Tuma 14:1 - Tampulma

¹ Pɔɔl awa Barnabas fun la tel Ikonium a la zu Ju tim ta bar lagmi dɛ a sɛm ba a chi chenani ba fun sɛm a li Antiɔk ni. Ju tim ta awa ba naa vɛ ya Ju tima nidamata fun nyɛ ba se su Koosa laaboor weri ti ba sɛm ta daha.

Tuma 14:1 Marejeleo ya Msalaba

Jɔn 12:20

Girik tim bɔnɛ gbanko funɛ nyɛn Jɛrusalɛm ni di ba di wuzu zen ti.

Jɔn 7:35

Ju tim ta wa fun zim o sɛm ta mun a la pɛɛsi dɔŋa, “Leene o kaa gba la ka ya vɛ na un? O zi la Ju tim ba naa wa hɔɔra nyɛnɛɛ a la biksi ba chenuu?

Tuma 11:21

Nidamata kinkan funɛ nyɛ ba se su ya kunyan ti ka ba bur a tiŋ un, domi Koosa kpok ti funɛ nyɛn ba biksi ti ni.

Tuma 13:43

Ba fun si a la damsa, ba naa ya Ju tim ta awa ba naa vɛ ya Ju tima a la jɛɛmi Koosa, ba nidamata fun tiŋ nara balɛ ta. Ba funɛ la chene, Pɔɔl awa Barnabas fun sɛm ba a kpami ba di ba kpak chenani Koosa suŋi ba chen nɛnɛ.

Tuma 13:46

Chenani ba funɛ sɛm nyɛ Pɔɔl awa Barnabas bambe kpok ka Pɔɔl ŋɔ ba, “O deŋlu wa ya te kpa Koosa laaboor weri ti a biksi ma Ju tima. Ya waa funɛ nyɛ ma nyinbaan di ma nu un a la Koosa mi fali naa vɛ kpak bɔ ka ma vɛ a. Chenani ma vɛ chen, ya wa zi bu biksi Koosa laaboor weri ti a nyɛ Ju tim ta ni. Ya ka zi biksi unu a nyɛ ba naa vɛ ya Ju tim ta duŋduŋ nɛɛ.

Tuma 13:5

Ba fun tum chenani o sɛm ba a kpa Jɔn Maak a gbaari ba titi ni. Ba funɛ la tel tɔhɔn naa ba yir Salamis a li Saiprus pulum ni, ba fun gba a zu Ju tim ta bar lagmi dɛɛna aa biksi ba Koosa laaboor weri ti.

Tuma 13:51

Pɔɔl awa Barnabas funɛ nyɛn nyinbaan ni a la chene, ba fun pisi ba naŋgere hɛɛra a ta di Ju tim ta zim di o wa li ba ni, a kaali tɔhɔn naa ba yir Ikonium.

Tuma 14:19

O wa fun vusi ka Ju tim ta bɔnɛ li Antiɔk a li Paisidia pulum awa Ikonium a la tel Listira. Ba fun nyaŋi zɛmɛ ta awa ba sɛm ni ka ba wa ba fun kpak Pɔɔl a yaksi un wa buŋkula ni. Ba fun baa di o sowu a lɛrgi un a li tɔhɔn ti ni a ta.

Tuma 14:2

Ju tima ba naa se funɛ vɛ suuli funɛ nyɛ ba naa vɛ ya Ju tim ta, bɔnɛ paan fun si a du nara balɛ ta ni.

Tuma 14:21

Ba fun la biksi Koosa laaboor weri ti a nyɛ nara ni dooni ka nidamata fun nyɛ ba se su un. Doone ba fun vɛɛn bur a chi chenani ba wa chen a la gali Listira awa Ikonium a la tel Antiɔk a li Paisidia pulum.

Tuma 16:1

Pɔɔl awa Sailas fun bur kaali Dɛɛbɛ awa Listira. Yesu nitiŋɛ ta digi funɛ nyɛn doon ba yir un Timoti. O niina gbanko funɛ ya Yesu nitiŋirɛ. O niin ti funɛ ya Ju timwa ka o nyana ka ya Girik tima.

Tuma 16:2

Ya niinbisa ba naa maga nyɛn Listira awa Ikonium ni, funɛ sɛm di Timoti ya narrɛ.

Tuma 17:12

Ju tim ta awa nibaala wa nihaan birige, ba naa maga ya Girik tima nidamata, fun nyɛ ba se su Koosa laaboor weri ti.

