Tuma 13:52 - Tampulma

⁵² Yesu nitiŋɛ ba naa se su Koosa laaboor weri ti a li Antiɔk ni, ba tusa funɛ sɔɔniu kinkan ka Koosa siim weri ti te ba suwachak.

Tuma 13:52 Marejeleo ya Msalaba

Mat. 5:12

Chene nibinsa funɛ muksi Koosa witinsa ba naa funɛ nyɛn saha digi chen kinkan. Koosa funɛ kpa o papaha zenu a chiŋsi o tɔha ni di o nyɛ ma. Chendaha ma nyɛ ma tusa sɔɔni kinkan.”

Tuma 11:29

Yesu nitiŋɛ ba naa funɛ nyɛn Antiɔk ni, funɛ daŋni ba suŋi ba niinbisa ba naa nyɛn Judia pulum ni. Ba nibɛgim bɛgima fun lisi chenani ba nyaŋi a li ba malɛ ni,

Tuma 2:4

ka Koosa siim weri ti fun wa si ba bambe ni, a nyɛ ba fun piili a sɛm sɛm naa vɛ ya ba titi sɛma.

Tuma 2:46

Wuzu kam ba yaa fun la lagmi Koosa bar jɛɛmi dam ti niu a sumi Koosa aa go ba damsa a lagmi a di diwe awa tu sɔɔni. Ba nisa wa fun zuk wa ba lagmi a tum tuma.

Tuma 4:31

Ba funɛ sumi Koosa a peti, dɛ naa ba fun lagmi chen, zigsi ka o siim weri ti si ba bambe ni. Ba fun li a ŋɔ nara ni Koosa laaboor weri ti wɛ awa bambi kpoka ni.

Tuma 5:41

Ba funɛ li, nitumɛ ta tusa fun sɔɔni kinkan di Koosa funɛ lisi ba di ba tuksi ba Yesu daha.

Room 14:17

Koosa dɔ ma, diwe naa ma di a la nyɔ wa bu ya kibirigi o wati. Chenani o siim weri ti nyɛ ma bara sɔɔna awa tu sɔɔna a la suŋi ma di ma tum tum were a nyɛ Koosa ni, kin nama ka ya kibirigi a li o wati.

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

Room 5:3

Hali nara namsi ya, ya tusa gbanko zi sɔɔniu. Ya zimu di namsi ti nyɛ ya na kanyita.

2 Kɔr. 8:2

Ba funɛ na namsi kinkan, amaa chenani ba funɛ na namsi, chene ba fun vɛɛn a na tu sɔɔna kinkan. Ba ya fara timwa kinkan, amaa ba funɛ lisiu a li ba kina tam ni a wa nyɛ nara ni.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

1 Tɛs. 1:6

ka ma fun a tiŋ ya awa ya kunyan ti. Domi ma funɛ la nɔɔniu Koosa laaboor weri ti ni, nara funɛ muksi ma kinkan, amaa Koosa siim weri ti funɛ nyɛ ma tusa sɔɔniu kinkan.

Jems 1:2

Mu niinbisa, ma wa na zaamsi, ma nyɛ ma tusa sɔɔni kinkan.

1 Pita 4:13

Ma waa la namsi a chi Kristo funɛ namsi. Chendaha ma nyɛ ma tusa sɔɔni. O wa bur wa, ka nara na o jirima awa o chaani kinkan, ma tusa zi wa sɔɔniu hali a la gali.