Tuma 16:1 - Tampulma

¹ Pɔɔl awa Sailas fun bur kaali Dɛɛbɛ awa Listira. Yesu nitiŋɛ ta digi funɛ nyɛn doon ba yir un Timoti. O niina gbanko funɛ ya Yesu nitiŋirɛ. O niin ti funɛ ya Ju timwa ka o nyana ka ya Girik tima.

Tuma 16:1 Marejeleo ya Msalaba

Tuma 14:1

Pɔɔl awa Barnabas fun la tel Ikonium a la zu Ju tim ta bar lagmi dɛ a sɛm ba a chi chenani ba fun sɛm a li Antiɔk ni. Ju tim ta awa ba naa vɛ ya Ju tima nidamata fun nyɛ ba se su Koosa laaboor weri ti ba sɛm ta daha.

Tuma 14:21

Ba fun la biksi Koosa laaboor weri ti a nyɛ nara ni dooni ka nidamata fun nyɛ ba se su un. Doone ba fun vɛɛn bur a chi chenani ba wa chen a la gali Listira awa Ikonium a la tel Antiɔk a li Paisidia pulum.

Tuma 14:6

Pɔɔl awa Barnabas funɛ na ba ka ba wa, ba fun si lalaga a li dooni a kaali tɔsa a naa ba yir Listira awa Dɛɛbɛ awa tɔsa naa go a a li Laikonia pulum ni.

Tuma 17:14

Ya niinbisi ta fun vaan lisi ba bɔnɛ a li ba ni di ba wa Pɔɔl kila ni nɔ. Sailas awa Timoti fun kpalimi Bɛrɛa ni.

Tuma 18:5

Sailas awa Timoti funɛ la tel Kɔrint a la Masɛdonia pulum ni, Pɔɔl fun gil o sela tɔn ta kɔɔri a kpa o saha maga a biksi nara Koosa laaboor weri ti wɛ. O fun kpak o titi a biksi Ju tim ta a li gbampulim ni di Yesu ya Kristo naa Koosa fun vɔu di o zi wa tumu wuzu digi chen.

Tuma 19:22

O fun tum o nisuŋi nara balɛ, Timoti awa naa ba yir Ɛrastus chen, ba te o suwachak a kaali Masɛdonia pulum. O fun kpalimi Ɛfɛsus naa nyɛn Azia pulum ni.

Room 16:21

Timoti naa wa min la tum tuma zaami mau. Lusius, Jesɔn awa Sosipata ba naa ya Ju tim ta, gbanko zaami mau.

1 Kɔr. 16:10

Timoti wa wa ma wati, ma la un a du nɛnɛ, chen ni o wa zi ɔm, domi o gbanko tum Koosa tumwa a chi min.

1 Kɔr. 4:17

Mu zi kpa Timotiu a tum ma wati di o wa biksi ma nyinbaan naa ma zi tiŋ wɛ. Waa ya mu bi daŋni a li Kristo ni a ya wuti tiina. Waa la zi wa lisi ma chenani muu tiŋ aa tum tuma Yesu Kristo wati. Chen nyinbaannɛ mu fun kpa biksi Yesu nitiŋɛ ba naa nyɛn bawu maga ni.

1 Kɔr. 7:14

Nibaal naa vɛ ya Yesu nitiŋi a kpak haan naa la tiŋ Yesu, Koosa zi suŋi unu, domi o wa o haan ti ya nibɛgimnɛ. Nihaan naa gbanko vɛ tiŋ Yesu ka o baal ya Yesu nitiŋi, Koosa zi suŋi o haan tiu domi o wa o baal ti ya nibɛgimnɛ. O fu vɛ ya chen, Koosa fu wa zi suŋi ba bisa. Amaa ba nibɛgim ya Yesu nitiŋi daha, Koosa zi suŋi ba bisau.

2 Kɔr. 1:1

Min waa, Pɔɔl, naa Koosa fun a lisi di mu ya Yesu Kristo nitumi, awa ya niinbe, Timoti, zaami mau. Min, Pɔɔl, la sɔbi tɔn nɔ a nyɛ ma naa Koosa fun lisi di ma tiŋ un a li Kɔrint ni awa ba naa maga ya o nara a nyɛn Girik pulum ni.

