Tuma 13:1 - Tampulma

¹ Yesu nitiŋɛ ba naa funɛ nyɛn Antiɔk ni, bɔnɛ yaa mɔɔli Koosa laaboor weri ti. Bɔnɛ ka yaa biksi ba o mun. Ba funɛ yir ba sɔna, Barnabas, Simiɔn naa funɛ ya nibin bilim, Lusius naa funɛ li Sairini pulum, Manayɛn naa wa koor Hɛrɔd funɛ lagmi a bi, awa Sɔɔl.

Tuma 13:1 Marejeleo ya Msalaba

Mat. 27:32

Ba funɛ nyɛn nyinbaan ni a la chene, ba fun la chem baal naa ba yir Simɔn a li Sairini pulum ni. Ba fun lɛrgi un a nyɛ o zer Yesu daakakli ti a baasi a tiŋ ba kaali.

Luk 3:1

Jɔn naa funɛ ya Zɛkaraya be, funɛ la zu nyabaan di o biksi nara Koosa wɛ, kaŋkoor zen naa ba funɛ yir Tibɛrias, funɛ kani o kor ni bun fidanyuunwa. Baal naa funɛ dɔ Galili pulum, chen sɔn funɛ ya Hɛrɔd. O niinbe, naa ba funɛ yir Filip chen, ka fun dɔ Ituria pulum awa Trakɔnaitis pulum. Baal naa funɛ dɔ Abilini pulum, chen sɔn funɛ ya Lisanias.

Tuma 11:30

a kpa lagmi dɔŋ ni a du Barnabas awa Sɔɔl nin ni di ba kpa la nyɛ Yesu nitiŋɛ ta nihɛɛti ni dooni.

Tuma 12:25

Barnabas awa Sɔɔl funɛ kpa Yesu nitiŋɛ ba naa funɛ nyɛn Antiɔk ni, malɛ a du Yesu nitiŋɛ ba naa nyɛn Jɛrusalɛm ni, nihɛɛti ta nin ni. Doone Barnabas awa Sɔɔl fun kpa Jɔn Maak a gbaari ba ni a kaali Antiɔk.

Tuma 13:9

Sɔɔl sɔn digi funɛ ya Pɔɔl. O funɛ na chenani Ɛlimas ya, Koosa siim weri ti fun si un ni o nyini o se ni,

Tuma 15:32

Judas awa Sailas funɛ ya Koosa witinsi ta nara balɛwa. Ba gbanko fun kpami Yesu nitiŋɛ ba naa funɛ nyɛn dooni, di ba kpak Yesu nɛnɛ a vusi.

Tuma 15:35

Pɔɔl awa Barnabas fun kpalimi Antiɔk ni. Ba wa Yesu nitiŋɛ ta fun biksi nara Koosa laaboor weri ti wɛ.

Tuma 19:6

Pɔɔl fun kpa o nisa a saksi ba ni di Koosa siim weri ti wa zu ba bambe ni. Ba fun piili a sɛm sɛm kurgɛ a la sɛm nara ni Koosa laaboor weri ti wɛ.

Tuma 21:9

O funɛ kpak nihabichɛsa nara banaasiwa ba gbaari un ni a biksi nara Koosa laaboor weri ti wɛ. Ba ha wa fun yu baalasa.

Tuma 4:36

Ba nidigi sɔn funɛ ya Josɛf. Nitumɛ ta gbanko funɛ yir un Barnabas. Barnabas ti mun ya, ‘naa la kpami nara’. O funɛ li lul naa ba yir Livai nɛɛ a li pulum ni gore. Ba yir dooni Saiprus.

Tuma 9:1

Sɔɔl ha funɛ vɛɛna namsi Yesu nitiŋɛ tau Jɛrusalɛm ni a daŋni o kpu ba. O fun la Koosa dam kɔkɔɔrsi ta nihɛɛ ti wati,

Room 16:21

Timoti naa wa min la tum tuma zaami mau. Lusius, Jesɔn awa Sosipata ba naa ya Ju tim ta, gbanko zaami mau.

1 Kɔr. 11:4

Ma wa lagmi dɔŋ ni, nibaal naa la sumi Koosa akoo a kpa o siim weri ti kpok a sɛm sɛma a kpa kundɔŋ a tɔ o nyuha, o du Kristo wa hiisau.

1 Kɔr. 13:2

Mu koti a biksi nara Koosa wɛ nɛnɛ o kpok ti ni, a nɛɛgi kinkan a zim Koosa kisogle a kpak kpok a zi koti a ŋɔ bi ni di o si o bar chiŋi ti ni aa la bar digi. Mu koti aa tum nan maga a vɛ daŋni nara, o ya yɔrirɛ.

1 Kɔr. 13:8

Sɛm naa ba yaa sɛm a li Koosa kpok ti ni a nyɛ nara ni, a zi wa kpak bɔu wuzu digi. Sɛm kurgɛ ta ba yaa sɛm a li Koosa kpok ti ni, a zi wa gilu wuzu digi. Zima naa nara kpak, o gbanko zi wa gilu wuzu digi. Amaa daŋni wa kpak peti.

1 Kɔr. 14:29

Koosa witinsa ba naa la zi sɛm a li Koosa kpok ti ni, ma nyɛ ba ya nara balɛ akoo nara batora duŋduŋ nyɛ ba dɔŋtima kani a nu ba sɛm tima nɛnɛ aa kilisi a maga wɛ.

1 Kɔr. 14:32

Ba naa la sɛm a li o kpok ti ni, o lawa ba kpak ba titiu nɛnɛ.

1 Kɔr. 9:6

Mu wa Barnabas duŋduŋ kaa tum aa di ya bar wilim nii?

Gal. 2:13

Ba dɔŋtima ba naa funɛ ka a ya Ju tim ta, funɛ na chenani Pita fun tumu, ba tiŋ un. Hali Barnabas wa o dɔŋtima ba naa vɛ ya Ju tima, fun vɛ di o wa ba wa zi lagmi a di diwe.

Gal. 2:9

Jems, Pita awa Jɔn ba naa chi nihɛɛti ta, funɛ zimu di Koosa suŋi minu di muu tum o tuma chen ni, ba fun la nɔɔni di ya wa ba ya nibɛgimnɛ. Ba wa ya gbanko fun la nɔɔniu di ba zi la biksi ba naa ya Ju timau. Ya ka zi la biksi ba naa vɛ ya Ju timau.

Ɛfɛ. 4:11

O funɛ lisi a li o papaha ti ni a nyɛ o nitiŋɛ ta ni, o fun nyɛ ba bɔnɛ ŋɔ nara o wɛ, bɔnɛ nyini o nitiŋɛ ta, bɔnɛ ka biksi ba o wɛ,

Filip. Tima 4:22

Koosa nara ba naa nyɛn tɔhɔn nɔ ni, zaami mau. Ba naa maga la tum koorsi ta nyuhu tiina Siiza dam zen ni zaami mau kinkan.

1 Tɛs. 5:20

Ma ta sɛm sɛm tagna a nyɛ laaboor naa Koosa witinsa ta sɛm a li o kpok ti ni chen.