Tuma 13:39 - Tampulma

³⁹ Ba naa la tiŋ chiksɛ naa Koosa fun kpa nyɛ Mosis ni duŋduŋ, Koosa ha fun vɛɛn na ba galimsa. Ba naa se ka funɛ su Yesu, Koosa wa fun na ba galimsa.

Tuma 13:39 Marejeleo ya Msalaba

Luk 10:25

Koosa chiksɛ nibiksɛ ta digi funɛ wa Yesu wati di o wa mo o lo. O fun pɛɛsi un, “Mu kunyana, yɛrɛ mu kaa ya a wa na miisa naa vɛ kpak bɔ?”

Luk 10:28

Yesu fun ŋɔ un, “I sɛm ta deŋlu. I tiŋ chenani i sɛm min, i zi na miisa naa vɛ kpak bɔu.”

Luk 18:14

Yesu funɛ sɛm jɛɛgi ti peti, o fun ŋɔ nara tima ni, “Nara balɛ ta funɛ kaali ba damsa, Koosa wa fun bu na lampo nilali ti galimsa ka Farisi tim ta baal ti galimsa kpalimi un ni. Nar la zer o titi buudaha, Koosa zi nyɛ o chelu. Nar ka kpa o titi a burgi gantɛl tiŋna, Koosa zi zer un buudahau.”

Jɔn 1:17

Koosa funɛ te kpa o chiksɛ a nyɛ Ju tim nawaal naa ba yir Mosis ni a zi tum Yesu Kristo di o wa biksi ya o wuti awa chenani o daŋni o suŋi ya.

Jɔn 5:24

“Sɛm naa mu kaa sɛm nan ya sɛm birigewa, adaha maa nu a nɛnɛ. Ba naa maga nu mu biksi nɔ a nyɛ ba se su Koosa naa tum min chen, o zi nyɛ ba o mi fali naa vɛ kpak bɔu. O gbanko wa zi bu na ba galimsa ba tum tagna daha a ta ba yɔri.

Tuma 10:43

Koosa witinsi ta maga funɛ sɛm o wɛu saha digi. Ba fun biksi di ba naa maga se su un, Koosa zi gil ba tum tagnau a nyɛ ba Yesu sɔn daha.”

Room 10:10

Chenani ya se su Koosa, chen nyɛ o bu vɛ na ya galimsa awa chenani ya nɔ sɛma biksi nara ya se suuli wɛ, chen nyɛ o yisi ya a li ya tum tagna ni.

Room 10:4

Kristo funɛ kpa Koosa chiksɛ ta tiŋi a nyɛ a peti, chen ni Koosa wa zi bu koti a na ba naa maga se su un galimsa.

Room 3:19

Ya zimu di ba naa la biksi Koosa chiksɛ ta, ba waa la biksi ba naa la tiŋ a, di ba na galimsa. Chendaha nara maga zi wa la nɔɔniu di ba tum galimsau Koosa suwachak ni. Ba wa zi wa koti a sɛm wu digi.

Room 3:20

O chiksɛ ta biksi ya di ya maga ya tum tagna nitumɛwa. Koosa ha zi vɛɛn na ya galimsau o chiksɛ ta tiŋi daha.

Room 4:15

Koosa na paan a du ba naa la chɔk o chiksɛ ta a wa lɛrgi ba diŋsa. Chiksɛ ta fu vɛ nyɛni, nara fu wa zi koti a chɔk a.

Room 4:24

O funɛ ya ya gbanko daharɛ ba fun sɔbi chen. Ya se su Koosa naa funɛ lɛli ya kunyana Yesu Kristo a li o sou ni. Chendaha o gbanko wa zi bu na ya galimsa.

Room 5:1

Lalaknɔ Koosa wa piin na ya galimsa ya se suuli daha. Ya wa un kpak nɔ bɛgimnɛ ya kunyan Yesu Kristo daha.

Room 5:20

Koosa funɛ kpa o chiksɛ ta a nyɛ Ju tim ta ni, a waa funɛ nyɛ nara tum tum tagna a gbaari kinkan. Ba funɛ tum au a gbaari, chenani Koosa suŋi ba gbanko gbaari a kaali chen.

Room 5:9

O sou daha, o funɛ nyɛ Koosa wa nyinbaanu di o ta bu na ya galimsa. Chendaha ya koti a kpak bambi kinkan di Kristo zi yisi yau a li Koosa paan ni awa chenani o zi lɛrgi ya diŋsau.

Room 8:1

Ba naa maga wa Yesu Kristo ya nibɛgim, Koosa wa zi bu na ba galimsa.

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

Room 9:31

Ju tim ta funɛ dɛu di ba tiŋ o chiksɛ ta, chen ni o wa zi bu na ba galimsa. Amaa chen wa fun ya.

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

Gal. 2:16

Ya zimu di nar tiŋ Koosa chiksɛ ta duŋduŋ, chen tiina ha zi vɛɛn kpak galimsau o wati, amaa nar nyɛ o si su Yesu Kristo, Koosa wa zi bu na o galimsa. Ya se su Yesu Kristo. Ya wara tiŋ Koosa chiksɛ ta duŋduŋ. Chendaha o wa bu na ya galimsa.

Gal. 2:19

Mu tiŋ o chiksɛ ta duŋduŋ, mu wa kikoti a tiŋ a a peti, a na galimsa o wati. Mu wa bu tiŋ chen. Lalaknɔ mu nyɛn a nyɛ Koosa nɛɛ. O chi mu wa Kristo sowɛɛ a li o daakakli ti ni,

Gal. 3:8

Koosa funɛ te biksi ba naa funɛ sɔbi a li o sɛm tɔn ti ni di o wa zi bu na ba naa vɛ ya Ju tima galimsa o suwachak ni, domi ba se zi wa su unu. Abraham funɛ te nu nan laaboor weri nɔ di, “Koosa zi suŋi ba naa maga nyɛn tɛɛnɛ nɔ maga niu a chi nan o daha.”

Gal. 5:3

Mu bukoo ŋɔ mau di nandigi nyɛ ba teŋsi un, o lawa o bur a tiŋ Koosa chiksɛ maga hali a wa peti.

Ju 10:11

Wuzu kam Ju tima dam kɔkɔɔrsi ta yaa kɔɔri nara tima koorsau a nyɛ Koosa ni, amaa a wa nyɛ o yisi ba a li ba tum tagna ni hali a wa peti.

Ju 10:4

Wutirɛ nuwal awa buun chɛl wa kikoti a chiŋi nibinsa tum tagna bar chiŋi ni.

Ju 7:19

Chenani ya fun tiŋ Ju tim ta chiksɛ wa fun nyɛ Koosa bu vɛ na ya galimsa. Amaa lalaknɔ ya kpak bambi bɛgim a li naa nyɛ ya wa dugli Koosa.