Tuma 13:48 - Tampulma

⁴⁸ Chenani Pɔɔl fun sɛm nyɛ ba sɔɔni ba naa vɛ ya Ju tima tusa kinkan ka ba pɛgi ya kunyan ti o laaboor weri ti daha. Doone ba naa Koosa fun lisi di o kpa o mi fali naa vɛ kpak bɔ a nyɛ ba, ba se fun su o laaboor weri ti.

Tuma 13:48 Marejeleo ya Msalaba

Mat. 25:46

Koosa zi kpa ba naa la tum tum tagna chenu a du namsi naa vɛ kpak bɔ bar ni, amaa o ka zi kpa ba naa la tum tum were chenu a nyɛ ba o miisa naa vɛ kpak bɔ.”

Mat. 28:16

Yesu gantɛl tiŋsa nara fi di nibɛgim fun kaali kuŋkule nyuha a li Galili pulum ni doonani Yesu fun ŋɔ ba di ba wa pu un.

Luk 7:8

O kpak nihɛɛ zeneu ba naa la zi ŋɔ un chenani o zi tumu. O gbanko kpak lanjimasa ba naa o zi ŋɔ di ba tum tumau. O yaa ŋɔ digi ni di o la. O kaali. O yaa ŋɔ digi ni, kuwa. O wa. O yaa ŋɔ o yom ni, tum nan. O tum chen.”

Jɔn 10:16

Piisi bɔnɛwa mu dɔ ka a nyɛn bar digi ni. O lawa mu la a nu mu tau, chen ni a zi tiŋ minu. A wa mu piisisi ta lagmi dɔŋ ni, chen ni a zi ya kibɛgimu ka nigbaŋi bɛgim kinyini a.

Jɔn 11:52

O sɛm ta mun funɛ zen a kaali chenu. Yesu sou daha, Koosa bisa maga, ba naa pisi a go tɛɛne nɔ maga zi wa lagmi dɔŋ niu a ya nibɛgim.

Tuma 13:12

Gɔbnati nyuhu tiin ti funɛ na chenani yɛɛ, o se fun su Koosa laaboor weri ti. Alaazibu fun kpak un kinkan a li chenani Barnabas awa Sɔɔl fun biksi un ya kunyan ti wɛ.

Tuma 13:42

Pɔɔl funɛ sɛm peti, nara ta maga fun si a li. Ba bɔnɛ fun wa ŋɔ Pɔɔl awa Barnabas ni di ba bur wa biksi ba a gbaari a li ba hiisi wuzu kinkin ti ni.

Tuma 15:2

Pɔɔl awa Barnabas wa ba fun di amɔrɛ kpok a li ba biksi nɔ ni. Yesu nitiŋɛ ta fun lisi Pɔɔl, Barnabas awa ba bɔnɛ a li ba tuhu ni ba la Jɛrusalɛm ba wa nitumɛ ta awa nihɛɛti ta na dɔŋa chenani ba zi ya.

Tuma 15:31

Chenani ba fun karimi tɔn ti ni, chen fun kpami ba a sɔɔni ba tusa kinkan.

Tuma 2:41

Doone ba nidamata fun la nɔɔni di o sɛm ta ya wutiu. Ba fun gil ba tum tagna a bur tiŋ Koosa a nyɛ nitumɛ ta chaksi ba wa ni ni. Chen saha ti ba naa funɛ gbaari Yesu gantɛl tiŋsi ta ni, funɛ dugli nara tusugsa torau.

Tuma 2:47

Ba yaa funɛ pɛgi Koosau ka Jɛrusalɛm tima lisi di ba ya nibin werewa. Wuzu kam Koosa fun kpa ba naa o yisi a li ba tum tagna ni, a gbaari ba ni.

Tuma 20:13

Pɔɔl fun waligi ya ni a kaali tɔhɔn naa ba yir Asɔs o duŋduŋ. Ya ka fun zu arŋa a la pu un dooni a chi chenani o fun ŋɔ ya chen.

Tuma 22:10

Mu fun bukoo ŋɔ, ‘Mu kunyana, baŋnɛ ii daŋni mu ya?’ Ta ti fun ŋɔ min, ‘Si a la zu Damaskus. Nandigi zi wa ŋɔ hinu chenani Koosa daŋni i yau dooni.’

Tuma 28:23

Ba fun la nɔɔni di ba wa Pɔɔl zi bu lagmiu. A wuzu ti fun wa tel, ba fun i a gbaari a wa doonani o nyɛn chen. A piili chɔɔsa hali nha wa chel, o fun biksi ba di saha naa Koosa zi wa dɔ nara telu mun. O fun karimi Koosa sɛm tɔn ti bar digi a li chiksɛ naa o fun lisi a nyɛ Mosis ni chen awa sɛm naa Koosa witinsi ta fun sɔbi di o biksi ba chenani o fun ŋɔ Yesu wɛ chen ya wutirɛ.

Tuma 8:8

Samaria tim ta maga tusa funɛ sɔɔniu kinkan chenani o ya chen daha.

Room 11:7

Yɛrɛ o du lalaknɔ? Kin naa Ju tim ta funɛ dɛu, ba wa fun na un. Ba nara tama naa Koosa fun yisi a nyɛ o titi ni, ba waa funɛ wa na un. Ba naa funɛ vɛ na un, o fun nyɛ ba se kpok.

Room 13:1

Nara maga kitiŋ pulum nihɛɛta nɔɔna. Nandigi waa kikoti a ya nihɛɛ see Koosa la nɔɔni. Waa funɛ nyɛ ba ya nihɛɛta,

Room 8:28

Ya zimu di saha maga Koosa nyɛ kina maga burgi kiwere a nyɛ ba naa la daŋni un ni. O funɛ ya o tutɔrɛ o yir ba di ba wa o wati. Chendaha oo tum chen.

1 Kɔr. 16:15

Ma zimu di Stɛfanas awa o dam walɛ funɛ te nyɛ ba se su Yesu a li Girik tim pulum ni a fun piinsa tum si sɛm tuma a nyɛ Koosa nara ni.

Ɛfɛ. 1:11

Koosa tiŋ o tutɔrɛ a li o tum maga ni. O fun te lisi ya a nyɛ o titi ni, a zi naami tɛɛnɛ nɔ maga, chen ni ya wa Yesu Kristo zi ya nibɛgimu.

Ɛfɛ. 1:19

Mu gbanko sumi unu di ma zim o kpok naa o fun kpa a nyɛ ya naa se su un ni kinkan. Kpok naa ya kpak nan awa kpok kinkan,

Ɛfɛ. 1:4

O fun te lisi ya a nyɛ o titi ni Yesu Kristo daha ka o fun a naami tɛɛnɛ nɔ maga, chen ni ya zi kotiu a ya bambi chaan tima ba naa o vɛ na ba galimsa o suwachak ni.

Ɛfɛ. 1:5

Domi o la daŋni ya daha, o fun piin ya o tutɔ chen saha ti o nyɛ ya burgi o bisa Yesu Kristo daha. Chen nyɛ o tuha sɔɔni kinkan.

2 Tɛs. 3:1

Mu niinbisa, maa sumi Koosa a nyɛ ya di ya koti a mɔɔli Koosa laaboor weri ti bawu maga ni, chen ni nidamata se zi su unu a chi chenani maa ya chen.