Tuma 14:19 - Tampulma

¹⁹ O wa fun vusi ka Ju tim ta bɔnɛ li Antiɔk a li Paisidia pulum awa Ikonium a la tel Listira. Ba fun nyaŋi zɛmɛ ta awa ba sɛm ni ka ba wa ba fun kpak Pɔɔl a yaksi un wa buŋkula ni. Ba fun baa di o sowu a lɛrgi un a li tɔhɔn ti ni a ta.

Tuma 14:19 Marejeleo ya Msalaba

Tuma 13:14

Pɔɔl awa Barnabas fun la gali Pɛɛga ni a kaali Antiɔk a li Paisidia pulum ni. Ju tim ta hiisi wuzu funɛ wa tel, ba fun la zu ba bar lagmi dɛ a kani.

Tuma 13:45

Ju tim ta bɔnɛ funɛ na zɛmɛ ta, ba funɛ di handɔta kinkan. Ba funɛ pini Pɔɔl zoma a ŋɔ o sɛm ta wa ya wuti.

Tuma 14:1

Pɔɔl awa Barnabas fun la tel Ikonium a la zu Ju tim ta bar lagmi dɛ a sɛm ba a chi chenani ba fun sɛm a li Antiɔk ni. Ju tim ta awa ba naa vɛ ya Ju tima nidamata fun nyɛ ba se su Koosa laaboor weri ti ba sɛm ta daha.

Tuma 14:18

Hali ba funɛ sɛm ba chen maga, o funɛ bɔmu a li Pɔɔl awa Barnabas wati di ba nyɛ zɛmɛ ta gil chenani ba daŋni ba tum amaa ba funɛ koti a gil.

Tuma 14:2

Ju tima ba naa se funɛ vɛ suuli funɛ nyɛ ba naa vɛ ya Ju tim ta, bɔnɛ paan fun si a du nara balɛ ta ni.

Tuma 14:21

Ba fun la biksi Koosa laaboor weri ti a nyɛ nara ni dooni ka nidamata fun nyɛ ba se su un. Doone ba fun vɛɛn bur a chi chenani ba wa chen a la gali Listira awa Ikonium a la tel Antiɔk a li Paisidia pulum.

Tuma 14:26

a la zu arŋa dooni a bur kaali Antiɔk naa nyɛn Siiriya pulum ni chen. Antiɔk ti nɛɛ Yesu nitiŋɛ ta fun te kpa Pɔɔl awa Barnabas a du Koosa nin ni di o suŋi ba ba la tum o tuma a li tɔsi naa bole ni a peti.

Tuma 14:4

Tɔhɔn ti tima ba naa funɛ lagmi dooni, a purigi a li chenani ba lisi ni. Bɔnɛ fun nyɛn Ju tim ta wati. Bɔnɛ ka fun nyɛn Pɔɔl awa Barnabas wati.

Tuma 14:5

Doone Ju tim ta, ba nihɛɛta awa ba naa vɛ ya Ju tima ka ba se vɛ suuli, fun si a la chem ba wa yo ni a pini buŋkula a yaksi ba.

Tuma 15:26

domi baa tum ya kunyan Yesu Kristo tumau a li bar tagni ni.

Tuma 17:13

Ju tima ba naa funɛ nyɛn Tɛsalonika ni, funɛ nu di Pɔɔl biksi Koosa laaboor weri ti a nyɛ Bɛrɛa tim ta ni, ba bɔnɛ fun wa gbaari Bɛrɛa tim ta ni a lagmi zɛmɛ di ba dam tɔhɔn ti.

Tuma 22:20

Saha naa ba fun kpak Stivin anti funɛ biksi ba i wɛ, a kpu un, mu titi funɛ nyɛn dooniu a na. Mu funɛ nyini ba naa la yaksi un chen taktasa a la nɔɔni chenani ba funɛ ya chen ni.’

Tuma 7:58

Ba fun lɛrgi un li tɔhɔn ti ni a ur ba takta zene a nyɛ bunɔɔn naa ba yir Sɔɔl nyini a. Doone ba fun pini buŋkula a yaksi Stivin.

Tuma 9:16

Mu zi biksi un chenani o zi biksi ba a na namsi kinkanu.”

1 Kɔr. 15:31

Mu niinbisa, mu hɛɛsɛ ma naa la tiŋ ya kunyan Yesu Kristo a ya mu jirima nara, muu zu sou bar nyɛni nɛɛ wuzu kam.

2 Kɔr. 11:23

Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.

2 Kɔr. 11:25

Nara fun kpa daasa a tuk min naval butora. Nara fun kpa buŋkula a yaksi min bu bɛgim. Mu funɛ nyɛn arŋ zen nee, peha fun wa mo un a la zini gbɛntɛla o pɛksi. O funɛ ya chene naval butora. Mu funɛ nyɛn teku ni ti nee aa di nha wa dusum maga bu bɛgim.

2 Kɔr. 11:26

Mu yaa si bar digi niu a gba hali a la li bar tagna ni kinkan. Mu funɛ ji mɔɔga jibaŋ naa ni fun su a pisi chen. Nara funɛ muksi min kinkan a daŋni ba fuksi mu kina. Ju tim ta awa ba naa vɛ ya Ju tima fun nyɛ min na namsi kinkan. Hali ba naa mu fun lisi di ba ya mu chɛnsiwa, ba fun bur a ka min. Mu funɛ gbau a la li tɔsa awa nyabaan wa teku, a maga funɛ ya bar tagniwa.

1 Tɛs. 2:14

Mu niinbisa, kin nawara funɛ ya Koosa nitiŋɛ ba naa funɛ nyɛn Judia pulum ni a tiŋ Yesu Kristo chen, chen vɛɛna ya ma doon gbanko chen ni. Ma titi nara funɛ muksi ma kinkan a chi Ju tima funɛ muksi Yesu nitiŋɛ ta a li Judia pulum ni.

2 Tim. 3:11

I gban zimu chenani mu dɔma muksi minu kinkan a li tɔsi a naa ba yir Antiɔk, Ikonium awa Listira ni, ka mu di namsi dooni. Amaa Koosa funɛ bu wa lisi minu a li mu namsi maga ni.