Tuma 14:15 - Tampulma

¹⁵ “Ma ta kɔɔri kɔɔra a nyɛ ya a kijɛɛmi ya. Ya ya nibinsiwa a chi ma. Ya wa bar nɔu di ya wa biksi ma Koosa laaboor weri ti wɛ. Koosa naa nyɛnɛɛ funɛ naami buudaha awa tɛɛnɛ wa teku wa kin naa maga nyɛn a ni. Waa la daŋni ma gil kin nawara ma jɛɛmi a ya yɔri a bur tiŋ un.

Tuma 14:15 Marejeleo ya Msalaba

Mat. 16:16

Simɔn Pita fun ŋɔ un, “Hin ya Koosa naa nyɛn chen be. I gbanko ya Kristo naa Koosa fun ŋɔ di o zi wa tumu wuzu digi chene.”

Jɔn 5:26

Mu nyan ti kpak o mi fali naa vɛ kpak bɔ kpok. O funɛ kpa o mi fali kpok tiu a nyɛ mu gbanko ni.

Jɔn 7:18

Naa sɛm o titi sɛma daŋni narawa kinyɛ un jirima. Nar ka daŋni o nyɛ naa tum un chen, jirima ya wuti tiinnɛ. Nusuna wa to un ni.

Tuma 10:26

Pita fun ŋɔ un, “Si chiŋi. Mu ya nibine a chi hin.”

Tuma 13:32

Chendaha ya wa bar nɔ zinan. Chenani Koosa fun vɔu a nyɛ ya nawaalsi ta ni chen,

Tuma 14:21

Ba fun la biksi Koosa laaboor weri ti a nyɛ nara ni dooni ka nidamata fun nyɛ ba se su un. Doone ba fun vɛɛn bur a chi chenani ba wa chen a la gali Listira awa Ikonium a la tel Antiɔk a li Paisidia pulum.

Tuma 14:7

Doonee ba fun biksi Koosa laaboor weri ti a nyɛ ba nara ni.

Tuma 16:30

O bara ta funɛ gil jigiri, o fun te ba suwachak a li a pɛɛsi ba, “Mu kunyana, yɛrɛ mu kaa ya ka Koosa yisi min a li mu tum tagna ni?”

Tuma 27:10

“Mu nivalɛ dɔŋtima, mu zimu di ya chiŋɛ bar nɔ aa la, o zi tagini ya niu. Bun nawara arŋ ti chuŋi chen zi wa chɔku ka ya bɔnɛ siti.”

Tuma 27:21

Nandigi wa fun koti a ya diwe a di a vusi. Chen saha ti Pɔɔl fun si chiŋi ya maga suwachak ni a ŋɔ, “Mu dɔŋtima, ma fu nu mu wati a nyɛn Krit pulum ni, ma fu wa zi namsi nan a nyuksi ma kin ta maga.

Tuma 27:25

Mu dɔŋtima, chendaha mu ŋɔ ma di ma kpak ma bambe. Mu si su di Koosa zi tum chenani o ŋɔ minu.

Tuma 4:24

Ba funɛ nu chen, ba maga funɛ sumi Koosa a ŋɔ, “Ya kunyana, i funɛ naami buudaha awa tɛɛnɛ nɔ maga wa teku awa kin naa maga kpak miisa a nyɛn.

Tuma 7:26

Chɔɔsa funɛ wa pisi Mosis fun na ka Ju tim nara balɛ yo dɔŋa. O fun la gɔɔgi ba dɔŋ ni a ŋɔ ba di ba ya nɔ bɛgim. O fun ŋɔ ba, ‘Ma nu mu wati. Yɛrɛ ma ya niinbisa a la yo dɔŋa?’

1 Kɔr. 8:4

Ma nyɛ ya bur gantɛl a la sela a naa ba yaa kɔrigi a nyɛ vursi ni. Ya zimu di vursa wa to tɛɛnɛ nɔ maga ni a kpak miisa. Ya zimu di Koosa bɛgim duŋduŋ nyɛnɛɛ.

Ɛfɛ. 4:17

Domi ma wa ma kunyan ti ya nibɛgim daha, mu daŋni mu ŋɔ ma di ma ta nyɛni a chi ba naa vɛ zim Koosa nyɛni. Chenani ba lisi ya yɔrirɛ,

1 Tɛs. 1:9

Saha naa ya fun wa ma wati chen, ma funɛ la ya a duu a nu ya sɛma. Nara maga ŋɔ yau chenani ma gil vuga jirima nyɛɛli a burgi a tiŋ Koosa naa ya wuti tiina awa miisa tiina.

1 Tim. 3:15

Mu vusɛɛ, tɔn nɔ zi biksi hinu chenani ya zi nyɛn wa dɔŋ niu. Ya naa la tiŋ Koosa naa nyɛnɛɛ, ya waa ya o wuti niilɛ.

Ju 3:12

Mu niinbisa, ma doso. Ma ta nyɛ ma se suuli bur gantɛl ka ma tum tum tagna, a bur tiŋ Koosa naa nyɛnɛɛ, nyinbaan.

Jems 5:17

Saha digi Koosa witiina Ɛlaija funɛ ya nibinere a chi ya. O si fun sɛri o sumi Koosa di doon ta miili. Bunsa tora awa pɛnsa nɔra doon wa fun mi.

JɔnN Deesi 14:7

O fun ŋɔ ba ta zaŋa ni, “Ma nyɛ Koosa wa jirima a kipɛgi un o zenzen daha. Waa funɛ naami buudaha awa tɛɛnɛ wa teku ni wa nise. Saha telu di o di nara maga sɛria. Chendaha o lawa ma jɛɛmi un chenu.”

JɔnN Deesi 19:10

Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.

JɔnN Deesi 19:19

Doone mu fun na sel zen naa funɛ li ni ni awa tɛɛnɛ nɔ tim maga koorsa wa ba lanjimasa ka ba la di ba la chem naa la zini zaag pilim ti awa o lanjimasa wa laa ni.

JɔnN Deesi 22:9

Amaa o funɛ ŋɔ minu, “Ta ya chen, domi mu wa hin awa i niinbisa ba naa ya Koosa witinsa ka ba tiŋ tɔn nɔ sɛma nɔ, ya Koosa tumtumsiwa. Kijɛɛmi o duŋduŋ.”

JɔnN Deesi 4:11

“Ya kunyana awa ya Koosa, hin naami kina maga. O ya i tutɔrɛ a nyɛn. Chendaha o deŋli wa ya jɛɛmi hin, domi i kpak jirima awa chaani wa kpok kinkan a kaali a maga.”