Tuma 14:21 - Tampulma

²¹ Ba fun la biksi Koosa laaboor weri ti a nyɛ nara ni dooni ka nidamata fun nyɛ ba se su un. Doone ba fun vɛɛn bur a chi chenani ba wa chen a la gali Listira awa Ikonium a la tel Antiɔk a li Paisidia pulum.

Tuma 14:21 Marejeleo ya Msalaba

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Tuma 13:14

Pɔɔl awa Barnabas fun la gali Pɛɛga ni a kaali Antiɔk a li Paisidia pulum ni. Ju tim ta hiisi wuzu funɛ wa tel, ba fun la zu ba bar lagmi dɛ a kani.

Tuma 13:51

Pɔɔl awa Barnabas funɛ nyɛn nyinbaan ni a la chene, ba fun pisi ba naŋgere hɛɛra a ta di Ju tim ta zim di o wa li ba ni, a kaali tɔhɔn naa ba yir Ikonium.

Tuma 14:1

Pɔɔl awa Barnabas fun la tel Ikonium a la zu Ju tim ta bar lagmi dɛ a sɛm ba a chi chenani ba fun sɛm a li Antiɔk ni. Ju tim ta awa ba naa vɛ ya Ju tima nidamata fun nyɛ ba se su Koosa laaboor weri ti ba sɛm ta daha.

Tuma 14:15

“Ma ta kɔɔri kɔɔra a nyɛ ya a kijɛɛmi ya. Ya ya nibinsiwa a chi ma. Ya wa bar nɔu di ya wa biksi ma Koosa laaboor weri ti wɛ. Koosa naa nyɛnɛɛ funɛ naami buudaha awa tɛɛnɛ wa teku wa kin naa maga nyɛn a ni. Waa la daŋni ma gil kin nawara ma jɛɛmi a ya yɔri a bur tiŋ un.

Tuma 14:19

O wa fun vusi ka Ju tim ta bɔnɛ li Antiɔk a li Paisidia pulum awa Ikonium a la tel Listira. Ba fun nyaŋi zɛmɛ ta awa ba sɛm ni ka ba wa ba fun kpak Pɔɔl a yaksi un wa buŋkula ni. Ba fun baa di o sowu a lɛrgi un a li tɔhɔn ti ni a ta.

Tuma 14:26

a la zu arŋa dooni a bur kaali Antiɔk naa nyɛn Siiriya pulum ni chen. Antiɔk ti nɛɛ Yesu nitiŋɛ ta fun te kpa Pɔɔl awa Barnabas a du Koosa nin ni di o suŋi ba ba la tum o tuma a li tɔsi naa bole ni a peti.

Tuma 14:6

Pɔɔl awa Barnabas funɛ na ba ka ba wa, ba fun si lalaga a li dooni a kaali tɔsa a naa ba yir Listira awa Dɛɛbɛ awa tɔsa naa go a a li Laikonia pulum ni.

Tuma 14:7

Doonee ba fun biksi Koosa laaboor weri ti a nyɛ ba nara ni.

Tuma 14:8

Pɔɔl awa Barnabas funɛ la tel Listira, ba fun la pu baal naa ba lul wa gbarigisa ka o kani dooni. O ha wa piin maksi vali.

Tuma 15:36

Wuzu digi Pɔɔl fun ŋɔ Barnabas ni, “Ya funɛ biksi narau a li tɔ damati ni. Ma nyɛ ya bur kila a la na chenani Yesu nitiŋɛ ba naa nyɛn dooni, se su.”

Tuma 16:2

Ya niinbisa ba naa maga nyɛn Listira awa Ikonium ni, funɛ sɛm di Timoti ya narrɛ.

Tuma 2:47

Ba yaa funɛ pɛgi Koosau ka Jɛrusalɛm tima lisi di ba ya nibin werewa. Wuzu kam Koosa fun kpa ba naa o yisi a li ba tum tagna ni, a gbaari ba ni.

2 Tim. 3:11

I gban zimu chenani mu dɔma muksi minu kinkan a li tɔsi a naa ba yir Antiɔk, Ikonium awa Listira ni, ka mu di namsi dooni. Amaa Koosa funɛ bu wa lisi minu a li mu namsi maga ni.