Tuma 13:16 - Tampulma

¹⁶ Doone Pɔɔl fun si chiŋi a kpa o nin a viigi ba suwachak ni di ba moori a ŋɔ ba, “Mu niinbisa Ju tima awa ma naa vɛ ya Ju tima a la jɛɛmi Koosa, maa nu mu wati nɛnɛ.

Tuma 13:16 Marejeleo ya Msalaba

Mat. 11:15

Maa cheŋi ma diŋsa a nu mu sɛma.

Luk 1:22

Malaika ti funɛ kaali, Zɛkaraya funɛ li dam ti niu a wa chiŋi nara tima suwachak ni. O funɛ vɛ koti a sɛm sɛm chen, o fun kpa o nisa a sɛm sɛma ba wati. Nara tima funɛ na Zɛkaraya ka o kpa o nisa a sɛm sɛm chen, ba fun a zim di o na kundɔŋnɛ o deesi ni a li dam ti ni.

Luk 1:50

O ɔm sikirɛ a nyɛ ba naa maga la nyɛ un jirima, tɛɛnɛ nɔ maga piili ti ni hali wa zinan.

Luk 23:40

O dɔŋtiin ŋmɛɛr ti fun a zulimi un a ŋɔ, “I sɛm chen, i wara nyɛ Koosa jirima. O wa zi vusi ka ya maga siti.

Tuma 10:2

O wa o walɛ yaa funɛ sumi Koosa a la jɛɛmi un. O gbanko yaa funɛ suŋi Ju tim fara tim tau.

Tuma 10:35

Ba naa maga yaa tum tum were a la nyɛ un jirima a li pulumsi maga ni, o zi la ba duu.

Tuma 12:17

O fun kpa o nin a ya ba ba gil chɛɛma a ŋɔ ba chenani ya kunyan ti yisi un a li dɛ naa ba tɔ nara chen ni. O fun ŋɔ ba, “Ma la ŋɔ Jems awa Yesu nitiŋɛ ta chenani yɛɛ.” Doone o fun gil ba a kaali bar digi.

Tuma 13:26

“Mu niinbisa, ma naa ya Abraham bi lulɛ, awa ma naa vɛ ya Ju tima a la jɛɛmi Koosa. Laaboor weri naa la biksi chenani Koosa daŋni o lisi nara a li ba tum tagna ni ba tiŋ un ya ya kinnɛ.

Tuma 13:46

Chenani ba funɛ sɛm nyɛ Pɔɔl awa Barnabas bambe kpok ka Pɔɔl ŋɔ ba, “O deŋlu wa ya te kpa Koosa laaboor weri ti a biksi ma Ju tima. Ya waa funɛ nyɛ ma nyinbaan di ma nu un a la Koosa mi fali naa vɛ kpak bɔ ka ma vɛ a. Chenani ma vɛ chen, ya wa zi bu biksi Koosa laaboor weri ti a nyɛ Ju tim ta ni. Ya ka zi biksi unu a nyɛ ba naa vɛ ya Ju tim ta duŋduŋ nɛɛ.

Tuma 19:33

Ju tim ba naa funɛ nyɛn zɛmɛ ta ni, bɔnɛ fun kpak baal naa ba yir Alɛzanda a zak un li zɛmɛ ta suwachak di o ŋɔ ba chenani o kpak. O fun a viigi o nin di ba gil chɛɛma.

Tuma 2:14

Koosa nitumɛ nara fidalɛ ta funɛ nu chenani zɛmɛ ta sɛm, Pita fun si a chiŋi a sɛm ta zaŋa a ŋɔ ba, “Ma Ju tima awa ma naa maga nyɛn Jɛrusalɛm ni, ma cheŋe ma diŋsa nɛnɛ a nu chenani mu kaa sɛm ma.

Tuma 2:22

“Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Tuma 21:40

Lanjimasi ta nihɛɛ nyuhu tiin ti fun nyɛ un nyinbaan. Pɔɔl fun chiŋi naŋgere bar nɔsɛ nyuhu ti ni a viigi o nin di zɛmɛ ta gil chɛɛma. Ba fun moori ka o sɛm sɛma a nyɛ ba a li Ju tim sɛm ni.

Tuma 22:22

Zɛmɛ ta fun nu Pɔɔl sɛma hali o wa tel sɛm ta mun di ya kunyan ti funɛ tum un di o la ba naa vɛ ya Ju tim wati. Ba fun vaan tɛsi ta zaŋa a ŋɔ, “Ma kpa un kila a la kpu. O wa lawa o nyɛn.”

Tuma 3:12

Pita funɛ na ka zɛmɛ ta gbaari, o fun ŋɔ ba, “Ma Ju tima, yɛrɛ ma nyɛ alaazibu kpak ma chen? Yɛrɛ ma nyini ya se ni chen ni? O wa ya ya titi kpok nee koo chenani ya yaa jɛɛmi Koosa nɛnɛ nyɛ baal nɔ na alaafɛ.

JɔnN Deesi 2:11

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, Koosa wa zi kpa ba a gbaari ba naa o zi wa na ba galimsa a ta ba yɔri.”

JɔnN Deesi 2:17

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, mu zi kpa diwe naa ba yir ‘mana’ ka o sogliu, a nyɛ ba ba di. Mu zi sɔbi sɔn falɛu a sak buŋkul pilimi ni a kpa nyɛ ba. Ba naa la a chen duŋduŋ la zi zim chenani sɔbi sak o kin ni.”

JɔnN Deesi 2:29

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni.”

JɔnN Deesi 2:7

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa maga vɛ bur mu tiŋi ni, mu zi nyɛ ba nyinbaanu ba di Koosa mi fali bugil nɔnau. O bi Koosa tɔhɔn naa weri nee. Ba naa maga nyɛn dooni, ba tusa sɔɔnɛu kinkan.”