Tuma 15:9 - Tampulma

⁹ Koosa funɛ gil ba tum tagna a nyɛ ba domi ba se su o laaboor weri ti daha. Nan biksi ya di ya naa ya Ju tima awa ba naa vɛ ya Ju tima ya nibɛgimnɛ.

Tuma 15:9 Marejeleo ya Msalaba

Tuma 10:15

Ta ti fun bukoo ŋɔ un, “Ta chi diwe naa Koosa ŋɔ di o wa ya kichiili.”

Tuma 10:28

Pita fun ŋɔ ba, “Ma zimu nɛnɛ di Ju tim ta chiksɛ biksɛɛ di ya wa ba naa vɛ ya Ju tima ta lagmi dɔŋ ni. Koosa ka funɛ biksi minu di mu zi kotiu a lagmi nara maga ni.

Tuma 10:34

Doone Pita fun ŋɔ ba, “Lalaknɔwa mu zim di o ya wutirɛ di Koosa wara daŋni digi a ka digi.

Tuma 11:12

Koosa siim weri ti fun ŋɔ min di mu si tu la ba wati a ta ɔmi di mu tiŋ ba. Yesu nitiŋɛ nara banɔra ba naa nyɛn Jɔpa ni, fun wa gbaari ya ni. Ya maga fun kaali Siizaria a la zu Kɔnilius dama.

Tuma 14:1

Pɔɔl awa Barnabas fun la tel Ikonium a la zu Ju tim ta bar lagmi dɛ a sɛm ba a chi chenani ba fun sɛm a li Antiɔk ni. Ju tim ta awa ba naa vɛ ya Ju tima nidamata fun nyɛ ba se su Koosa laaboor weri ti ba sɛm ta daha.

Tuma 14:27

Ba fun la tel Antiɔk a yir Yesu nitiŋɛ ta maga a lagmi dɔŋ ni a ŋɔ ba chenani maga Koosa suŋi ba ba tum awa chenani Koosa nyɛ ba naa vɛ ya Ju tima nyinbaan di ba se su Koosa laaboor weri ti.

Room 3:22

Koosa wa bu a na ba naa maga se su Yesu Kristo galimsa.

Room 3:9

Adaha ya naa ya Ju tima ya ya nibin werewa a kaali ba naa vɛ ya Ju timaa? Aai. N piin biksi mau di ba naa ya Ju tim ta awa ba naa vɛ ya Ju tima, ba maga ya tum tagna timwa.

Room 9:24

Ya waa ya ba naa o fun tum chen nyɛ. Ya naa ya Ju tim ta awa ma naa vɛ ya Ju tima, waa funɛ yir ya di ya wa o wati.

1 Kɔr. 1:2

Min la sɔbi tɔn nɔ, a nyɛ Koosa nitiŋɛ ba naa nyɛn Kɔrint ni. Domi ma wa Yesu Kristo ya nibɛgimnɛ, lalaknɔ Koosa dɔ ma. Koosa titi funɛ yir ma di ma wa o wati a wa burgi o bisa. O gbanko funɛ yir ba naa nyɛn bawu maga ni a sumi un di o yisi ba a li ba tum tagna ni. Yesu ya ya kunyana awa ba kunyana.

1 Kɔr. 7:18

Ba te teŋ nar ka Koosa zi yir un, o ta kpak o bara kiyaali a duuti ba wa teŋ un. Ba vɛ te teŋ nar ka Koosa zi yir un, o ta bu nyɛ ba teŋ un.

Gal. 3:28

Ma naa ya Ju tima awa ma naa vɛ ya Ju tima, ma naa ya yosa awa ma naa vɛ ya yosa, ma nibaala awa ma nihaana, ma maga ya nibɛgimnɛ, domi ma wa Yesu Kristo ya nibɛgimnɛ.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Ɛfɛ. 3:6

Ma nyɛ mu biksi ma a muna. Ba naa vɛ ya Ju tima nyɛ ba se su Koosa laaboor weri ti, ba wa Ju tim ta ya nɔ bɛgim a bɔni Koosa papaha naa o fun vɔu di o nyɛ Ju tim ta ni chen. Ba wa Yesu Kristo ya nibɛgimnɛ a zi la kin naa maga Koosa fun vɔu di o nyɛ ba naa se su Yesu Kristo ni.

Kɔl. 3:11

Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.