 16:34

Doone niili ti fun kpa Pɔɔl awa Sailas a kaali o dam ti a la ya diwe ba di. O wa o walɛ ta tusa fun sɔɔni kinkan, domi ba se su Koosa.

Tuma 18:8

Ba bar lagmi dɛ ti nihɛɛta digi sɔn funɛ ya Krispus. O wa o walɛ fun nyɛ ba se su ya kunyan ti. Ba naa funɛ nyɛn Kɔrint ni, nidamata fun nu Koosa laaboor weri ti a nyɛ ba se su un. Doone Yesu nitiŋɛ ta fun chaksi ba wa ni ni.

Tuma 8:12

Filip funɛ wa biksi ba Yesu Kristo wɛ awa chenani Koosa daŋni o dɔ nara wɛ, nibaala awa nihaana kinkan fun nyɛ ba se su Koosa laaboor weri ti. Doone ba fun nyɛ o chaksi ba wa ni ni.

Tuma 8:38

Ba fun la tel dooni, o nyɛ zaaga ti chiŋi. O wa Filip fun li loori munzuha ti ni a la tu ni ti ni. Filip fun chaksi un dooni.

Room 16:23

Gaiyus naa funɛ la min a du o dam ni doonani Yesu nitiŋɛ ta yaa lagmi, o gbanko zaami mau. Ɛrastus naa la nyini tɔha malɛ awa ya niinbe Kɔrtus zaami mau. ((

2 Kɔr. 12:11

Ma muksi minu di mu sɔbi a nyɛ ma a chi mu ya wom. Yɛrɛ ma bɔnɛ vɛ nyɛ min jirima? Mu titi kpok ti ya yɔrirɛ, amaa mu wara tiŋ nusun nibiksɛ ba naa ma lisi di ba wa ya nibirige, gantɛl.

2 Kɔr. 5:14

Yesu Kristo daŋni yau kinkan. Ya zimu di waa chiŋɛ nara maga bar chiŋɛ ni a sou ba daha. O la daŋni ya chen daha, ya se sɛrɛu di ya tum o tuma.

Gal. 6:10

Ma nyɛ ya dɛu nyinbaan aa suŋi nara maga. O lawa ya te a suŋi ya dɔŋtima ba naa se su ya kunyan tiu.

Ɛfɛ. 1:1

Min waa, Pɔɔl, naa Koosa fun lisi di mu ya Yesu Kristo nitumi, mu la sɔbi tɔn nɔ a nyɛ Koosa nara ma naa nyɛn Ɛfɛsus ni. Ma gbanko la tiŋ Yesu Kristo nɛnɛ.

Filip. Tima 1:7

Mu daŋni mau kinkan. Chendaha o weru wa mu lisi ma wɛ nan saha maga. Ba kpak min a tɔ dɛ koo mu chiŋɛ Koosa laaboor weri ti gantɛl ni a sɛm nara ni di o kpak wutiu, Koosa yaa funɛ suŋi minu awa ma maga.

Faili. 1:17

I wa min lagmɛɛ a tum Koosa tuma. Chendaha i la un a du a chi chenani i la min chen.

Ju 13:2

Ma ta suglɛ di ma la hɔɔra aa du ma damsi ni. Bɔnɛ funɛ ya chene saha digi, ba wa fun zim di ba la Koosa malaikasiwa a du.

1 Pita 5:12

Silvenus naa ya mu dɔŋtiin wuti tiina, waa suŋi min mu sɔbi tɔn we nɔ a nyɛ ma. Mu tɔn nɔ ni, mu daŋni mu biksi mau a kpami ma di chenani Koosa suŋi ma, o ya wutirɛ. Ma kpak chenani o suŋi ma chen nɛnɛ.

2 Jɔn 1:10

Nandigi wa ma wati a wa gbaari chenani ya fun biksi ma Kristo wɛ chen, ma ta la un amaa ma ŋɔ un di o la. Ma ta tiŋ un li ta nyinbaan ni.

3 Jɔn 1:5

Mu chɛna, o weru di i yaa kila Yesu nitiŋɛ ta a du aa kisuŋi ba. Ma wa zim ba bɔnɛ, amaa ma yaa la bau a la suŋi ba. Chenani maa tum nan, ma sir tiŋ Koosa nyinbaanu nɛnɛ.

3 Jɔn 1:8

Chendaha o weru wa yaa suŋi nara timau. Yaa suŋi dɔŋa chen ni, ya wa ba la biksi nara Koosa wɛ.