Tuma 15:7 - Tampulma

⁷ Ba funɛ sɛm chene a vusi, Pita fun si chiŋi ba bambaan ni a ŋɔ ba, “Mu niinbisa, ma zimu di Koosa funɛ lisi min a li ma ni saha digi di mu la biksi o laaboor weri ti a nyɛ ba naa vɛ ya Ju tim ni, chen ni ba zi nu unu a nyɛ ba se su un.

Tuma 15:7 Marejeleo ya Msalaba

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

Jɔn 3:27

Jɔn fun ŋɔ ba, “Koosa funɛ yisi o tuma a nyɛ nara maga ni di baa tum.

Tuma 1:16

“Mu dɔŋtima, ba funɛ sɔbiu a li Koosa sɛm tɔn ti ni chenani Koosa siim weri ti fun nyɛ koor Devid te sɛm di Judas zi nyini ba naa funɛ kpak Yesuu. O sɛm ta fun ya wuti.

Tuma 1:24

Ba naa maga funɛ lagmi dooni fun sumi Koosa a ŋɔ, “Ya kunyana, hin zim chenani nibinsa maga bambe du. Biksi ya naa ya kaa ya lisi a li nara balɛ na tuhu ni,

Tuma 10:19

Pita ha funɛ vɛɛna lisi chenani o fun na chen mun ka Koosa siim weri ti fun ŋɔ un, “Kinu mu wati. Nara batora chiŋɛ bulzɔɔnɔ ti ni a daŋni ba na hin.

Tuma 10:20

Si tu la ba wati a ta ɔmi di i tiŋ ba, domi min tum ba i wati.”

Tuma 13:2

Wuzu digi Yesu nitiŋɛ ta funɛ jɛɛmi ya kunyan ti a la vɔu nɔ, Koosa siim weri ti fun ŋɔ ba, “Min funɛ lisi Barnabas awa Sɔɔl di ba tum tum digi a nyɛ min. Ma waligi ba a nyɛ min.”

Tuma 15:14

Simɔn Pita fa ŋɔ ya di Koosa funɛ lisi ba naa vɛ ya Ju tim chen nidamata a nyɛ o titi ni. Nan biksɛɛ di Koosa daŋni bau.

Tuma 15:2

Pɔɔl awa Barnabas wa ba fun di amɔrɛ kpok a li ba biksi nɔ ni. Yesu nitiŋɛ ta fun lisi Pɔɔl, Barnabas awa ba bɔnɛ a li ba tuhu ni ba la Jɛrusalɛm ba wa nitumɛ ta awa nihɛɛti ta na dɔŋa chenani ba zi ya.

Tuma 15:39

Pɔɔl awa Barnabas funɛ di amɔrɛ kpok o daha a waligi dɔŋ ni. Barnabas fun kpa Maak a la zu arŋa ba kaali Saiprus pulum.

Tuma 20:24

Mu baga wa to kin naa ya min ni. Ya kunyana Yesu fun lisi min di mu biksi nara Koosa laaboor weri ti wɛ awa chenani Koosa daŋni o suŋi ba. Mu bambi maga nyɛn tum nɔ o kpa nyɛ min di mu tum a peti nannɛ.

Tuma 21:16

Yesu nitiŋɛ ba naa funɛ nyɛn Siizaria ni, bɔnɛ fun gbaari ya ni a kaali. Ya funɛ la tel Jɛrusalɛm, ba fun te ya suwachak a kpa ya a la baal naa ba yir Manasɔn, dama di ya nyɛn dooni. O funɛ li Saiprus pulum nɛ ka o se su ya kunyan ti a vusi.

Tuma 3:18

Koosa funɛ nyɛ o witinsi ta mɔɔli saha digi di naa o vɔu di o zi wa tumu chen, zi wa namsiu. Koosa fun nyɛ ba sɛm ta ya wuti.

Tuma 4:25

I funɛ nyɛ i siim weri ti ŋɔ ya nawaal Devid naa ya i tumtumna, chenani o zi sɔbi a li i sɛm tɔn ti ni a ŋɔ, ‘Baŋnɛ ba naa vɛ ya Ju tima fun na paan kinkan a tum tum yɔrisa a du hin ni?

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Filip. Tima 2:14

Ma tum o tuma a ta zulimi ma dɔŋtima a kidi dɔŋwa amɔrɛ.