2 Kɔr. 1:19

Min, Sailas awa Timoti funɛ nyɛn ma wati chen, ya fun a biksi ma Yesu Kristo naa ya Koosa be, wɛ. Yesu wara vɔu a nyɛ ma wa o nyina ni. O ka tum o tum magawa wa tu bɛgim ni.

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

Filip. Tima 2:19

Ya kunyana Yesu Kristo nyɛ min bambi bɛgim mu tum Timoti ma wati lalaga, chen ni o wa bur wa, o zi kpami minu wa ma laaboora ni.

Kɔl. 1:1

Min, Pɔɔl, naa Koosa fun lisi di mu burgi Yesu Kristo nitumi, la sɔbi tɔn nɔ a nyɛ ma.

1 Tɛs. 1:1

Min, Pɔɔl, awa Silvenus wa Timoti zaami ma naa tiŋ ya kunyan Yesu chenu a li Tɛsalɔnika ni. Mu waa, Pɔɔl, la sɔbi tɔn nɔ a nyɛ ma. Ya kunyan Yesu Kristo ti awa ya kunyan Koosa dɔ ma. Waa la zi suŋi ma a nyɛ ma bara sɔɔna.

1 Tɛs. 3:2

a fun a tum mu niinbe Timoti ma wati. Mu wa un lagmi aa tum Koosa tuma a la ŋɔ nara ni Koosa laaboor weri ti Kristo wɛ. Mu funɛ tum Timoti di o wa kpami ma a suŋi ma di ma se su Yesu nɛmɛ.

1 Tɛs. 3:6

Timoti funɛ wa ma watiu a bur wa ya wati. Laaboor naa o fun wa a wa ŋɔ ya chen funɛ ya ya lɛmlɛmu kinkan. O funɛ ŋɔ yau chenani ma se su Yesu ka ma daŋni nara. O funɛ ŋɔ ya di ma ha vɛɛn a lisi ya wɛu nɛnɛ, a la daŋni ma na ya a chi chenani yaa daŋni ya na ma nan.

2 Tɛs. 1:1

Mu waa, Pɔɔl, awa Sailas wa Timoti zaami mau. Min, Pɔɔl, la sɔbi tɔn nɔ a nyɛ ma naa tiŋ Yesu a li Tɛsalɔnika ni. Ya kunyan Koosa awa ya kunyan Yesu Kristo dɔ ma.

1 Tim. 1:18

Mu be, Timoti, mu kpa sɛm nama a du i nin nee. Saha digi nara bɔnɛ funɛ sɛm i wɛ a li Koosa kpok ni. Nyɛ ba sɛm ta kpami hin i tum i tuma nɛnɛ a nyɛ Koosa ni,

1 Tim. 1:2

Mu la sɔbi tɔn nɔ a nyɛ Timoti naa si funɛ su Yesu wuti ni a li mu biksi ni. Ya kunyana Koosa awa ya kunyan Yesu Kristo kpak hin siki a kisuŋi hin a nyɛ hin bara sɔɔna.

2 Tim. 1:2

Mu la sɔbi tɔn nɔ a nyɛ mu be daŋni Timoti naa si funɛ su Yesu a li mu biksi ni. Ya kunyana Koosa awa ya kunyan Yesu Kristo suŋi hin a kpak hin siki aa nyɛ hin bara sɔɔna.

2 Tim. 1:5

Mu lisu di i niina, Yunis, awa i naha, Lois se su Yesu wuti ni. Mu zimu di i gbanko si su unu a chi ba.

2 Tim. 3:11

I gban zimu chenani mu dɔma muksi minu kinkan a li tɔsi a naa ba yir Antiɔk, Ikonium awa Listira ni, ka mu di namsi dooni. Amaa Koosa funɛ bu wa lisi minu a li mu namsi maga ni.

Faili. 1:1

Mu waa, Pɔɔl, naa ba fun tɔ dɛ domi mu ya Yesu Kristo sɛhɛra tiinnɛ, awa ya dɔŋtiin, Timoti, zaami hinu. Min, Pɔɔl, la sɔbi tɔn nɔ a nyɛ i waa hin Failimɔn ni. I wa ya tum Yesu Kristo tumwa.

Ju 13:23

Ma zimu di ba funɛ kpa Timotiu a tɔ dɛ. Ma nu laaboor weriu di ba lisi unu a li dooni. O wa mu wati lalaga, o wa min zi wa lagmi a wa ma watiu.