Tuma 13:12 - Tampulma

¹² Gɔbnati nyuhu tiin ti funɛ na chenani yɛɛ, o se fun su Koosa laaboor weri ti. Alaazibu fun kpak un kinkan a li chenani Barnabas awa Sɔɔl fun biksi un ya kunyan ti wɛ.

Tuma 13:12 Marejeleo ya Msalaba

Mat. 27:54

Lanjimasa kɔkwa nihɛɛ awa o lanjimasa ba naa funɛ chiŋi bɔnɛ a il Yesu, ba funɛ na tɛɛnɛ zigsɛɛ awa chenani maga yɛɛ, hansura fun kpak ba kinkan. Ba funɛ sɛm dɔŋ ni, “Wuti baal nɔ sir ya Koosa bere.”

Luk 4:22

Yesu sɛm were fun ya ba lɛmlɛm ka alaazibu fun kpak ba kinkan. Ba bɔnɛ ka fun ŋɔ dɔŋ ni, “Baal nɔ, o wa ya Josɛf beree?”

Luk 7:16

Zɛmɛ ta funɛ na chenani Yesu fun tum, hansura fun kpak ba kinkan. Ba funɛ pɛgi Koosa a ŋɔ, “Hin ya witiin zen ti.” Ba gbanko ŋɔ, “I wau di i wa suŋi i nara.”

Jɔn 7:46

Lanjimasa ta fun ŋɔ ba, “Baal nɔ sɛma kaali chen naa maga ya nu.”

Tuma 13:48

Chenani Pɔɔl fun sɛm nyɛ ba sɔɔni ba naa vɛ ya Ju tima tusa kinkan ka ba pɛgi ya kunyan ti o laaboor weri ti daha. Doone ba naa Koosa fun lisi di o kpa o mi fali naa vɛ kpak bɔ a nyɛ ba, ba se fun su o laaboor weri ti.

Tuma 13:49

Koosa laaboor weri ti fun mɔɔli tɔsi naa maga go dooni.

Tuma 13:7

Baal naa ba funɛ yir Sɛjius Pɔlɔs funɛ ya Saiprus pulum ti gɔbnati nyuhu tiina. O funɛ ya nibin nɛɛgirɛ ka o wa Bayesu funɛ ya chɛnsa. Gɔbnati nyuhu tiin ti funɛ nu di Barnabas awa Sɔɔl wau, o fun yir ba ba wa biksi un Koosa laaboor weri ti wɛ.

Tuma 13:8

Bayesu sɔn digi funɛ ya Ɛlimas a li Girik tima sɛm ni. O funɛ nu nara balɛ ta ka ba biksi Koosa laaboor weri ti a nyɛ gɔbnati nyuhu tiin ti ni, o fun kpaŋi o titi di o lisi un a li o se suuli ti ni.

Tuma 15:35

Pɔɔl awa Barnabas fun kpalimi Antiɔk ni. Ba wa Yesu nitiŋɛ ta fun biksi nara Koosa laaboor weri ti wɛ.

Tuma 15:36

Wuzu digi Pɔɔl fun ŋɔ Barnabas ni, “Ya funɛ biksi narau a li tɔ damati ni. Ma nyɛ ya bur kila a la na chenani Yesu nitiŋɛ ba naa nyɛn dooni, se su.”

Tuma 18:12

Doone Roman tima fun lisi baal naa ba yir Galio a vɔu un gɔbnati nyuhu tiina a li Girik tim pulum ni. Chen saha tirɛ Ju tim ta fun lagmi a kpak Pɔɔl a kpa un la Galio suwachak di ba fiksi un.

Tuma 19:10

O funɛ biksi dooni bunsa lɛwa hali Ju tim ta maga awa ba naa vɛ ya Ju tima aa nyɛn Azia pulum ni fun nu ya kunyan ti laaboor weri ti wɛ.

Tuma 19:20

Chenani maga funɛ ya nyɛ nidamata se su ya kunyan ti laaboor weri ti a gbaari.

Tuma 19:38

Dimitrius awa o tum dɔŋsi ta daŋni ba fiksi ba, ma nyɛ ba kpa ba a la a wuzu naa ba puk sɛria bar diili dɛ ti. Doonee nara koti a fiksi nara sɛria nidiili ti suwachak ni.

Tuma 19:7

Ba funɛ ya nara fidalɛwa.

Tuma 28:7

Ya wa pulum ti koor bar nyɛni wa fun bol dɔŋ ni. O sɔn funɛ ya Publius. O fun la ya a du ya nyɛn o wati wuzu butora.

Tuma 6:10

Koosa siim weri ti funɛ suŋi Stivin o sɛm nɛha sɛma a nyaŋi ba.

Tuma 8:25

Ba wa Simɔn funɛ sɛm peti, ba fun biksi nara tima Koosa laaboor weri ti wɛ awa chenani ba zim Yesu wɛ a bur kaali Jɛrusalɛm. Ba funɛ nyɛn nyinbaan ni a la chene, ba funɛ biksi Koosa laaboor weri ti a nyɛ tɔsi naa nyɛn Samaria pulum tim bɔnɛ ni.