Tuma 17:17

O yaa fun la zu Ju tim ta bar lagmi dɛ a biksi ba awa ba naa vɛ ya Ju tima a la jɛɛmi Koosa, Yesu wɛ. O biksi ti fun nyɛ ba wa un di amɔrɛ. O gbanko yaa fun la yawa a ŋɔ ba naa chiŋɛɛ di ba nu o sɛm ta.

Tuma 17:4

Ju tim ta bɔnɛ se funɛ suu di chenani Pɔɔl sɛm chen ya wutirɛ a chiŋi o wa Sailas gantɛl ni. Girik tima ba naa funɛ jɛɛmi Koosa awa nihaana ba naa ya nibirige nidamata gbanko funɛ ya chene.

Tuma 18:4

Pɔɔl yaa funɛ zu Ju tim ta bar lagmi dɛu ba wuzu hiise wuzu o wa ba awa ba naa vɛ ya Ju tima di amɔrɛ di o nyɛ ba se su o sɛma.

Tuma 18:8

Ba bar lagmi dɛ ti nihɛɛta digi sɔn funɛ ya Krispus. O wa o walɛ fun nyɛ ba se su ya kunyan ti. Ba naa funɛ nyɛn Kɔrint ni, nidamata fun nu Koosa laaboor weri ti a nyɛ ba se su un. Doone Yesu nitiŋɛ ta fun chaksi ba wa ni ni.

Tuma 19:10

O funɛ biksi dooni bunsa lɛwa hali Ju tim ta maga awa ba naa vɛ ya Ju tima aa nyɛn Azia pulum ni fun nu ya kunyan ti laaboor weri ti wɛ.

Tuma 19:17

Ju tim ta maga awa ba naa vɛ ya Ju tima aa nyɛn Ɛfɛsus ni fun nu chenani yɛɛ. Hansura fun kpak ba kinkan, chen ni ba fun nyɛ ya kunyana Yesu awa jirima kinkan a gbaari.

Tuma 19:8

Pɛnsa tora Pɔɔl yaa fun la zu Ju tim ta bar lagmi dɛ a kpak o bambi a biksi nara. O wa ba di amɔrɛ di o nyɛ ba se su di saha naa Koosa dɔ nara chen telu.

Tuma 2:47

Ba yaa funɛ pɛgi Koosau ka Jɛrusalɛm tima lisi di ba ya nibin werewa. Wuzu kam Koosa fun kpa ba naa o yisi a li ba tum tagna ni, a gbaari ba ni.

Tuma 20:21

Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

Tuma 21:28

Ba fun tɛsi a ŋɔ, “Ma Ju tima, ma wa suŋi ya. Baal naa ya kpak nan, waa ya naa yaa biksi nara bar damati ni di Ju tim ta, ba chiksɛ ta awa Koosa bar jɛɛmi dam nɔ ya yɔrirɛ. Hali lalaknɔ o kpa ba naa vɛ ya Ju timwa a wa zu bar nɔ a chɔk doonani Koosa fun lisi a nyɛ o titi ni chen.”

Tuma 9:20

A funɛ ya tamnɛ, o fun vaan si a zu Ju tim ta bar lagmi dɛɛna aa biksi ba di Yesu ya Koosa bere.

Room 1:16

Koosa laaboor weri ti ya mu jirima kin. Koosa funɛ kpa o kpokre a du un ni, chen ni Koosa zi kotiu a yisi ba naa maga se su o laaboor weri ti a li ba tum tagna ni. O te ya chene a nyɛ ba naa ya Ju tim ni a ka zi ya a nyɛ ba naa vɛ ya Ju tim ni.

Room 10:12

Koosa wara daŋni bɔnɛ a ka bɔnɛ. Ba naa ya Ju tima awa ba naa vɛ ya Ju tima, ba maga ya kibɛgimnɛ o wati. Ba maga kunyana yaa nu a la suŋi ba naa la yir o sɔn kinkan.

Gal. 2:3

Taitus naa funɛ nyɛn mu wati, funɛ ya Girik timwa, amaa ba wa fun muksi un di ba teŋ un.

Gal. 3:28

Ma naa ya Ju tima awa ma naa vɛ ya Ju tima, ma naa ya yosa awa ma naa vɛ ya yosa, ma nibaala awa ma nihaana, ma maga ya nibɛgimnɛ, domi ma wa Yesu Kristo ya nibɛgimnɛ.

Kɔl. 3:11

Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.

2 Tim. 3:11

I gban zimu chenani mu dɔma muksi minu kinkan a li tɔsi a naa ba yir Antiɔk, Ikonium awa Listira ni, ka mu di namsi dooni. Amaa Koosa funɛ bu wa lisi minu a li mu namsi maga ni.